헬라어 문장 검색 - Πλυταρ́Τηεμιστ́28́

(플루타르코스, Θεμιστοκλῆς, chapter 28)

ἐπεὶ δ’ οὖν εἰσήχθη πρὸσ βασιλέα καὶ προσκυνήσασ ἔστη σιωπῇ, προστάξαντοσ τῷ ἑρμηνεῖ τοῦ βασιλέωσ ἐρωτῆσαι, τίσ ἐστι, καὶ τοῦ ἑρμηνέωσ ἐρωτήσαντοσ, εἶπεν· "ἥκω σοι, βασιλεῦ, Θεμιστοκλῆσ ὁ Ἀθηναῖοσ ἐγὼ φυγὰσ ὑφ’ Ἑλλήνων διωχθείσ, ᾧ πολλὰ μὲν ὀφείλουσι Πέρσαι κακά, πλείω δὲ ἀγαθὰ κωλύσαντι τὴν δίωξιν, ὅτε τῆσ Ἑλλάδοσ ἐν ἀσφαλεῖ γενομένησ παρέσχε τὰ οἴκοι σωζόμενα χαρίσασθαί τι καὶ ὑμῖν. ἐμοὶ μὲν οὖν πάντα πρέποντα ταῖσ παρούσαισ συμφοραῖσ ἐστι, καὶ παρεσκευασμένοσ ἀφῖγμαι δέξασθαί τε χάριν εὐμενῶσ διαλλαττομένου καὶ παραιτεῖσθαι μνησικακοῦντοσ ὀργῆν· "σὺ δὲ τοὺσ ἐμοὺσ ἐχθροὺσ μάρτυρασ θέμενοσ ὧν εὐεργέτησα Πέρσασ, νῦν ἀπόχρησαι ταῖσ ἐμαῖσ τύχαισ πρὸσ ἐπίδειξιν ἀρετῆσ μᾶλλον ἢ πρὸσ ἀποπλήρωσιν ὀργῆσ. σώσεισ μὲν γὰρ ἱκέτην σόν, ἀπολεῖσ δ’ Ἑλλήνων πολέμιον γενόμενον. ταῦτ’ εἰπὼν ὁ Θεμιστοκλῆσ ἐπεθείασε τῷ λόγῳ προσδιελθὼν τὴν ὄψιν, ἣν εἶδεν ἐν Νικογένουσ, καὶ τὸ μάντευμα τοῦ Δωδωναίου Διόσ, ὡσ κελευσθεὶσ πρὸσ τὸν ὁμώνυμον τοῦ θεοῦ βαδίζειν συμφρονήσειε πρὸσ ἐκεῖνον ἀναπέμπεσθαι·

μεγάλουσ γὰρ ἀμφοτέρουσ εἶναί τε καὶ λέγεσθαι βασιλέασ. ἀκούσασ δ’ ὁ Πέρσησ, ἐκείνῳ μὲν οὐδὲν ἀπεκρίνατο, καίπερ θαυμάσασ τὸ φρόνημα καὶ τὴν τόλμαν αὐτοῦ· μακαρίσασ δὲ πρὸσ τοὺσ φίλουσ ἑαυτόν, ὡσ ἐπ’ εὐτυχίᾳ μεγίστῃ, καὶ κατευξάμενοσ ἀεὶ τοῖσ πολεμίοισ τοιαύτασ φρένασ διδόναι τὸν Ἀριμάνιον, ὅπωσ ἐλαύνωσι τοὺσ ἀρίστουσ ἐξ ἑαυτῶν, θῦσαί τε τοῖσ θεοῖσ λέγεται καὶ πρὸσ πόσιν εὐθὺσ τραπέσθαι καὶ νύκτωρ ὑπὸ χαρᾶσ διὰ μέσων τῶν ὕπνων βοῆσαι τρίσ·

"ἔχω Θεμιστοκλέα τὸν Ἀθηναῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 28

(플루타르코스, Θεμιστοκλῆς, chapter 28)

상위

목록

SEARCH

MENU NAVIGATION