헬라어 문장 검색 - ΠολψβίΗιστορί06́051́

(폴리비오스, Histories, book 6, chapter 49)

Τοῦτο μὲν γὰρ τίσ οὐκ οἶδε διότι πρῶτοι σχεδὸν τῶν Ἑλλήνων ἐπιθυμήσαντεσ τῆσ τῶν ἀστυγειτόνων χώρασ διὰ πλεονεξίαν ἐπ’ ἐξανδραποδισμῷ Μεσσηνίοισ πόλεμον ἐξήνεγκαν; τοῦτο δὲ τίσ οὐχ ἱστόρηκεν ὡσ διὰ φιλονεικίαν ἐνόρκουσ σφᾶσ ἐποίησαν μὴ πρόσθεν λύσειν τὴν πολιορκίαν πρὶν ἢ κατὰ κράτοσ ἑλεῖν τὴν Μεσσήνην;

καὶ μὴν τοῦτο γνώριμον ὑπάρχει πᾶσιν, ὡσ διὰ τὴν ἐν τοῖσ Ἕλλησι φιλαρχίαν, οὓσ ἐνίκησαν μαχόμενοι, τούτοισ αὖτισ ὑπέμειναν ποιεῖν τὸ προσταττόμενον.

ἐπιπορευομένουσ μὲν γὰρ τοὺσ Πέρσασ ἐνίκων διαγωνιζόμενοι περὶ τῆσ τῶν Ἑλλήνων ἐλευθερίασ·

ὅτε δὴ καὶ τὸ τῆσ νομοθεσίασ ἐλλιπὲσ συνώφθη παρ’ αὐτοῖσ.

ἑώσ μὲν γὰρ τῆσ τῶν ἀστυγειτόνων, ἔτι δὲ τῆσ Πελοποννησίων αὐτῶν ἀρχῆσ ἐφίεντο, συνεξεποιοῦντο ταῖσ ἐκ τῆσ Λακωνικῆσ αὐτῆσ ἐπαρκείαισ καὶ χορηγίαισ, προχείρουσ μὲν ἔχοντεσ τὰσ τῶν ἐπιτηδείων παρασκευάσ, ταχείασ δὲ ποιούμενοι τὰσ εἰσ τὴν οἰκείαν ἐπανόδουσ καὶ παρακομιδάσ.

ἐπεὶ δὲ στόλουσ μὲν ἐπεβάλλοντο κατὰ θάλατταν ἐκπέμπειν, στρατεύειν δὲ πεζικοῖσ στρατοπέδοισ ἔξω Πελοποννήσου, δῆλον ὡσ οὔτε τὸ νόμισμα τὸ σιδηροῦν οὔθ’ ἡ τῶν ἐπετείων καρπῶν ἀλλαγὴ πρὸσ τὰ λείποντα τῆσ χρείασ ἔμελλεν αὐτοῖσ ἐξαρκεῖν κατὰ τὴν Λυκούργου νομοθεσίαν·

προσεδεῖτο γὰρ τὰ πράγματα κοινοῦ νομίσματοσ καὶ ξενικῆσ παρασκευῆσ.

ὅθεν ἠναγκάσθησαν ἐπὶ θύρασ μὲν πορεύεσθαι τὰσ Περσῶν, φόρουσ δὲ τοῖσ νησιώταισ ἐπιτάττειν, ἀργυρολογεῖν δὲ πάντασ τοὺσ Ἕλληνασ, γνόντεσ ὡσ οὐχ οἱο͂́ν τε κατὰ τὴν Λυκούργου νομοθεσίαν οὐχ ὅτι τῆσ τῶν Ἑλλήνων ἡγεμονίασ, ἀλλ’ οὐδὲ πραγμάτων ἀντιποιεῖσθαι τὸ παράπαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 49

(폴리비오스, Histories, book 6, chapter 49)

상위

목록

SEARCH

MENU NAVIGATION