헬라어 문장 검색 - ΠολψβίΗιστορί18́052́

(폴리비오스, Histories, book 18, chapter 51)

σιώπησαν· ὁ δὲ βασιλεὺσ πρῶτον μὲν διαπορεῖν ἔφη κατὰ τίνα λόγον ἀμφισβητοῦσι πρὸσ αὐτὸν ὑπὲρ τῶν ἐπὶ τῆσ Ἀσίασ πόλεων· πᾶσι γὰρ μᾶλλον ἐπιβάλλειν τοῦτο ποιεῖν ἢ Ῥωμαίοισ. δεύτερον δ’ ἠξίου μηδὲν αὐτοὺσ πολυπραγμονεῖν καθόλου τῶν κατὰ τὴν Ἀσίαν·

οὐδὲ γὰρ αὐτὸσ περιεργάζεσθαι τῶν κατὰ τὴν Ἰταλίαν ἁπλῶσ οὐδέν. εἰσ δὲ τὴν Εὐρώπην ἔφη διαβεβηκέναι μετὰ τῶν δυνάμεων ἀνακτησόμενοσ τὰ κατὰ τὴν Χερρόνησον καὶ τὰσ ἐπὶ Θρᾴκησ πόλεισ·

τὴν γὰρ τῶν τόπων τούτων ἀρχὴν μάλιστα πάντων αὑτῷ καθήκειν. εἶναι μὲν γὰρ ἐξ ἀρχῆσ τὴν δυναστείαν ταύτην Λυσιμάχου, Σελεύκου δὲ πολεμήσαντοσ πρὸσ αὐτὸν καὶ κρατήσαντοσ τῷ πολέμῳ πᾶσαν τὴν Λυσιμάχου βασιλείαν δορίκτητον γενέσθαι Σελεύκου.

κατὰ δὲ τοὺσ τῶν αὑτοῦ προγόνων περισπασμοὺσ ἐν τοῖσ ἑξῆσ χρόνοισ πρῶτον μὲν Πτολεμαῖον παρασπασάμενον σφετερίσασθαι τοὺσ τόπουσ τούτουσ, δεύτερον δὲ Φίλιππον.

αὐτὸσ δὲ νῦν οὐ κτᾶσθαι τοῖσ Φιλίππου καιροῖσ συνεπιτιθέμενοσ, ἀλλ’ ἀνακτᾶσθαι τοῖσ ἰδίοισ δικαίοισ συγχρώμενοσ.

Λυσιμαχεῖσ δέ, παραλόγωσ ἀναστάτουσ γεγονότασ ὑπὸ Θρᾳκῶν, οὐκ ἀδικεῖν Ῥωμαίουσ κατάγων καὶ συνοικίζων·

ποιεῖν γὰρ τοῦτ’ ἔφη βουλόμενοσ οὐ Ῥωμαίοισ τὰσ χεῖρασ ἐπιβαλεῖν, Σελεύκῳ δ’ οἰκητήριον ἑτοιμάζειν.

τὰσ δ’ αὐτονόμουσ τῶν κατὰ τὴν Ἀσίαν πόλεων οὐ διὰ τῆσ Ῥωμαίων ἐπιταγῆσ δέον εἶναι τυγχάνειν τῆσ ἐλευθερίασ, ἀλλὰ διὰ τῆσ αὑτοῦ χάριτοσ.

τὰ δὲ πρὸσ Πτολεμαῖον αὐτὸσ ἔφη διεξάξειν εὐδοκουμένωσ ἐκείνῳ·

κρίνειν γὰρ οὐ φιλίαν μόνον, ἀλλὰ καὶ μετὰ τῆσ φιλίασ ἀναγκαιότητα συντίθεσθαι πρὸσ αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 51

(폴리비오스, Histories, book 18, chapter 51)

상위

목록

SEARCH

MENU NAVIGATION