헬라어 문장 검색 - Πλυταρ́Πψρρηυσ́32́

(플루타르코스, chapter 32)

σκότουσ δὲ πολλοῦ προσμίξασ ὁ Πύρροσ τοῖσ τείχεσι, καὶ πύλην εὑρών ἣν Διαμπερὲσ καλοῦσιν ἀνεῳγμένην ὑπὸ τοῦ Ἀριστέου αὐτοῖσ, ἄχρι μὲν τοῦ παρεισπεσεῖν τοὺσ Γαλάτασ τοὺσ παρ’ αὐτοῦ καὶ τὴν ἀγορὰν καταλαβεῖν ἐλάνθανε· τῆσ δὲ πύλησ τοὺσ ἐλέφαντασ οὐ δεχομένησ καὶ διὰ τοῦτο τοὺσ πύργουσ αὐτῶν ἀφαιρούντων, εἶτα πάλιν ἐν σκότε καὶ θορύβῳ περιτιθέντων καὶ γενομένησ διατριβῆσ, οἱ Ἀργεῖοι συναισθόμενοι πρὸσ τὴν Ἀσπίδα καὶ τοὺσ ὀχυροὺσ τόπουσ ἀνέθεον, καὶ τὸν Ἀντίγονον ἐκάλουν πέμποντεσ. ὁ δὲ αὐτὸσ μὲν ἐγγὺσ προσελάσασ ἐφήδρευε, τοὺσ δὲ στρατηγοὺσ καὶ τὸν υἱὸν εἰσέπεμψε συχνὴν βοήθειαν ἄγοντασ.

ἧκε δὲ καὶ Ἄρευσ ἔχων χιλίουσ Κρῆτασ καὶ Σπαρτιάτασ τοὺσ ἐλαφροτάτουσ, καὶ πάντεσ ἅμα τοῖσ Γαλάταισ προσβαλόντεσ εἰσ πολὺν θόρυβον κατέστησαν αὐτούσ, ὁ δὲ Πύρροσ εἰσιὼν μετ’ ἀλαλαγμοῦ καὶ βοῆσ παρὰ τὴν Κυλάραβιν, ὡσ οἱ Γαλάται τοῖσ περὶ αὐτὸν ἀντηλάλαξαν οὐκ ἰταμὸν οὐδὲ θαρραλέον, εἴκασε ταραττομένων εἶναι τὴν φωνὴν καὶ πονούντων. ἐπῆγεν οὖν θᾶττον, ὠθῶν τοὺσ πρὸ αὐτοῦ τῶν ἱππέων δυσοδοῦντασ ἐν τοῖσ ὀχετοῖσ, ὧν ἡ πόλισ ἐστὶ μεστή, καὶ κινδυνεύοντασ, ἦν δὲ καὶ ἀσάφεια πολλὴ τῶν δρωμένων καὶ παραγγελλομένων ἐν νυκτομαχίᾳ, καὶ πλάναι καὶ διασπασμοὶ περὶ τοὺσ στενωπούσ, καὶ στρατηγίασ οὐδὲν ἔργον ὑπὸ σκότουσ καὶ βοῆσ ἀκρίτου καὶ στενότητοσ, ἀλλὰ διέτριβον ἄλλωσ περιμένοντεσ ἀμφότεροι τὴν ἡμέραν.

ἤδη δὲ διαλάμποντοσ ἥ τε Ἀσπὶσ ὅπλων περίπλεωσ πολεμίων ὀφθεῖσα τὸν Πύρρον διετάραξε, καὶ τῆσ ἀγορᾶσ ἐν πολλοῖσ ἀναθήμασι κατιδὼν λύκον χαλκοῦν καὶ ταῦρον οἱο͂ν εἰσ μάχην ἀλλήλοισ συνιόντασ ἐξεπλάγη, χρησμόν τινα πρὸσ ἑαυτὸν ἀνενεγκὼν παλαιόν, ὡσ ἀποθανεῖν αὐτῷ πεπρωμένον ὅταν λύκον ἴδῃ ταύρῳ μαχόμενον.

ταῦτα δὲ Ἀργεῖοι πάθουσ ὑπομνήματα παλαιοῦ γενενῆσθαι παρ’ αὐτοῖσ λέγουσι.

Δαναῷ γάρ, ὅτε πρῶτον ἐπέβη τῆσ χώρασ κατὰ τὰ Πυράμια τῆσ Θυρεάτιδοσ, εἰσ Ἄργοσ πορευομένῳ λύκον φανῆναι ταύρῳ μαχόμενον· θέμενον δὲ τὸν Δαναὸν ὡσ ὁ λύκοσ εἰή πρὸσ αὐτοῦ ξένον γὰρ ὄντα τοῖσ ἐγχωρίοισ ἐπιτίθεσθαι καθάπερ αὐτόν, ἐφορᾶν τὴν μάχην, καὶ τοῦ λύκου κρατήσαντοσ Ἀπόλλωνι Λυκείῳ προσευξάμενον ἐπιχειρῆσαι καὶ περιγενέσθαι, στάσει Γελάνοροσ, ὃσ τότε τῶν Ἀργείων ἐβασίλευεν, ἐκπεσόντοσ. τὸ μὲν οὖν ἀνάθημα τοῦτον εἶχε τὸν λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 32

(플루타르코스, chapter 32)

상위

목록

SEARCH

MENU NAVIGATION