헬라어 문장 검색 - ΑριστίΟρατιον́03́0́008́

(아리스티데스, 아일리오스, 연설, Ἰσθμικὸσ εἰσ Ποσειδῶνα 8:)

μεγέθουσ γε μὴν τί ἄν τισ μεῖζον τεκμήριον ποιήσαιτο ἢ τὸ ἀποτετάσθαι αὐτὴν εἰσ ἁπάσασ θαλάττασ, καὶ συνῳκίσθαι τε αὐταῖσ καὶ παρακατῳκίσθαι, οὐ τῇ μὲν, τῇ δὲ οὒ, ἀλλὰ πάσαισ ὁμοίωσ. καὶ μὴν εὐνομίασ γε ὁρμητήριον ἡ πόλισ ἔτι καὶ νῦν βραβεύει τὰ δίκαια τοῖσ Ἕλλησι. πλούτου γε μὴν καὶ πλήθουσ ἀγαθῶν ὅσον εἰκὸσ ἐπαντλούσησ αὐτῇ τῆσ τε γῆσ τῆσ πανταχόθεν καὶ τῆσ πανταχόθεν θαλάττησ, οἱο͂ν ἐννάουσαν ἐν μέσοισ τοῖσ ἀγαθοῖσ καὶ περικλυζομένην αὐτὴν, καθάπερ τινὰ ὁλκάδα ἐν κύκλῳ μεστὴν τῶν ἀγαθῶν· σοφὸν δὲ δὴ καὶ καθ’ ὁδὸν ἐλθὼν ἂν εὑρ́οισ· καὶ παρὰ τῶν ἀψύχων μάθοισ ἂν καὶ ἀκούσειασ· τοσοῦτοι θησαυροὶ γραμμάτων περὶ πᾶσαν αὐτὴν, ὅποι καὶ μόνον ἀποβλέψειέ τισ, καὶ κατὰ τὰσ ὁδοὺσ αὐτὰσ καὶ τὰσ στοάσ. ἔτι τὰ γυμνάσια, τὰ διδασκαλεῖα, καὶ μαθήματά τε καὶ ἱστορήματα. τί οὖν δεῖ Σισύφου μεμνῆσθαι, ἢ τῆσ Σισύφου συνέσεωσ, ἢ Κορίνθου τοῦ Διὸσ, ἢ Βελλεροφόντου τοῦ Ποσειδῶνοσ, ἢ ἄλλου του τῶν ἡρώων τε καὶ τῶν ἡμιθέων, ἢ τὰ μετὰ ταῦτα πάλιν τοὺσ ἐξευρόντασ σταθμά τε καὶ ζυγὰ καὶ μέτρα, καὶ τὸ ἐν τούτοισ δίκαιον, καὶ τὸ ὡσ ναῦν ἐναυπηγήσατο αὕτη ἡ πόλισ, οὐ τριήρη μόνον, ἀλλὰ καὶ αὐτὴν τὴν Ἀργὼ ἔγωγ’ ἂν φαίην. ὁ γοῦν ἡγεμὼν αὐτῆσ τοῦ στόλου μετὰ τὸν ἀνάπλουν τὸν ἐκεῖθεν φαίνεται δεῦρό τε καταγόμενοσ αὐτὴν καὶ δεῦρο ὁρμισάμενοσ· ἢ τὰ ἐν τῇ γῇ πάλιν, τὸ Πηγάσου πτερὸν λεγόμενον εἴτε ὡσ ἵππου σὺ φήσεισ, εἴτε καὶ ὡσ ὄρνιθοσ· καὶ τὸν πρῶτον ἐπιτολμήσαντα αὐτῷ τὸν μετάρσιον ἱππέα. ἀλλὰ ταῦτα μὲν παλαιὰ καὶ μυθώδη· τά γε μὴν ἔτι καὶ νῦν μνημονευόμενα εἰρηναῖά τε ὅσα αὐτῶν καὶ πολεμικὰ τίνοσ μὲν οὐ λαμπρότερα τῶν Ἑλληνίδων;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ἰσθμικὸσ εἰσ Ποσειδῶνα 8:

(아리스티데스, 아일리오스, 연설, Ἰσθμικὸσ εἰσ Ποσειδῶνα 8:)

상위

목록

SEARCH

MENU NAVIGATION