헬라어 문장 검색 - Πλυταρ́Πψρρηυσ́12́

(플루타르코스, chapter 12)

ἐπιφανέντοσ δὲ Λυσιμάχου καὶ κοινὸν ἔργον ἀμφοῖν ποιουμένου τὴν Δημητρίου κατάλυσιν καὶ νέμεσθαι τὴν βασιλείαν ἀξιοῦντοσ, οὔπω πάνυ βεβαίωσ τοῖσ Μακεδόσι πιστεύων ὁ Πύρροσ, ἀλλ’ ἀμφίβολοσ ὢν ἐν αὐτοῖσ ἐδέξατο τοῦ Λυσιμάχου τὴν πρόκλησιν, καὶ διενείμαντο τὰσ πόλεισ καὶ τὴν χώραν πρὸσ ἀλλήλουσ. τοῦτο δὲ ὤνησε μὲν ἐν τῷ παρόντι καὶ κατέπαυσε τὸν πόλεμον αὐτοῖσ, ὀλίγῳ δὲ ὕστερον ἔγνωσαν οὐκ ἀπαλλαγὴν ἔχθρασ, ἀλλ’ ἐγκλημάτων καὶ διαφορᾶσ ἀρχὴν πεποιημένοι τὴν νέμησιν.

οὐκ ἔστιν εἰπεῖν, ἀλλὰ πολεμοῦσι μὲν ἀεί, τὸ ἐπιβουλεύειν καὶ φθονεῖν ἔμφυτον ἔχοντεσ, δυεῖν δὲ ὀνομάτων, ὥσπερ νομισμάτων, πολέμου καὶ εἰρήνησ, τῷ παρατυχόντι χρῶνται πρὸσ τὸ συμφέρον, οὐ πρὸσ τὸ δίκαιον, ἐπεὶ βελτίουσ γε πολεμεῖν ὁμολογοῦντέσ εἰσιν ἢ τῆσ ἀδικίασ τὸ ἀργοῦν καὶ σχολάζον δικαιοσύνην καὶ φιλίαν ὀνομάζοντεσ.

ἐδήλωσε δὲ ὁ Πύρροσ·

ἐμποδὼν γάρ αὐξομένῳ τῷ Δημητρίῳ πάλιν ἱστάμενοσ, καὶ κωλύων τὴν δύναμιν ὥσπερ ἐξ ἀρρωστίασ μεγάλησ ἀναλαμβάνουσαν, ἐβοήθει τοῖσ Ἕλλησι καὶ παρῆλθεν εἰσ τὰσ Ἀθήνασ, ἀναβὰσ δὲ εἰσ τὴν ἀκρόπολιν καὶ θύσασ τῇ θεῷ καὶ καταβὰσ αὐθημερὸν ἀγαπᾶν μὲν ἔφησε τοῦ δήμου τὴν πρὸσ αὐτὸν εὔνοιαν καὶ πίστιν, ἂν μέντοι σωφρονῶσι μηδένα τῶν βασιλέων ἔτι παρήσειν αὐτοὺσ εἰσ τὴν πόλιν μηδὲ τὰσ πύλασ ἀνοίξειν· ἐκ τούτου καὶ πρὸσ Δημήτριον εἰρήνην ἐποιήσατο, καὶ μετ’ ὀλίγον χρόνον, εἰσ Ἀσίαν ἀπάραντοσ αὐτοῦ, πάλιν πεισθεὶσ ὑπὸ Λυσιμάχου Θετταλίαν ἀφίστη καὶ ταῖσ Ἑλληνικαῖσ φρουραῖσ προσεπολέμει, βελτίοσι χρώμενοσ τοῖσ Μακεδόσι στρατευομένοισ ἢ σχολάζουσι, καὶ ὅλωσ αὐτὸσ οὐκ ἐν πρὸσ ἡσυχίαν πεφυκώσ.

τέλοσ δὲ Δημητρίου καταπολεμηθέντοσ ἐν Συρίᾳ Λυσίμαχοσ ἐπ’ ἀδείασ γενόμενοσ καὶ σχολάζων εὐθὺσ ἐπὶ τὸν Πύρρον ὡρ́μησε. καὶ καθημένου περὶ τὴν Ἔδεσσαν αὐτοῦ ταῖσ ἀγοραῖσ κομιζομέναισ ἐπιπεσὼν καὶ κρατήσασ ἀπορίαν πρῶτον αὐτῷ περιέστησεν, εἶτα γράμμασι καὶ λόγοισ διέφθειρε τοὺσ πρώτουσ τῶν Μακεδόνων, ὀνειδίζων εἰ ξένον ἄνδρα καὶ προγόνων ἀεὶ δεδουλευκότων Μακεδόσι δεσπότην ἑλόμενοι τοὺσ Ἀλεξάνδρου φίλουσ καὶ συνήθεισ ἀπωθοῦσι Μακεδονίασ, ἀναπειθομένων δὲ πολλῶν δείσασ ὁ Πύρροσ ἀπηλλάγη μετὰ τῆσ Ἠπειρωτικῆσ καὶ συμμαχικῆσ δυνάμεωσ, ἀποβαλὼν Μακεδονίαν ᾧ τρόπῳ παρέλαβεν.

ὅθεν οὐδ’ αἰτιᾶσθαι τοὺσ πολλοὺσ ἔχουσιν οἱ βασιλεῖσ μετατιθεμένουσ πρὸσ τὸ συμφέρον ἐκείνουσ γάρ αὐτοὺσ ταῦτα μιμοῦνται ποιοῦντεσ, ἀπιστίασ καὶ προδοσίασ διδασκάλουσ ὄντασ, καὶ πλεῖστα νομίζοντασ ὠφελεῖσθαι τὸν ἐλάχιστα τῷ δικαίῳ χρώμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 12

(플루타르코스, chapter 12)

상위

목록

SEARCH

MENU NAVIGATION