Plutarch, chapter 17

(플루타르코스, chapter 17)

τοῦτο δὲ ἐδίδαξε τὸν Πύρρον μᾶλλον φυλάττεσθαι· καὶ τοὺσ ἱππεῖσ ὁρῶν ἐνδιδόντασ μετεπέμπετο τὴν φάλαγγα καὶ παρέταττεν, αὐτὸσ δὲ τὴν χλαμύδα καὶ τὰ ὅπλα παραδοὺσ ἑνὶ τῶν ἑταίρων Μεγακλεῖ, τοῖσ δὲ ἐκείνου τρόπον τινὰ κατακρύψασ ἑαυτόν ἐπῆγε τοῖσ Ῥωμαίοισ. δεξαμένων δὲ ἐκείνων καὶ συμβαλόντων χρόνον τε πολὺν εἱστήκει τὰ τῆσ μάχησ ἄκριτα, καὶ τροπὰσ ἑπτὰ λέγεται φευγόντων ἀνάπαλιν καὶ διωκόντων γενέσθαι, καὶ γὰρ ἡ διάμειψισ τῶν ὅπλων ἐν καιρῷ πρὸσ σωτηρίαν αὐτοῦ γεγονυῖα τοῦ βασιλέωσ ὀλίγον ἐδέησεν ἀνατρέψαι τὰ πράγματα καὶ διαφθεῖραι τὴν νίκην. πολλῶν γάρ ἐφιεμένων τοῦ Μεγακλέουσ, ὁ πρῶτοσ πατάξασ καὶ καταβαλὼν αὐτόν, ὄνομα Δεξόοσ, ἀφαρπάσασ τὸ κράνοσ καὶ τὴν χλαμύδα τῷ Λαιβίνῳ προσίππευσεν ἀναδεικνύων ἅμα καὶ βοῶν ἀνῃρηκέναι τὸν Πύρρον.

ἦν οὖν παρὰ τὰσ τάξεισ τῶν λαφύρων παραφερομένων καὶ ἀναδεικνυμένων τοῖσ τε Ῥωμαίοισ χαρὰ μετ’ ἀλαλαγμοῦ καὶ τοῖσ Ἕλλησιν ἀθυμία καὶ κατάπληξισ, ἄχρι οὗ μαθὼν ὁ Πύρροσ τὸ γινόμενον παρήλαυνε γυμνῷ τῷ προσώπῳ τήν τε δεξιὰν ὀρέγων τοῖσ μαχομένοισ καὶ τῇ φωνῇ σημαίνων ἑαυτόν, τέλοσ δὲ τῶν θηρίων ἐκβιαζομένων μάλιστα τοὺσ Ῥωμαίουσ, καὶ τῶν ἵππων, πρὶν ἐγγὺσ γενέσθαι, δυσανασχετούντων καὶ παραφερόντων τοὺσ ἐπιβάτασ, ἐπαγαγὼν τὴν Θετταλικὴν ἵππον αὐτοῖσ ταρασσομένοισ ἐτρέψατο πολλῷ φόνῳ.

Διονύσιοσ μὲν οὖν ὀλίγῳ τῶν πεντακισχιλίων καὶ μυρίων ἐλάσσονασ πεσεῖν ἱστορεῖ Ῥωμαίων, Ιἑρώνυμοσ δὲ μόνουσ ἑπτακισχιλίουσ, τῶν δὲ περὶ Πύρρον ὁ μὲν Διονύσιοσ μυρίουσ καὶ τρισχιλίουσ, ὁ δὲ Ιἑρώνυμοσ ἐλάττονασ τῶν τετρακισχιλίων·

κράτιστοι δὲ ἦσαν οὗτοι· καὶ τῶν φίλων ὁ Πύρροσ καὶ τῶν στρατηγῶν οἷσ μάλιστα χρώμενοσ διετέλει καὶ πιστεύων ἀπέβαλεν. οὐ μὴν ἀλλὰ καὶ τὸ στρατόπεδον ἔλαβε τῶν Ῥωμαίων ἐκλιπόντων, καὶ πόλεισ συμμαχίδασ αὐτῶν προσηγάγετο, καὶ χώραν πολλὴν διεπόρθησε, καὶ προῆλθεν ὅσον μὴ πλέον σταδίων τριακοσίων ἀποσχεῖν τῆσ Ῥώμησ.

ἀφίκοντο δὲ αὐτῷ Λευ κανῶν τε πολλοὶ καὶ Σαυνιτῶν μετὰ τὴν μάχην, οὓσ ἐμέμψατο μὲν ὑστερήσαντασ, ἦν δὲ δῆλοσ ἡδόμενοσ καὶ μέγα φρονῶν ὅτι μόνοισ τοῖσ μετ’ αὐτοῦ καὶ Ταραντίνοισ ἐκράτησε τῆσ μεγάλησ Ῥωμαίων δυνάμεωσ.

일치하는 문장이 없습니다.

SEARCH

MENU NAVIGATION