헬라어 문장 검색 - Πλυταρ́Πψρρηυσ́03́

(플루타르코스, chapter 3)

οὕτω δὲ σωθέντεσ καὶ φθάσαντεσ τὴν δίωξιν εἰσ Ἰλλυριοὺσ παρεγένοντο πρὸσ Γλαυκίαν τὸν βασιλέα· καὶ καθεζόμενον εὑρόντεσ οἴκοι μετὰ τῆσ γυναικὸσ ἐν μέσῳ τὸ παιδίον ἐπὶ τῆσ γῆσ κατέθεσαν, ὁ δὲ ἦν ἐπὶ γνώμησ, Κάσανδρον δεδοικὼσ ἐχθρὸν ὄντα τοῦ Αἰακίδου, καὶ σιωπὴν εἶχε πολὺν χρόνον βουλευόμενοσ. ἐν τούτῳ δὲ ὁ Πύρροσ ἀπ’ αὐτομάτου προσερπύσασ καὶ λαβόμενοσ τοῦ ἱματίου ταῖσ χερσὶ καὶ προσεξαναστὰσ πρὸσ τὰ γόνατα τοῦ Γλαυκίου γέλωτα πρῶτον, εἶτα οἶκτον παρέσχεν, ὥσπερ τισ ἱκέτησ ἐχόμενοσ καὶ δακρύων, ἔνιοι δέ φασιν οὐ τῷ Γλαυκίᾳ προσπεσεῖν αὐτόν, ἀλλὰ βωμοῦ θεῶν προσαψάμενον ἑστάναι πρὸσ αὐτὸν περιβαλόντα τὰσ χεῖρασ, καὶ τὸ πρᾶγμα τῷ Γλαυκίᾳ θεῖον φανῆναι.

διὸ καὶ παραυτίκα τὸν Πύρρον ἐνεχείρισε τῇ γυναικί, κελεύσασ ἅμα τοῖσ τέκνοισ τρέφεσθαι, καὶ μικρὸν ὕστερον ἐξαιτουμένων τῶν πολεμίων, Κασάνδρου δὲ καὶ διακόσια τάλαντα διδόντοσ, οὐκ ἐξέδωκεν, ἀλλὰ καὶ γενόμενον δυοκαίδεκα ἐτῶν καταγαγὼν εἰσ τὴν Ἤπειρον μετὰ δυνάμεωσ βασιλέα κατέστησεν.

ἦν δὲ ὁ Πύρροσ τῇ μὲν ἰδέᾳ τοῦ προσώπου φοβερώτερον ἔχων ἢ σεμνότερον τὸ βασιλικόν, πολλοὺσ δὲ ὀδόντασ οὐκ εἶχεν, ἀλλ’ ἓν ὀστέον συνεχὲσ ἦν ἄνωθεν, οἱο͂ν λεπταῖσ ἀμυχαῖσ τὰσ διαφυὰσ ὑπογεγραμμένον τῶν ὀδόντων.

τοῖσ δὲ σπληνιῶσιν ἐδόκει βοηθεῖν, ἀλεκτρυόνα θύων λευκόν, ὑπτίων τε κατακειμένων τῷ δεξιῷ ποδὶ πιέζων ἀτρέμα τὸ σπλάγχνον. οὐδεὶσ δὲ ἦν πένησ οὐδὲ ἄδοξοσ οὕτωσ ὥστε μὴ τυχεῖν τῆσ ἰατρείασ δεηθείσ. ἐλάμβανε δὲ καὶ τὸν ἀλεκτρυόνα θύσασ, καὶ τὸ γέρασ τοῦτο ἥδιστον ἦν αὐτῷ.

λέγεται δὲ τοῦ ποδὸσ ἐκείνου τὸν μείζονα δάκτυλον ἔχειν δύναμιν θείαν, ὥστε μετὰ τὴν τελευτὴν τοῦ λοιποῦ σώματοσ κατακαέντοσ ἀπαθῆ καὶ ἄθικτον ὑπὸ τοῦ πυρὸσ εὑρεθῆναι. ταῦτα μὲν οὖν ὕστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 3

(플루타르코스, chapter 3)

상위

목록

SEARCH

MENU NAVIGATION