헬라어 문장 검색 - Πλυταρ́Πψρρηυσ́28́

(플루타르코스, chapter 28)

αὐτὸσ μὲν οὖν ὁ Πύρροσ ἐβιάζετο κατὰ στόμα τοῖσ ὁπλίταισ πρὸσ ἀσπίδασ πολλὰσ τῶν Σπαρτιατῶν ἀντιπαρατεταγμένασ, καὶ τάφρον οὐ περατὴν οὐδὲ βάσιν ἀσφαλῆ τοῖσ μαχομένοισ παρέχουσαν ὑπὸ χαυνότητοσ. ὁ δὲ παῖσ Πτολεμαῖοσ, ἔχων δισχιλίουσ Γαλάτασ καὶ Χαόνων λογάδασ, ἐξελίξασ τὴν τάφρον ἐπειρᾶτο κατὰ τὰσ ἁμάξασ ὑπερβαίνειν. αἱ δὲ ὑπὸ βάθουσ καὶ πυκνότητοσ οὐ μόνον τούτοισ τὴν ἔφοδον, ἀλλὰ καὶ τοῖσ Λακεδαιμονίοισ δύσεργον ἐποίουν τὴν βοήθειαν. ἀνασπώντων δὲ τῶν Γαλατῶν τοὺσ τροχοὺσ καὶ ὑποσυρόντων τὰσ ἁμάξασ εἰσ τὸν ποταμόν, κατιδὼν τὸν κίνδυνον ὁ νεανίασ Ἀκρότατοσ καὶ τὴν πόλιν διαδραμὼν μετὰ τριακοσίων περιῆλθε τὸν Πτολεμαῖον, οὐ συνορώμενοσ ὑπ’·

αὑτοῦ διά τινασ συγκλινίασ, ἑώσ προσέβαλε τοῖσ ἐσχάτοισ καὶ μεταβαλόντασ ἠνάγκασε μάχεσθαι πρὸσ ἑαυτόν, ὠθουμένουσ ὑπ’ ἀλλήλων εἴσ τε τὴν τάφρον καὶ περὶ ταῖσ ἁμάξαισ πίπτοντασ, ἄχρι οὗ φόνῳ πολλῷ μόλισ ἀνεκόπησαν. ἐθεῶντο δὲ οἵ τε πρεσβύτεροι καὶ τῶν γυναικῶν τὸ πλῆθοσ ἀριστεύοντα τὸν Ἀκρότατον.

ἐπεὶ δὲ ἀπῄει πάλιν διὰ τῆσ πόλεωσ ἐπὶ τὴν αὑτοῦ τάξιν αἵματοσ κατάπλεωσ καὶ γαῦροσ, ὑπὸ τῆσ νίκησ ἐπηρμένοσ, καὶ μείζων ἔδοξε γεγονέναι καὶ καλλίων ταῖσ Λακαίναισ, καὶ τὴν Χιλωνίδα τοῦ ἔρωτοσ ἐζήλουν. τῶν δὲ πρεσβυτέρων τινὲσ ἐπηκολούθουν βοῶντεσ· "οἶχε, Ἀκρότατε, καὶ οἶφε τὰν Χιλωνίδα· "μόνον παῖδασ ἀγαθοὺσ τᾷ Σπάρτᾳ ποίει. κατὰ δὲ τὸν Πύρρον αὐτὸν ἰσχυρᾶσ μάχησ συνεστώσησ ἄλλοι τε λαμπρῶσ ἠγωνίζοντο, κὶα Φύλλιοσ ἐπὶ πλεῖστον ἀντισχὼν καὶ πλείστουσ ἀποκτείνασ τῶν βιαζομένων, ὡσ ᾔσθετο τραυμάτων πλήθει παραλυόμενον ἑαυτόν, ἐκστάσ τινι τῶν ἐπιτεταγμένων τῆσ χώρασ ἔπεσεν ἐντὸσ τῶν ὅπλων, ὥστε μὴ γενέσθαι τὸν νεκρὸν ὑπὸ τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 28

(플루타르코스, chapter 28)

상위

목록

SEARCH

MENU NAVIGATION