헬라어 문장 검색 - ΠολψβίΗιστορί06́049́

(폴리비오스, Histories, book 6, chapter 47)

ἤδη διέξιμεν. ἐγὼ γὰρ οἶμαι δύ’ ἀρχὰσ εἶναι πάσησ πολιτείασ, δι’ ὧν αἱρετὰσ ἢ φευκτὰσ συμβαίνει γίνεσθαι τάσ τε δυνάμεισ αὐτῶν καὶ τὰσ συστάσεισ· αὗται δ’ εἰσὶν ἔθη καὶ νόμοι· ὧν τὰ μὲν αἱρετὰ τούσ τε κατ’ ἰδίαν βίουσ τῶν ἀνθρώπων ὁσίουσ ἀποτελεῖ καὶ σώφρονασ τό τε κοινὸν ἦθοσ τῆσ πόλεωσ ἥμερον ἀπεργάζεται καὶ δίκαιον, τὰ δὲ φευκτὰ τοὐναντίον.

οὕτωσ, ὅταν τούσ τε κατ’ ἰδίαν βίουσ τινῶν πλεονεκτικοὺσ τάσ τε κοινὰσ πράξεισ ἀδίκουσ θεωρήσωμεν, δῆλον ὡσ εἰκὸσ λέγειν καὶ τοὺσ νόμουσ καὶ τὰ κατὰ μέροσ ἤθη καὶ τὴν ὅλην πολιτείαν αὐτῶν εἶναι φαύλην.

καὶ μὴν οὔτε κατ’ ἰδίαν ἤθη δολιώτερα Κρηταιέων εὑρ́οι τισ ἂν πλὴν τελείωσ ὀλίγων οὔτε κατὰ κοινὸν ἐπιβολὰσ ἀδικωτέρασ.

διόπερ οὔθ’ ὁμοίαν αὐτὴν ἡγούμενοι τῇ Λακεδαιμονίων οὔτε μὴν ἄλλωσ αἱρετὴν οὔτε ζηλωτὴν ἀποδοκιμάζομεν ἐκ τῆσ προειρημένησ συγκρίσεωσ.

Καὶ μὴν οὐδὲ τὴν Πλάτωνοσ πολιτείαν δίκαιον παρεισαγαγεῖν, ἐπειδὴ καὶ ταύτην τινὲσ τῶν φιλοσόφων ἐξυμνοῦσιν.

ὥσπερ γὰρ οὐδὲ τῶν τεχνιτῶν ἢ τῶν ἀθλητῶν τούσ γε μὴ νενεμημένουσ ἢ σεσωμασκηκότασ παρίεμεν εἰσ τοὺσ ἀθλητικοὺσ ἀγῶνασ, οὕτωσ οὐδὲ ταύτην χρὴ παρεισαγαγεῖν εἰσ τὴν τῶν πρωτείων ἅμιλλαν, ἐὰν μὴ πρότερον ἐπιδείξηταί τι τῶν ἑαυτῆσ ἔργων ἀληθινῶσ.

μέχρι δὲ τοῦ νῦν παραπλήσιοσ ἂν ὁ περὶ αὐτῆσ φανείη λόγοσ, ἀγομένησ εἰσ σύγκρισιν πρὸσ τὴν Σπαρτιατῶν καὶ Ῥωμαίων καὶ Καρχηδονίων πολιτείαν, ὡσ ἂν εἰ τῶν ἀγαλμάτων τισ ἓν προθέμενοσ τοῦτο συγκρίνοι τοῖσ ζῶσι καὶ πεπνυμένοισ ἀνδράσι.

καὶ γὰρ ἂν ὅλωσ ἐπαινετὸν ὑπάρχῃ κατὰ τὴν τέχνην, τήν γε σύγκρισιν τῶν ἀψύχων τοῖσ ἐμψύχοισ ἐνδεῆ καὶ τελείωσ ἀπεμφαίνουσαν εἰκὸσ προσπίπτειν τοῖσ θεωμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 47

(폴리비오스, Histories, book 6, chapter 47)

상위

목록

SEARCH

MENU NAVIGATION