헬라어 문장 검색 - ΠολψβίΗιστορί06́053́

(폴리비오스, Histories, book 6, chapter 51)

Τὸ δὲ Καρχηδονίων πολίτευμα τὸ μὲν ἀνέκαθέν μοι δοκεῖ καλῶσ κατά γε τὰσ ὁλοσχερεῖσ διαφορὰσ συνεστάσθαι. καὶ γὰρ βασιλεῖσ ἦσαν παρ’ αὐτοῖσ, καὶ τὸ γερόντιον εἶχε τὴν ἀριστοκρατικὴν ἐξουσίαν, καὶ τὸ πλῆθοσ ἦν κύριον τῶν καθηκόντων αὐτῷ·

καθόλου δὲ τὴν τῶν ὅλων ἁρμογὴν εἶχε παραπλησίαν τῇ Ῥωμαίων καὶ Λακεδαιμονίων. κατά γε μὴν τοὺσ καιροὺσ τούτουσ, καθ’ οὓσ εἰσ τὸν Ἀννιβιακὸν ἐνέβαινε πόλεμον, χεῖρον ἦν τὸ Καρχηδονίων, ἄμεινον δὲ τὸ Ῥωμαίων.

ἐπειδὴ γὰρ παντὸσ καὶ σώματοσ καὶ πολιτείασ καὶ πράξεώσ ἐστί τισ αὔξησισ κατὰ φύσιν, μετὰ δὲ ταύτην ἀκμή, κἄπειτα φθίσισ, κράτιστα δ’ αὑτῶν ἐστι πάντα τὰ κατὰ τὴν ἀκμήν, παρὰ τοῦτο καὶ τότε διέφερεν ἀλλήλων τὰ πολιτεύματα.

καθ’ ὅσον γὰρ ἡ Καρχηδονίων πρότερον ἴσχυε καὶ πρότερον εὐτύχει τῆσ Ῥωμαίων, κατὰ τοσοῦτον ἡ μὲν Καρχηδὼν ἤδη τότε παρήκμαζεν, ἡ δὲ Ῥώμη μάλιστα τότ’ εἶχε τὴν ἀκμὴν κατά γε τὴν τῆσ πολιτείασ σύστασιν.

διὸ καὶ τὴν πλείστην δύναμιν ἐν τοῖσ διαβουλίοισ παρὰ μὲν Καρχηδονίοισ ὁ δῆμοσ ἤδη μετειλήφει, παρὰ δὲ Ῥωμαίοισ ἀκμὴν εἶχεν ἡ σύγκλητοσ.

ὅθεν παρ’ οἷσ μὲν τῶν πολλῶν βουλευομένων, παρ’ οἷσ δὲ τῶν ἀρίστων, κατίσχυε τὰ Ῥωμαίων διαβούλια περὶ τὰσ κοινὰσ πράξεισ.

ᾗ καὶ πταίσαντεσ τοῖσ ὅλοισ τῷ βουλεύεσθαι καλῶσ τέλοσ ἐπεκράτησαν τῷ πολέμῳ τῶν Καρχηδονίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 6, chapter 51

(폴리비오스, Histories, book 6, chapter 51)

상위

목록

SEARCH

MENU NAVIGATION