헬라어 문장 검색 - ΠολψβίΗιστορί06́004́

(폴리비오스, Histories, book 6, chapter 4)

δημοκρατίασ. ὅτι δ’ ἀληθέσ ἐστι τὸ λεγόμενον ἐκ τούτων συμφανέσ. οὔτε γὰρ πᾶσαν δήπου μοναρχίαν εὐθέωσ βασιλείαν ῥητέον, ἀλλὰ μόνην τὴν ἐξ ἑκόντων συγχωρουμένην καὶ τῇ γνώμῃ τὸ πλεῖον ἢ φόβῳ καὶ βίᾳ κυβερνωμένην·

οὐδὲ μὴν πᾶσαν ὀλιγαρχίαν ἀριστοκρατίαν νομιστέον, ἀλλὰ ταύτην, ἥτισ ἂν κατ’ ἐκλογὴν ὑπὸ τῶν δικαιοτάτων καὶ φρονιμωτάτων ἀνδρῶν βραβεύηται.

παραπλησίωσ οὐδὲ δημοκρατίαν, ἐν ᾗ πᾶν πλῆθοσ κύριόν ἐστι ποιεῖν ὅ, τι ποτ’ ἂν αὐτὸ βουληθῇ καὶ πρόθηται παρὰ δ’ ᾧ πάτριόν ἐστι καὶ σύνηθεσ θεοὺσ σέβεσθαι, γονεῖσ θεραπεύειν, πρεσβυτέρουσ αἰδεῖσθαι, νόμοισ πείθεσθαι, παρὰ τοῖσ τοιούτοισ συστήμασιν ὅταν τὸ τοῖσ πλείοσι δόξαν νικᾷ, τοῦτο καλεῖν δεῖ δημοκρατίαν.

τρία μὲν ἃ πάντεσ θρυλοῦσι καὶ νῦν προείρηται, τρία δὲ τὰ τούτοισ συμφυῆ, λέγω δὲ μοναρχίαν, ὀλιγαρχίαν, ὀχλοκρατίαν.

πρώτη μὲν οὖν ἀκατασκεύωσ καὶ φυσικῶσ συνίσταται μοναρχία, ταύτῃ δ’ ἕπεται καὶ ἐκ ταύτησ γεννᾶται μετὰ κατασκευῆσ καὶ διορθώσεωσ βασιλεία.

μεταβαλλούσησ δὲ ταύτησ εἰσ τὰ συμφυῆ κακά, λέγω δ’ εἰσ τυραννίδ’, αὖθισ ἐκ τῆσ τούτων καταλύσεωσ ἀριστοκρατία φύεται.

καὶ μὴν ταύτησ εἰσ ὀλιγαρχίαν ἐκτραπείσησ κατὰ φύσιν, τοῦ δὲ πλήθουσ ὀργῇ μετελθόντοσ τὰσ τῶν προεστώτων ἀδικίασ, γεννᾶται δῆμοσ.

ἐκ δὲ τῆσ τούτου πάλιν ὕβρεωσ καὶ παρανομίασ ἀποπληροῦται σὺν χρόνοισ ὀχλοκρατία.

γνοίη δ’ ἄν τισ σαφέστατα περὶ τούτων ὡσ ἀληθῶσ ἐστιν οἱᾶ δὴ νῦν εἶπον, ἐπὶ τὰσ ἑκάστων κατὰ φύσιν ἀρχὰσ καὶ γενέσεισ καὶ μεταβολὰσ ἐπιστήσασ.

ὁ γὰρ συνιδὼν ἕκαστον αὐτῶν ὡσ φύεται, μόνοσ ἂν οὗτοσ δύναιτο συνιδεῖν καὶ τὴν αὔξησιν καὶ τὴν ἀκμὴν καὶ τὴν μεταβολὴν ἑκάστων καὶ τὸ τέλοσ, πότε καὶ πῶσ καὶ ποῦ καταντήσει πάλιν·

μάλιστα δ’ ἐπὶ τῆσ Ῥωμαίων πολιτείασ τοῦτον ἁρμόσειν τὸν τρόπον ὑπείληφα τῆσ ἐξηγήσεωσ διὰ τὸ κατὰ φύσιν αὐτὴν ἀπ’ ἀρχῆσ εἰληφέναι τήν τε σύστασιν καὶ τὴν αὔξησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 4

(폴리비오스, Histories, book 6, chapter 4)

상위

목록

SEARCH

MENU NAVIGATION