헬라어 문장 검색 - ΠολψβίΗιστορί06́013́

(폴리비오스, Histories, book 6, v. de romanorum re publica florente)

Ὅτι ἀπὸ τῆσ Ξέρξου διαβάσεωσ εἰσ τὴν Ἑλλάδα καὶ τριάκοντα ἔτεσιν ὕστερον ἀπὸ τούτων τῶν καιρῶν ἀεὶ τῶν κατὰ μέροσ προδιευκρινουμένων ἦν καὶ κάλλιστον καὶ τέλειον ἐν τοῖσ Ἀννιβιακοῖσ καιροῖσ, ἀφ’ ὧν ἡμεῖσ εἰσ ταῦτα τὴν ἐκτροπὴν ἐποιησάμεθα. διὸ καὶ τὸν ὑπὲρ τῆσ συστάσεωσ αὐτοῦ λόγον ἀποδεδωκότεσ πειρασόμεθα νῦν ἤδη διασαφεῖν ὁποῖόν τι κατ’ ἐκείνουσ ὑπῆρχε τοὺσ καιρούσ, ἐν οἷσ λειφθέντεσ τῇ περὶ Κάνναν μάχῃ τοῖσ ὅλοισ ἔπταισαν πράγμασιν.

οὐκ ἀγνοῶ δὲ διότι τοῖσ ἐξ αὐτῆσ τῆσ πολιτείασ ὁρμωμένοισ ἐλλιπεστέραν φανησόμεθα ποιεῖσθαι τὴν ἐξήγησιν, ἔνια παραλιπόντεσ τῶν κατὰ μέροσ·

οὐδὲ κατὰ πρόθεσιν ὑπολήψονται τὸν γράφοντα παραλιπεῖν τὰσ μικρὰσ διαφοράσ, ἀλλὰ κατ’ ἄγνοιαν παρασιωπᾶν τὰσ ἀρχὰσ καὶ τὰ συνέχοντα τῶν πραγμάτων.

καὶ ῥηθέντα μὲν οὐκ ἂν ἐθαύμαζον ὡσ ὄντα μικρὰ καὶ πάρεργα, παραλειπόμενα δ’ ἐπιζητοῦσιν ὡσ ἀναγκαῖα, βουλόμενοι δοκεῖν αὐτοὶ πλέον εἰδέναι τῶν συγγραφέων.

δεῖ δὲ τὸν ἀγαθὸν κριτὴν οὐκ ἐκ τῶν παραλειπομένων δοκιμάζειν τοὺσ γράφοντασ, ἀλλ’ ἐκ τῶν λεγομένων, κἂν μὲν ἐν τούτοισ τι λαμβάνῃ ψεῦδοσ, εἰδέναι διότι κἀκεῖνα παραλείπεται δι’ ἄγνοιαν, ἐὰν δὲ πᾶν τὸ λεγόμενον ἀληθὲσ ᾖ, συγχωρεῖν διότι κἀκεῖνα παρασιωπᾶται κατὰ κρίσιν, οὐ κατ’ ἄγνοιαν.

[ δεῖ δὲ τὸν ‐ ἄγνοιαν .

] Ταῦτα μὲν οὖν εἰρήσθω μοι πρὸσ τοὺσ φιλοτιμότερον ἢ δικαιότερον ἐπιτιμῶντασ τοῖσ συγγραφεῦσιν. [] Ὅτι πᾶν πρᾶγμα σὺν καιρῷ θεωρούμενον ὑγιεῖσ λαμβάνει καὶ τὰσ συγκαταθέσεισ καὶ τὰσ ἐπιτιμήσεισ·

μεταπεσόντοσ δὲ τούτου καὶ πρὸσ τὰσ ἄλλασ περιστάσεισ συγκρινόμενον οὐχ οἱο͂ν αἱρετόν, ἀλλ’ οὐδ’ ἀνεκτὸν ἂν φανείη τὸ κράτιστα καὶ ἀληθινώτατα πολλάκισ ὑπὸ τῶν συγγραφέων εἰρημένον.

[] Ἦν μὲν δὴ τρία μέρη τὰ κρατοῦντα τῆσ πολιτείασ, ἅπερ εἶπα πρότερον ἅπαντα· οὕτωσ δὲ πάντα κατὰ μέροσ ἴσωσ καὶ πρεπόντωσ συνετέτακτο καὶ διῳκεῖτο διὰ τούτων ὥστε μηδένα ποτ’ ἂν εἰπεῖν δύνασθαι βεβαίωσ μηδὲ τῶν ἐγχωρίων πότερ’ ἀριστοκρατικὸν τὸ πολίτευμα σύμπαν ἢ δημοκρατικὸν ἢ μοναρχικόν.

καὶ τοῦτ’ εἰκὸσ ἦν πάσχειν.

ὅτε μὲν γὰρ εἰσ τὴν τῶν ὑπάτων ἀτενίσαιμεν ἐξουσίαν, τελείωσ μοναρχικὸν ἐφαίνετ’ εἶναι καὶ βασιλικόν, ὅτε δ’ εἰσ τὴν τῆσ συγκλήτου, πάλιν ἀριστοκρατικόν· καὶ μὴν εἰ τὴν τῶν πολλῶν ἐξουσίαν θεωροίη τισ, ἐδόκει σαφῶσ εἶναι δημοκρατικόν. ὧν δ’ ἕκαστον εἶδοσ μερῶν τῆσ πολιτείασ ἐπεκράτει, καὶ τότε καὶ νῦν ἔτι πλὴν ὀλίγων τινῶν ταῦτ’ ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, v. de romanorum re publica florente

(폴리비오스, Histories, book 6, v. de romanorum re publica florente)

상위

목록

SEARCH

MENU NAVIGATION