헬라어 문장 검색 - Πλυταρ́Πψρρηυσ́21́

(플루타르코스, chapter 21)

μετὰ ταῦτα τὸν Φαβρικίου τὴν ἀρχὴν παραλαβόντοσ ἧκεν ἀνήρ εἰσ τὸ στρατόπεδον πρὸσ αὐτὸν ἐπιστολὴν κομίζων, ἣν ἔγραψεν ὁ τοῦ βασιλέωσ ἰατρόσ ἐπαγγελλόμενοσ φαρμάκοισ ἀναιρήσειν τὸν Πύρρον, εἰ χάρισ αὐτῷ παρ’ ἐκείνων ὁμολογηθείη λύσαντι τὸν πόλεμον ἀκινδύνωσ, ὁ δὲ Φαβρίκιοσ δυσχεράνασ πρὸσ τὴν ἀδικίαν τοῦ ἀνθρώπου, καὶ τὸν συνάρχοντα διαθεὶσ ὁμοίωσ, ἔπεμψε γράμματα πρὸσ τὸν Πύρρον κατὰ τάχοσ φνλάττεσθαι τὴν ἐπιβουλὴν κελεύων. εἶχε δὲ οὕτωσ τὰ γεγραμμένα·

"Γάιοσ Φαβρίκιοσ καὶ Κόιντοσ Αἰμίλιοσ ὕπατοι Ῥωμαίων Πύρρῳ βασιλεῖ χαίρειν. "οὔτε φίλων εὐτυχὴσ ἐοίκασ εἶναι κριτὴσ οὔτε πολεμίων, γνώσῃ δὲ τὴν πεμφθεῖσαν ἡμῖν ἐπιστολὴν ἀναγνούσ, ὅτι χρηστοῖσ καὶ δικαίοισ ἀνδράσι πολεμεῖσ, ἀδίκοισ δὲ καὶ κακοῖσ πιστεύεισ, οὐδὲ γὰρ ταῦτα σῇ χάριτι μηνύομεν, ἀλλ’ ὅπωσ μὴ τὸ σὸν πάθοσ ἡμῖν διαβολὴν ἐνέγκῃ καὶ δόλῳ δόξωμεν, ὡσ ἀρετῇ μὴ δυνάμενοι, κατεργάσασθαι τὸν πόλεμον. ἐντυχὼν τούτοισ τοῖσ γράμμασιν ὁ Πύρροσ καὶ τὴν ἐπιβουλὴν ἐξελέγξασ τὸν μὲν ἰατρὸν ἐκόλασε, Φαβρικίῳ δὲ καὶ Ῥωμαίοισ ἀμοιβὴν ἐδωρεῖτο προῖκα τοὺσ αἰχμαλώτουσ, καὶ πάλιν ἔπεμψε τὸν Κινέαν διαπραξόμενον αὐτῷ τὴν εἰρήνην.

οἱ δὲ Ῥωμαῖοι, μήτε εἰ χάρισ ἐστὶ παρὰ πολεμίου, μήτε εἰ μισθὸσ τοῦ μὴ ἀδικηθῆναι, λαβεῖν προῖκα τοὺσ ἄνδρασ ἀξιώσαντεσ ἴσουσ ἀπέλυσαν αὐτῷ Ταραντίνων καὶ Σαυνιτῶν, περὶ δὲ φιλίασ καὶ εἰρήνησ οὐδὲν εἰών διαλέγεσθαι πρὶν ἀράμενοσ τὰ ὅπλα καὶ τὸν στρατὸν ἐξ Ἰταλίασ αἷσ ἦλθε ναυσὶν ἀποπλεύσῃ πάλιν εἰσ Ἤπειρον.

ἐκ τούτου μάχησ ἄλλησ τῶν πραγμάτων αὐτῷ δεομένων ἀναλαβὼν τὴν στρατιὰν ἐχώρει, καὶ περὶ Ἄσκλον πόλιν τοῖσ Ῥωμαίοισ συνάψασ καὶ βιαζόμενοσ πρὸσ χωρία δύσιππα καὶ ποταμὸν ὑλώδη καὶ τραχύν, ἔφοδον τῶν θηρίων οὐ λαβόντων ὥστε προσμῖξαι τῇ φάλαγγι, τραυμάτων πολλῶν γενομένων καὶ νεκρῶν πεσόντων, τότε μὲν διεκρίθη μέχρι νυκτὸσ ἀγωνισάμενοσ.

τῇ δ̓ ὑστεραίᾳ στρατηγῶν δι’ ὁμαλοῦ τὴν μάχην θέσθαι καὶ τοὺσ ἐλέφαντασ ἐν τοῖσ ὅπλοισ γενέσθαι τῶν πολεμίων, προέλαβε τὰσ δυσχωρίασ φυλακῇ, καὶ πολλὰ καταμίξασ ἀκοντίσματα καὶ τοξεύματα τοῖσ θηρίοισ ἐπῆγε μετὰ ῥώμησ καὶ βίασ πυκνὴν καὶ συντεταγμένην τὴν δύναμιν.

οἱ δὲ Ῥωμαῖοι τὰσ διακλίσεισ καὶ τὰσ ἀντιπαραγωγὰσ τὰσ πρότερον οὐκ ἔχοντεσ, ἐξ ἐπιπέδου συνεφέροντο κατὰ στόμα· χρόνῳ δὲ πολλῷ λέγεται μὲν ἀρχὴ τροπῆσ κατ’ αὐτὸν γενέσθαι τὸν Πύρρον ἐπερείσαντα τοῖσ ἀντιτεταγμένοισ, τὸ δὲ πλεῖστον ἀλκῇ καὶ βίᾳ τῶν ἐλεφάντων κατειργάσατο, χρήσασθαι τῇ ἀρετῇ πρὸσ τὴν μάχην τῶν Ῥωμαίων μὴ δυναμένων, ἀλλ’ οἱο͂ν ἐφόδῳ κύματοσ ἢ σεισμοῦ κατερείποντοσ οἰομένων δεῖν ἐξίστασθαι, μηδὲ ὑπομένειν ἀπράκτουσ ἀποθνῄσκειν, ἐν τῷ μηδὲν ὠφελεῖν πάντα πάσχοντασ τὰ χαλεπώτατα.

τῆσ δὲ φυγῆσ οὐ μακρᾶσ εἰσ τὸ στρατόπεδον γενομένησ ἑξακισχιλίουσ ἀποθανεῖν φησι τῶν Ῥωμαίων Ιἑρώνυμοσ, τῶν δὲ περὶ Πύρρον ἐν τοῖσ βασιλικοῖσ ὑπομνήμασιν ἀνενεχθῆναι τρισχιλίουσ πεντακοσίουσ καὶ πέντε τεθνηκότασ.

ὁ μέντοι Διονύσιοσ οὔτε δύο περὶ Ἄσκλον μάχασ οὔτε ὁμολογουμένην ἧτταν ἱστορεῖ γενέσθαι Ῥωμαίων, ἅπαξ δὲ μέχρι δυσμῶν ἡλίου μαχεσαμένουσ μόλισ ἀπαλλαγῆναι, τοῦ Πύρρου τρωθέντοσ ὑσσῷ τὸν βραχίονα καὶ τὴν ἀποσκευὴν ἅμα Δαυνίων διαρπασάντων, ἀποθανεῖν δὲ καὶ Πύρρου καὶ Ῥωμαίων ἄνδρασ ὑπὲρ μυρίουσ πεντακισχιλίουσ ἑκατέρων.

διελύθησαν δὲ ἀμφότεροι· "ἂν ἔτι μίαν μάχην Ῥωμαίουσ νικήσωμεν, ἀπολούμεθα παντελῶσ. πολὺ μὲν γὰρ ἀπωλώλει μέροσ ἧσ ἄγων ἧκε δυνάμεωσ, φίλοι δὲ καὶ στρατηγοὶ πλὴν ὀλίγων ἅπαντεσ, μεταπέμπεσθαι δὲ οὐκ ἦσαν ἕτεροι, καὶ τοὺσ αὐτόθι συμμάχουσ ἀμβλυτέρουσ ἑώρα, τοῖσ δὲ Ῥωμαίοισ ὥσπερ ἐκ πηγῆσ οἴκοθεν ἐπιρρεούσησ ἀναπληρούμενον εὐπόρωσ καὶ ταχὺ τὸ στρατόπεδον, καὶ ταῖσ ἥτταισ οὐκ ἀποβάλλοντασ τὸ θαρρεῖν, ἀλλὰ καὶ ῥώμην καὶ φιλονεικίαν ὑπ’ ὀργῆσ ἐπὶ τὸν πόλεμον προσλαμβάνοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 21

(플루타르코스, chapter 21)

상위

목록

SEARCH

MENU NAVIGATION