헬라어 문장 검색 - ΠολψβίΗιστορί06́028́

(폴리비오스, Histories, book 6, chapter 26)

Τοιαύτην δὲ ποιησάμενοι τὴν διαίρεσιν οἱ χιλίαρχοι, καὶ ταῦτα παραγγείλαντεσ περὶ τῶν ὅπλων, τότε μὲν ἀπέλυσαν τοὺσ ἄνδρασ εἰσ τὴν οἰκείαν· εἰσ ἣν ὤμοσαν ἁθροισθῆναι πάντεσ ὁμοίωσ εἰσ τὸν ἀποδειχθέντα τόπον ὑπὸ τῶν ὑπάτων ‐ τάττει δ’ ὡσ ἐπίπαν ἑκάτεροσ χωρὶσ τὸν τόπον τοῖσ αὑτοῦ στρατοπέδοισ·

παραγίνονται δὲ πάντεσ ἀδιαπτώτωσ οἱ καταγραφέντεσ, ὡσ ἂν μηδεμιᾶσ ἄλλησ συγχωρουμένησ προφάσεωσ τοῖσ ἐξορκισθεῖσι πλὴν ὀρνιθείασ καὶ τῶν ἀδυνάτων.

ἁθροισθέντων δὲ καὶ τῶν συμμάχων ὁμοῦ τοῖσ Ῥωμαίοισ, τὴν μὲν οἰκονομίαν καὶ τὸν χειρισμὸν ποιοῦνται τούτων αὐτῶν οἱ καθεσταμένοι μὲν ὑπὸ τῶν ὑπάτων ἄρχοντεσ, προσαγορευόμενοι δὲ πραίφεκτοι, δώδεκα τὸν ἀριθμὸν ὄντεσ.

οἳ πρῶτον μὲν τοῖσ ὑπάτοισ τοὺσ ἐπιτηδειοτάτουσ πρὸσ τὴν ἀληθινὴν χρείαν ἐκ πάντων τῶν παραγεγονότων συμμάχων ἱππεῖσ καὶ πεζοὺσ ἐκλέγουσι, τοὺσ καλουμένουσ ἐκτραορδιναρίουσ, ὃ μεθερμηνευόμενον ἐπιλέκτουσ δηλοῖ.

τὸ δὲ πλῆθοσ γίνεται τὸ πᾶν τῶν συμμάχων, τὸ μὲν τῶν πεζῶν πάρισον τοῖσ Ῥωμαϊκοῖσ στρατοπέδοισ ὡσ τὸ πολύ, τὸ δὲ τῶν ἱππέων τριπλάσιον·

ἐκ δὲ τούτων λαμβάνουσι τῶν μὲν ἱππέων εἰσ τοὺσ ἐπιλέκτουσ ἐπιεικῶσ τὸ τρίτον μέροσ, τῶν δὲ πεζῶν τὸ πέμπτον.

καὶ καλοῦσι τὸ μὲν δεξιόν, τὸ δ’ εὐώνυμον κέρασ.

Τούτων δ’ εὐτρεπῶν γενομένων παραλαβόντεσ οἱ χιλίαρχοι τοὺσ Ῥωμαίουσ ὁμοῦ καὶ τοὺσ συμμάχουσ κατεστρατοπέδευσαν, ἑνὸσ ὑπάρχοντοσ παρ’ αὐτοῖσ θεωρήματοσ ἁπλοῦ περὶ τὰσ παρεμβολάσ, ᾧ χρῶνται πρὸσ πάντα καιρὸν καὶ τόπον.

διὸ καὶ δοκεῖ μοι πρέπειν τῷ καιρῷ τὸ πειραθῆναι, καθ’ ὅσον οἱο͂́ν τε τῷ λόγῳ, τοὺσ ἀκούοντασ εἰσ ἔννοιαν ἀγαγεῖν τοῦ κατὰ τὰσ πορείασ καὶ στρατοπεδείασ καὶ παρατάξεισ χειρισμοῦ τῶν δυνάμεων.

τίσ γὰρ οὕτωσ ἐστὶν ἀπεοικὼσ πρὸσ τὰ καλὰ καὶ σπουδαῖα τῶν ἔργων, ὃσ οὐκ ἂν βουληθείη μικρὸν ἐπιμελέστερον ἐπιστῆσαι περὶ τῶν τοιούτων, ὑπὲρ ὧν ἅπαξ ἀκούσασ ἐπιστήμων ἔσται πράγματοσ ἑνὸσ τῶν ἀξίων λόγου καὶ γνώσεωσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 26

(폴리비오스, Histories, book 6, chapter 26)

상위

목록

SEARCH

MENU NAVIGATION