Epictetus, Works, book 3, Περὶ τοῦ μὴ δεῖν προσπάσχειν τοῖσ οὐκ ἐφ’ ἡμῖν. 24:

εἰ δὲ μή, θεομαχήσω, ἀντιθήσω πρὸσ τὸν Δία, ἀντιδιατάξομαι αὐτῷ πρὸσ τὰ ὅλα. καὶ τἀπίχειρα τῆσ θεομαχίασ ταύτησ καὶ ἀπειθείασ οὐ παῖδεσ παίδων ἐκτίσουσιν, ἀλλ’ αὐτὸσ ἐγὼ μεθ’ ἡμέραν, νυκτὸσ διὰ τῶν ἐνυπνίων ἐκπηδῶν, ταρασσόμενοσ, πρὸσ πᾶσαν ἀπαγγελίαν τρέμων, ἐξ ἐπιστολῶν ἀλλοτρίων ἠρτημένην ἔχων τὴν ἐμαυτοῦ ἀπάθειαν.