헬라어 문장 검색 - ΑριστίΟρατιον́23́0́003́

(아리스티데스, 아일리오스, 연설, Ιἑροὶ λόγοι α# 3:)

διήγαγον δὲ περιπάτῳ χρώμενοσ κατ’ οἰκίαν, καὶ ἅμα παιδιᾷ, οἱᾶ ἑορτῶν οὐσῶν. καὶ γὰρ ἡ τοῦ θεοῦ παννυχὶσ ἐγκατειλήφει τὴν προτέραν ἑορτὴν, τὴν τοῦ Ποσειδῶνοσ. μετὰ δὲ τοῦτο ὄναρ γίγνεται, ἔχον μέν τινα ἔννοιαν λουτροῦ, οὐ μέντοι χωρίσ γε ὑπονοίασ· ἀλλ’ ἐδόκουν τι καὶ μολυνθῆναι· ὅμωσ δὲ ἔδοξε λούσασθαι, πάντωσ δ’ εἰ καὶ τῷ ὄντι τοῦτ’ ἐπεπόνθειν, ὕδατοσ δεῖν. εὐθύσ τε οὖν οὐχ ὡσ ἥδιστα ἔσχον ἐν τῷ βαλανείῳ καὶ ἐπειδὴ ἐπανῆλθον, ἐδόκει πάντα πλήρη εἶναι, καὶ τὸ πνεῦμα οἱο͂ν ἀσθμαίνοντοσ ἦν. ὥστε ἐπ’ ἀρχῇ τῆσ τροφῆσ εὐθὺσ ἐπαυσάμην. διαφθορὰ μετὰ τοῦτο ἐκ νυκτὸσ, καὶ προῆλθεν εἰσ τοῦτο, ὥστε μόλισ κατέστη πρὸ μεσημβρίασ μικρόν. ὄψισ δὲ ὀνείρατοσ οὑτωσί πωσ εἶχεν, ὡσ ἄρα εἰήν ἐν ὕδασι θερμοῖσ, προκεκυφὼσ δὲ εἰσ τὸ πρόσθεν ὁρῴην τὰ κάτω τῆσ κοιλίασ ἀτοπώτερον διακείμενα. ἐβουλευσάμην μὲν δὴ μεῖναι ἐπ’ ἀλουσίασ. ἔφη δέ τισ ὡσ οὐκ ἐπ’ αὐτοῦ γε τοῦ λουτροῦ τὸ δυσχερὲσ ἦν τὸ φαινόμενον, οὐδ’ εἰκὸσ ὡσ αἴτιον φυλάξασθαι. ἐλουσάμην τε εἰσ ἑσπέραν, καὶ ἅμα τῷ ὄρθρῳ τὸ ἦτρον ἤλγουν, καὶ ἐπεχώρει τὸ ἄλγημα ἐπὶ δεξιᾷ καὶ μέχρι βουβῶνοσ κάτω. ἑβδόμῃ δ’ ἐπὶ δέκα ἀλουσία ἐξ ὀνείρατοσ, ὀγδόῃ δ’ ἐπὶ δέκα ἀλουσία. ἐνάτῃ ἐπὶ δέκα δ’ ἔδοξά τινασ τῶν βαρβάρων ἐγκρατεῖσ γεγενῆσθαί μου, καί τινα αὐτῶν ἐπιέναι μοι καὶ δόξαν παρασχεῖν ὡσ στίξοντα· ἔπειτα καθεῖναι τὸν δάκτυλον οὑτωσὶ μέχρι τοῦ λαιμοῦ, καί τι ἐγχέαι, κατὰ δή τινα ἐπιχώριον νόμον, ὀνομάσαι δὲ αὐτὸ ὀξυσιτίαν· ταῦτα δὲ ὕστερον ὡσ ὄναρ διηγεῖσθαι καὶ τοὺσ ἀκούοντασ θαυμάζειν καὶ λέγειν ὡσ ἄρα τοῦτο αἴτιον εἰή τοῦ διψῆν μὲν, μὴ δύνασθαι δὲ πιεῖν, τὸ τρέπεσθαι εἰσ ὄξοσ τὰ σιτία. ἐκ δὴ τούτου ἔμετόσ τε ἐδείκνυτο καὶ προσέταξεν ὁ βάρβαροσ λουτροῦ τε ἀποσχέσθαι καὶ διάκονον ἕνα παραστήσασθαι. τὸ τήμερον εἶναι ἀλουσία καὶ ἔμετοσ μετὰ ῥᾳστώνησ, ὡσ εἰκάσαι ἐδόκουν ἐν προπυλαίοισ εἶναι τοῦ Ἀσκληπιοῦ, καί τινα τῶν ἐπιτηδείων ἐντυχόντα μοι περιβάλλειν καὶ φιλοφρονεῖσθαι, οἱᾶ δὴ διὰ χρόνου ἑορακότα· εἰπεῖν δὴ πρὸσ αὐτὸν ὡσ ἐν ἀηδίᾳ τε εἰήν γεγονὼσ καὶ προϊόντοσ τοῦ λόγου μνησθῆναι ὅσα δὴ καὶ περὶ τὸ ἱερὸν τυγχάνοι κεκινημένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 3:

(아리스티데스, 아일리오스, 연설, Ιἑροὶ λόγοι α# 3:)

상위

목록

SEARCH

MENU NAVIGATION