Plutarch, chapter 22

(플루타르코스, chapter 22)

ἐν τοιαύταισ δὲ ὢν ἀπορίαισ εἰσ ἐλπίδασ αὖ πάλιν καινὰσ ἐνέπεσε καὶ πράγματα διχοστασίαν ἔχοντα τῆσ γνώμησ, ἅμα γάρ ἧκον ἐκ μὲν Σικελίασ ἄνδρεσ Ἀκράγαντα καὶ Συρακούσασ καὶ Λεοντίνουσ ἐγχειρίζοντεσ αὐτῷ, καὶ δεόμενοι Καρχηδονίουσ τε συνεκβαλεῖν καὶ τῶν τυράννων ἀπαλλάξαι τὴν νῆσον, ἐκ δὲ τῆσ Ἑλλάδοσ ἀγγέλλοντεσ ὡσ Πτολεμαῖοσ ὁ Κεραυνὸσ ἀπόλωλε συμπεσὼν Γαλάταισ μετὰ τῆσ δυνάμεωσ, καὶ νῦν ἂν ἐν καιρῷ μάλιστα δεομένοισ βασιλέωσ Μακεδόσι παραγένοιτο. πολλὰ δὴ τὴν τύχην μεμψάμενοσ ὅτι πράξεων μεγάλων ὑποθέσεισ εἰσ ἕνα καιρὸν αὐτῷ συνήνεγκε, καὶ νομίζων ὡσ ἀμφοτέρων ὑπαρχόντων ἀπολλύναι θάτερον, διηνέχθη τοῖσ λογισμοῖσ πολὺν χρόνον.

εἶτα τοῖσ Σικελικοῖσ μειζόνων ὑποκεῖσθαι πραγμάτων δοκούντων, Λιβύησ ἐγγὺσ εἶναι δοκούσησ, ἐπὶ ταῦτα τρέψασ Κινέαν μὲν εὐθὺσ ἐξέπεμψε προδιαλεξόμενον, ὥσπερ εἰώθει, ταῖσ πόλεσιν, αὐτὸσ δὲ τοῖσ Ταραντίνοισ δυσανασχετοῦσιν ἐμβαλὼν φρουράν, καὶ ἀξιοῦσιν ἢ παρέχειν ἐφ’· οἷσ ἧκε, συμπολεμοῦντα Ῥωμαίοισ, ἢ τὴν χώραν προέμενον αὐτῶν ἀπολιπεῖν τὴν πόλιν οἱάν παρέλαβε, μηδὲν ἐπιεικὲσ ἀποκρινάμενοσ, ἀλλὰ προστάξασ ἡσυχίαν ἄγειν καὶ περιμένειν τὸν ἑαυτοῦ καιρόν, ἐξέπλευσεν.

ἁψαμένῳ δὲ αὐτῷ Σικελίασ ἃ μὲν ἤλπισεν εὐθὺσ ἀπήντα βέβαια, καὶ παρεῖχον αἱ πόλεισ ἑαυτὰσ προθύμωσ, τῶν δὲ ἀγῶνοσ καὶ βίασ δεηθέντων οὐδὲν ἀντεῖχε τὸ πρῶτον, ἀλλὰ τρισμυρίοισ πεζοῖσ καὶ δισχιλίοισ πεντακοσίοισ ἱππεῦσι καὶ διακοσίαισ ναυσὶν ἐπιών τούσ τε Φοίνικασ ἐξῄρει καὶ κατεστρέφετο τὴν ἐπικράτειαν αὐτῶν, τοῦ δ̓ Ἔρυκοσ ἐχυρωτάτου τῶν χωρίων ὄντοσ καὶ πολλοὺσ ἀμυνομένουσ ἔχοντοσ ἔγνω βιάζεσοαι πρὸσ τὰ τείχη, καὶ τῆσ στρατιᾶσ γενομένησ ἑτοίμησ ἐνεδύσατο τὴν πανοπλίαν, καὶ προελθὼν εὔξατο τῷ Ἡρακλεῖ ποιήσειν ἀγῶνα καὶ θυσίαν ἀριστεῖον, ἂν τοῦ γένουσ καὶ τῶν ὑπαρχόντων ἄξιον ἀγωνιστὴν αὑτὸν ἀποδείξῃ τοῖσ Σικελίαν οἰκοῦσιν Ἕλλησι·

τῇ δὲ σάλπιγγι σημήνασ καὶ τοῖσ βέλεσι τοὺσ βαρβάρουσ ἀνασκεδάσασ καὶ τὰσ κλίμακασ προσαγαγών πρῶτοσ ἐπέβη τοῦ τείχουσ·

ἀντιστάντων δὲ πολλῶν ἀμυνόμενοσ τοὺσ μὲν ἐξέωσε τοῦ τείχουσ ἐπ’ ἀμφότερα καὶ κατέβαλε, πλείστουσ δὲ περὶ αὑτὸν τῷ ξίφει χρώμενοσ ἐσώρευσε νεκρούσ, ἔπαθε δὲ αὐτὸσ οὐδέν, ἀλλὰ καὶ προσιδεῖν δεινὸσ ἐφάνη τοῖσ πολεμίοισ, καὶ τὸν Ὅμηρον ἔδειξεν ὀρθῶσ καὶ μετὰ ἐμπειρίασ ἀποφαίνοντα τῶν ἀρετῶν μόνην τὴν ἀνδρείαν φορὰσ πολλάκισ ἐνθουσιώδεισ καὶ μανικὰσ φερομένην.

ἁλούσησ δὲ τῆσ πόλεωσ ἔθυσέ τε τῷ θεῷ μεγαλοπρεπῶσ καὶ θέασ ἀγώνων παντοδαπῶν παρέσχε.

일치하는 문장이 없습니다.

SEARCH

MENU NAVIGATION