헬라어 문장 검색 - Πλυταρ́Πψρρηυσ́02́

(플루타르코스, chapter 2)

ἐπεὶ δὲ στασιάσαντεσ οἱ Μολοσσοὶ καὶ τὸν Αἰακίδην ἐκβαλόντεσ ἐπηγάγοντο τοὺσ Νεοπτολέμου παῖδασ, οἱ μὲν φίλοι τοῦ Αἰακίδου διεφθάρησαν καταληφθέντεσ, τὸν δὲ Πύρρον ἔτι νήπιον ὄντα καὶ ζητούμενον ὑπὸ τῶν πολεμίων ἐκκλέψαντεσ οἱ περὶ Ἀνδροκλείδην καὶ Ἄγγελον ἔφευγον, οἰκέτασ ὀλίγουσ καὶ γύναια τιθηνούμενα τὸ παιδίον ἀναγκαίωσ ἐφελκόμενοι. καὶ διὰ τοῦτο τῆσ φυγῆσ αὐτοῖσ γινομένησ δυσέργου καὶ βραδείασ καταλαμβανόμενοι τὸ μὲν παιδίον ἐγχειρίζουσιν Ἀνδροκλείωνι καὶ Ἱππίᾳ καὶ Νεάνδρῳ, νεανίσκοισ οὖσι πιστοῖσ καὶ ῥωμαλέοισ, ἀνὰ κράτοσ φεύγειν καὶ Μεγάρων ἔχεσθαι χωρίου Μακεδονικοῦ προστάξαντεσ, αὐτοὶ δὲ τὰ μὲν δεόμενοι, τὰ δὲ ἀπομαχόμενοι τοῖσ διώκουσιν ἐμποδὼν ἦσαν ἄχρι δείλησ ὀψίασ.

ἀποτραπομένων δὲ μόλισ ἐκείνων μετέθεον τοὺσ τὸν Πύρρον κομίζοντασ, ἤδη δὲ τοῦ ἡλίου καταδεδυκότοσ ἐγγὺσ γενόμενοι τῆσ ἐλπίδοσ ἐξαίφνησ ἀπεκόπησαν, ἐντυχόντεσ τῷ παρὰ τὴν πόλιν παραρρέοντι ποταμῷ, χαλεπῷ μὲν ὀφθῆναι καὶ ἀγρίῳ, πειρωμένοισ δὲ διαβαίνειν παντάπασιν ἀπορωτάτῳ.

πολύ τε γὰρ ἐξέπιπτε ῥεῦμα καὶ θολερὸν ὄμβρων ἐπιγενομένων, καὶ τὸ σκότοσ ἐποίει πάντα φοβερώτερα. καθ’ αὑτοὺσ μὲν οὖν ἀπέγνωσαν ἐπιχειρεῖν παιδίον φερόμενοι καὶ γύναια τὰ τρέφοντα τὸ παιδίον, αἰσθόμενοι δὲ τῶν ἐπιχωρίων τινὰσ ἐν τῷ πέραν ἑστῶτασ ἐδέοντο συλλαβέσθαι πρὸσ τὴν διάβασιν, καὶ τὸν Πύρρον ἀνεδείκνυσαν βοῶντεσ καὶ ἱκετεύοντεσ.

ἀλλ’ ἦν διατριβὴ τῶν μὲν βοώντων, τῶν δὲ μὴ συνιέντων, ἄχρι τισ ἐννοήσασ καὶ περιελὼν δρυὸσ φλοιὸν ἐνέγραψε πόρπῃ γράμματα φράζοντα τήν τε χρείαν καὶ τὴν τύχην τοῦ παιδόσ, εἶτα λίθῳ τὸν φλοιὸν περιελίξασ καὶ χρησάμενοσ οἱο͂ν ἑρ́ματι τῆσ βολῆσ ἀφῆκεν εἰσ τὸ πέραν ἔνιοι δέ φασι σαυνίῳ περιπήξαντασ ἀκοντίσαι τὸν φλοιόν.

ὡσ δ̓ οὖν ἀνέγνωσαν οἱ πέραν τὰ γράμματα καὶ συνεῖδον τὴν ὀξύτητα τοῦ καιροῦ, κόπτοντεσ ξύλα καὶ πρὸσ ἄλληλα συνδέοντεσ ἐπεραιοῦντο.

καὶ κατὰ τύχην ὁ πρῶτοσ αὐτῶν περαιωθεὶσ Ἀχιλλεὺσ τοὔνομα τὸν Πύρρον ἐδέξατο· τοὺσ δὲ ἄλλουσ ὡσ ἔτυχον ἄλλοι διεκόμιζον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 2

(플루타르코스, chapter 2)

상위

목록

SEARCH

MENU NAVIGATION