헬라어 문장 검색 - ΑριστίΟρατιον́23́0́009́

(아리스티데스, 아일리오스, 연설, Ιἑροὶ λόγοι α# 9:)

καὶ αὐτὸσ ἅμα ἀποδύεσθαι, ἐλουσάμην. καὶ πάλιν τῇ δεκάτῃ τοῦ μηνὸσ ἐδόκει μοι Ἀντωνῖνοσ ὁ Πυθοδώρου διαλέγεσθαι περὶ Νυμφῶν ἐπαίνων· εἰπεῖν οὖν καὶ αὐτὸσ ὅτι οὐκ εἰε͂ν θεαὶ χαριέστεραι, πάντωσ δὲ εἶναι καὶ τῷ ἐπιεικεῖ ἀπολαύειν αὐτῶν, εἰ καὶ μὴ πολλὰ λουμένῳ, τά γε μέτρια. ταῦτά τε δὴ καὶ ὑγιείασ ἐδόκουν τι λέγειν ἐγκώμιον. δωδεκάτῃ ἐδόκουν Ἀντωνῖνον τὸν αὐτοκράτορα τὸν πρεσβύτερον καὶ τὸν τῶν πολεμίων βασιλέα σπονδὰσ καὶ φιλίαν πεποιῆσθαι πρὸσ ἀλλήλουσ· προσιόντων δὲ τῶν περὶ τὸν Βολόγεσον φωνὴν εἶναι οὐκ ὀλίγην, καὶ δοκεῖν αὐτοὺσ ἑλληνίζειν. ἔπειτα ἀφικέσθαι παρ’ ἐμὲ ἀμφοτέρουσ μετὰ τοῦ σχήματοσ τοῦ βασιλικοῦ, καὶ εἶναι τόν τε Ἀντωνῖνον ἐπιεικῶσ ἐν ἀκμῇ κἀκεῖνον βλοσυρόν τι ἰδεῖν· καθέζεσθαι δέ μου αὐτὸν οὐκ ἀπὸ πολλοῦ, ἑτέρωθεν δὲ ἐν θρόνῳ τὸν Ἀντωνῖνον. ἐδόκει δέ μοι καὶ ἰατρικῶν τινῶν ἐμπείρωσ ἔχειν ὁ Μῆδοσ, δεξιούμενοσ δέ με εἰπεῖν, πότε ἡμῖν ἀναγιγνώσκεισ; κἀγὼ ἡσθῆναί τε τῷ ῥήματι καὶ φάναι, ὅταν ὑμεῖσ κελεύητε. καὶ οἱ μὲν παρεσκευάζοντο πρὸσ τὴν ἀκρόασιν, ἐγὼ δὲ ἀπῄειν ἐκλέξων τῶν βιβλίων. καί μοι ἔδοξε πρόλογόν τινα ὡσ ἐν βραχεῖ συνθεῖναι εἰσ αὐτοὺσ, καὶ εἶχεν οὕτω πωσ ‐ ἐδόκουν δὲ καὶ πάνυ τοῦ συντεθέντοσ ἅπαντοσ μνημονεύειν ‐ ἃ δ’ οὖν διεσωσάμην· ἤδη μέν τισ καὶ ἄλλοσ χρηστοῦ τινοσ αὐτῷ συμβάντοσ καὶ βουλόμενοσ ἐνδείξασθαι τὴν ἡδονὴν εἶπεν ὡσ ἄρα εἰή πλεῖν ἢ διπλάσιοσ γεγονὼσ, ἄλλοσ δέ τισ ὡσ ἐν μακάρων νήσοισ εἶναι δοκοίη, ἐγὼ δὲ καὶ αὐτὸσ οὕτωσ ὑπὸ τῆσ παρούσησ ἡμέρασ τε καὶ τύχησ διάκειμαι· καὶ ἅμα ἐσκοπούμην εἰ κοινοῦν χρὴ τὸν λόγον, ἢ πλέον τῷ παρ’ ἡμῖν βασιλεῖ νέμειν, ἔπειτα οὕτωσ ἐφέπεσθαι τὰ πρὸσ τὸν ἕτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 9:

(아리스티데스, 아일리오스, 연설, Ιἑροὶ λόγοι α# 9:)

상위

목록

SEARCH

MENU NAVIGATION