헬라어 문장 검색 - Πλυταρ́Πψρρηυσ́30́

(플루타르코스, chapter 30)

τὸν δὲ Πύρρον ἔσχε μέν τισ ἀλκὴ καὶ φιλοτιμία μᾶλλον διὰ τοὺσ προσγεγονότασ κρατῆσαι τῆσ πόλεωσ· ὡσ δὲ οὐδὲν ἐπέραινε, πληγὰσ λαβὼν ἀπέστη καὶ τὴν χώραν ἐπόρθει διανοούμενοσ αὐτόθι χειμάσαι. τὸ δὲ χρεὼν ἦν ἄφυκτον. ἐν γὰρ Ἄργει στάσισ ἦν Ἀριστέου πρὸσ Ἀρίστιππον. ἐπεὶ δὲ ὁ Ἀρίστιπποσ ἐδόκει χρῆσθαι φίλῳ τῷ Ἀντιγόνῳ, φθάσασ ὁ Ἀριστέασ ἐκάλει τὸν Πύρρον εἰσ τὸ Ἄργοσ, ὁ δὲ ἐλπίδασ ἐξ ἐλπίδων ἀεὶ κυλίνδων, καὶ ταῖσ μὲν εὐτυχίαισ ἐπ’ ἄλλασ χρώμενοσ ἀφορμαῖσ, ἃ δὲ ἔπταιεν ἑτέροισ βουλόμενοσ ἀναπληροῦν πράγμασιν, οὔτε ἧτταν οὔτε νίκην ὁρ́ον ἐποιεῖτο τοῦ ταράττεσθαι καὶ ταράττειν. εὐθὺσ οὖν ἀνεζεύγνυεν ἐπὶ τὸ Ἄργοσ·

ὁ δὲ Ἄρευσ ἐνέδρασ τε πολλὰσ ὑφεὶσ καὶ καταλαβὼν τὰ χαλεπώτατα τῆσ ὁδοῦ περιέκοπτε τοὺσ Γαλάτασ καὶ τοὺσ Μολοσσοὺσ ὀπισθοφυλακοῦντασ. τῷ δὲ Πύρρῳ προείρητο μὲν ἐκ τῶν ἱερῶν ἀλόβων γενομένων ὑπὸ τοῦ μάντεωσ ἀποβολή τινοσ τῶν ἀναγκαίων, παρὰ δὲ τὸν καιρὸν τότε τῷ θορύβῳ καὶ τῷ κινήματι τὸν λογισμὸν ἐκκρουσθεὶσ ἐκέλευσε τὸν υἱὸν Πτολεμαῖον λαβόντα τοὺσ ἑταίρουσ παραβοηθεῖν, αὐτὸσ δὲ θᾶττον ἐκ τῶν στενῶν ἐφελκόμενοσ τὴν στρατιὰν ὑπῆγεν.

ὀξείασ δὲ περὶ τὸν Πτολεμαῖον μάχησ γενομένησ, καὶ τῶν ἐπιλέκτων Λακεδαιμονίων, ὧν Εὐάλκοσ ἡγεῖτο, τοῖσ μαχομένοισ πρὸ αὐτοῦ συμπλεκομένων, ἀνὴρ πλήκτησ καὶ δραμεῖν ὀξύσ, Ὄρυσσοσ ὄνομα, Κρὴσ Ἀπτεραῖοσ·

ἐκ πλαγίου παραδραμὼν ἀγωνιζόμενον ἐκθύμωσ τὸν νεανίσκον ἐπάταξε καὶ κατέβαλε. πεσόντοσ δὲ ἐκείνου καὶ τροπῆσ γενομένησ τῶν περὶ αὐτόν, οἱ Λακεδαιμόνιοι διώκοντεσ καὶ κρατοῦντεσ ἔλαθον εἰσ τὸ πεδίον συνεμβαλόντεσ καὶ ἀποληφθέντεσ ὑπὸ τῶν ὁπλιτῶν, ἐφ’ οὓσ ὁ Πύρροσ ἄρτι τὸν θάνατον τοῦ παιδὸσ ἀκηκοὼσ καὶ περιπαθῶν ἐπέστρεψε τοὺσ ἱππεῖσ τῶν Μολοσσῶν, καὶ πρῶτοσ εἰσελάσασ ἐνεπίμπλατο φόνου τῶν Λακεδαιμονίων, ἀεὶ μέν τισ ἄμαχοσ καὶ δεινὸσ ἐν τοῖσ ὅπλοισ φαινόμενοσ, τότε δὲ ὑπερβάλλων τόλμῃ καὶ βίᾳ τοὺσ προτέρουσ ἀγῶνασ.

ἐπεὶ δὲ ἐπέβαλε τῷ Εὐάλκῳ τὸν ἵππον, ὁ μὲν ἐκ πλαγίου παραστὰσ μικρὸν ἐδέησε τῷ ξίφει τὴν ἐπὶ τῆσ ἡνίασ χεῖρα διακόψαι τοῦ Πύρρου, τὴν δὲ ἡνίαν πατάξασ ἀπέκοψεν.

ὁ δὲ Πύρροσ ἅμα τῇ πληγῇ τοῦ δόρατοσ διελάσασ ἐκεῖνον ἀπερρύη τοῦ ἵππου, καὶ πεζὸσ ἤδη πάντασ ἐπὶ τῷ Εὐάλκῳ μαχομένουσ ἀπέκτεινε τοὺσ λογάδασ. καὶ μέγα τοῦτο τῇ Σπάρτῃ παρανάλωμα τοῦ πολέμου πέρασ ἔχοντοσ ἐποίησεν ἡ φιλοτιμία τῶν ἀρχόντων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 30

(플루타르코스, chapter 30)

상위

목록

SEARCH

MENU NAVIGATION