헬라어 문장 검색 - ΠολψβίΗιστορί18́047́

(폴리비오스, Histories, book 18, chapter 46)

τῶν μὲν ἀδύνατον εἶναι φασκόντων Ῥωμαίουσ ἐνίων ἀποστῆναι τόπων καὶ πόλεων, τῶν δὲ διοριζομένων ὅτι τῶν μὲν ἐπιφανῶν εἶναι δοκούντων τόπων ἀποστήσονται, τοὺσ δὲ φαντασίαν μὲν ἔχοντασ ἐλάττω, χρείαν δὲ τὴν αὐτὴν παρέχεσθαι δυναμένουσ καθέξουσι. καὶ τούτουσ εὐθέωσ ἐπεδείκνυσαν αὐτοὶ καθ’ αὑτῶν διὰ τῆσ πρὸσ ἀλλήλουσ εὑρεσιλογίασ.

τοιαύτησ δ’ οὔσησ ἐν τοῖσ ἀνθρώποισ τῆσ ἀπορίασ, ἁθροισθέντοσ τοῦ πλήθουσ εἰσ τὸ στάδιον ἐπὶ τὸν ἀγῶνα, προελθὼν ὁ κῆρυξ καὶ κατασιωπησάμενοσ τὰ πλήθη διὰ τοῦ σαλπικτοῦ τόδε τὸ κήρυγμ’ ἀνηγόρευσεν·

Ἡ σύγκλητοσ ἡ Ῥωμαίων καὶ Τίτοσ Κοί̈ντιοσ στρατηγὸσ ὕπατοσ, καταπολεμήσαντεσ βασιλέα Φίλιππον καὶ Μακεδόνασ, ἀφιᾶσιν ἐλευθέρουσ, ἀφρουρήτουσ, ἀφορολογήτουσ, νόμοισ χρωμένουσ τοῖσ πατρίοισ, Κορινθίουσ, Φωκέασ, Λοκρούσ, Εὐβοεῖσ, Ἀχαιοὺσ τοὺσ Φθιώτασ, Μάγνητασ, Θετταλούσ, Περραιβούσ".

κρότου δ’ ἐν ἀρχαῖσ εὐθέωσ ἐξαισίου γενομένου τινὲσ μὲν οὐδ’ ἤκουσαν τοῦ κηρύγματοσ, τινὲσ δὲ πάλιν ἀκούειν ἐβούλοντο.

πᾶσ τισ ἐξ ἄλλησ ὁρμῆσ ἐβόα προάγειν τὸν κήρυκα καὶ τὸν σαλπικτὴν εἰσ μέσον τὸ στάδιον καὶ λέγειν πάλιν ὑπὲρ τῶν αὐτῶν, ὡσ μὲν ἐμοὶ δοκεῖ, βουλομένων τῶν ἀνθρώπων μὴ μόνον ἀκούειν, ἀλλὰ καὶ βλέπειν τὸν λέγοντα διὰ τὴν ἀπιστίαν τῶν ἀναγορευομένων.

ὡσ δὲ πάλιν ὁ κῆρυξ, προελθὼν εἰσ τὸ μέσον καὶ κατασιωπησάμενοσ διὰ τοῦ σαλπικτοῦ τὸν θόρυβον, ἀνηγόρευσε ταὐτὰ καὶ ὡσαύτωσ τοῖσ πρόσθεν, τηλικοῦτον συνέβη καταρραγῆναι τὸν κρότον ὥστε καὶ μὴ ῥᾳδίωσ ἂν ὑπὸ τὴν ἔννοιαν ἀγαγεῖν τοῖσ νῦν ἀκούουσι τὸ γεγονόσ.

ὡσ δέ ποτε κατέληξεν ὁ κρότοσ, τῶν μὲν ἀθλητῶν ἁπλῶσ οὐδεὶσ οὐδένα λόγον εἶχεν ἔτι, πάντεσ δὲ διαλαλοῦντεσ, οἱ μὲν ἀλλήλοισ, οἱ δὲ πρὸσ σφᾶσ αὐτούσ, οἱο͂ν εἰ παραστατικοὶ τὰσ διανοίασ ἦσαν.

ᾗ καὶ μετὰ τὸν ἀγῶνα διὰ τὴν ὑπερβολὴν τῆσ χαρᾶσ μικροῦ διέφθειραν τὸν Τίτον εὐχαριστοῦντεσ·

οἱ μὲν γὰρ ἀντοφθαλμῆσαι κατὰ πρόσωπον καὶ σωτῆρα προσφωνῆσαι βουλόμενοι, τινὲσ δὲ τῆσ δεξιᾶσ ἅψασθαι σπουδάζοντεσ, οἱ δὲ πολλοὶ στεφάνουσ ἐπιρριπτοῦντεσ καὶ λημνίσκουσ, παρ’ ὀλίγον διέλυσαν τὸν ἄνθρωπον.

δοκούσησ δὲ τῆσ εὐχαριστίασ ὑπερβολικῆσ γενέσθαι, θαρρῶν ἄν τισ εἶπε διότι πολὺ καταδεεστέραν εἶναι συνέβαινε τοῦ τῆσ πράξεωσ μεγέθουσ.

θαυμαστὸν γὰρ ἦν καὶ τὸ Ῥωμαίουσ ἐπὶ ταύτησ γενέσθαι τῆσ προαιρέσεωσ καὶ τὸν ἡγούμενον αὐτῶν Τίτον, ὥστε πᾶσαν ὑπομεῖναι δαπάνην καὶ πάντα κίνδυνον χάριν τῆσ τῶν Ἑλλήνων ἐλευθερίασ·

μέγα δὲ καὶ τὸ δύναμιν ἀκόλουθον τῇ προαιρέσει προσενέγκασθαι· τούτων δὲ μέγιστον ἔτι τὸ μηδὲν ἐκ τῆσ τύχησ ἀντιπαῖσαι πρὸσ τὴν ἐπιβολήν, ἀλλ’ ἁπλῶσ ἅπαντα πρὸσ ἕνα καιρὸν ἐκδραμεῖν, ὥστε διὰ κηρύγματοσ ἑνὸσ ἅπαντασ καὶ τοὺσ τὴν Ἀσίαν κατοικοῦντασ Ἕλληνασ καὶ τοὺσ τὴν Εὐρώπην ἐλευθέρουσ, ἀφρουρήτουσ, ἀφορολογήτουσ γενέσθαι, νόμοισ χρωμένουσ τοῖσ ἰδίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 46

(폴리비오스, Histories, book 18, chapter 46)

상위

목록

SEARCH

MENU NAVIGATION