헬라어 문장 검색 - Πλυταρ́Πψρρηυσ́18́

(플루타르코스, chapter 18)

Ῥωμαῖοι δὲ Λαιβῖνον μὲν οὐκ ἀπήλλαξαν τῆσ ἀρχῆσ, καίτοι λέγεται Γάιον Φαβρίκιον εἰπεῖν ὡσ οὐκ Ἠπειρῶται Ῥωμαίουσ, ἀλλὰ Πύρροσ νενικήκοι Λαιβῖνον, οἰόμενον οὐ τῆσ δυνάμεωσ, ἀλλὰ τῆσ στρατηγίασ γεγονέναι τὴν ἧτταν ἀναπληροῦντεσ δὲ τὰσ τάξεισ καὶ συντάττοντεσ ἑτέρασ προθύμωσ, καὶ λόγουσ ἀδεεῖσ καὶ σοβαροὺσ περὶ τοῦ πολέμου λέγοντεσ, ἔκπληξιν τῷ Πύρρῳ παρεῖχον. ἔδοξεν οὖν αὐτῷ πέμψαντι πρότερον διάπειραν λαβεῖν τῶν ἀνδρῶν, εἰ συμβατικῶσ ἔχοιεν, ἡγουμένῳ τὸ μὲν ἑλεῖν τὴν πόλιν καὶ κρατῆσαι παντάπασιν οὐ μικρὸν ἔργον οὐδὲ τῆσ παρούσησ δυνάμεωσ εἶναι, τὴν δὲ φιλίαν καὶ τὰσ διαλύσεισ κάλλιστα ἔχειν πρὸσ δόξαν αὐτῷ μετὰ νίκην.

πεμφθεὶσ οὖν ὁ Κινέασ ἐνετύγχανε τοῖσ δυνατοῖσ, καὶ δῶρα παισὶν αὐτῶν καὶ γυναιξὶν ἔπεμψε παρὰ τοῦ βασιλέωσ, ἔλαβε δὲ οὐδείσ, ἀλλ’ ἀπεκρίναντο πάντεσ καὶ πᾶσαι ὅτι δημοσίᾳ σπονδῶν γενομένων καὶ τὰ παρ’ αὐτῶν ὑπάρξει πρόθυμα τῷ βασιλεῖ καὶ κεχαρισμένα. πρὸσ δὲ τὴν σύγκλητον ἐπαγωγὰ τοῦ Κινέου πολλὰ καὶ φιλάνθρωπα διαλεχθέντοσ, ἄσμενοι μὲν οὐδὲν οὐδὲ ἑτοίμωσ ἐδέχοντο, καίπερ ἄνδρασ τε τοὺσ ἡλωκότασ ἐν τῇ μάχῃ δίχα λύτρων ἀφιέντοσ αὐτοῖσ τοῦ Πύρρου καὶ συγκατεργάσασθαι τὴν Ἰταλίαν ἐπαγγελλομένου, φιλίαν δὲ ἀντὶ τούτων ἑαυτῷ καὶ τοῖσ Ταραντίνοισ ἄδειαν, ἕτερον δὲ μηδὲν αἰτουμένου.

δῆλοί γε μὴν ἦσαν ἐνδιδόντεσ οἱ πολλοὶ πρὸσ τὴν εἰρήνην, ἡττημένοι τε μεγάλῃ μάχῃ καὶ προσδοκῶντεσ ἑτέραν ἀπὸ μείζονοσ δυνάμεωσ, τῶν Ἰταλικῶν τῷ Πύρρῳ προσγεγονότων.

ἔνθα δὴ Κλαύδιοσ Ἄππιοσ, ἀνὴρ ἐπιφανήσ, ὑπὸ δὲ γήρωσ ἅμα καὶ πηρώσεωσ ὀμμάτων ἀπειρη κὼσ πρὸσ τὴν πολιτείαν καὶ πεπαυμένοσ, ἀπαγγελλομένων τότε τῶν παρὰ τοῦ βασιλέωσ καὶ λόγου κατασχόντοσ ὡσ μέλλει ψηφίζεσθαι τὰσ διαλύσεισ ἡ σύγκλητοσ, οὐκ ἐκαρτέρησεν, ἀλλὰ τοὺσ θεράποντασ ἄρασθαι κελεύσασ αὑτόν ἐκομίζετο πρὸσ τὸ βουλευτήριον ἐν φορείῳ δι’ ἀγορᾶσ.

γενόμενον δὲ πρὸσ ταῖσ θύραισ οἱ μὲν παῖδεσ ἅμα τοῖσ γαμβροῖσ ὑπολαβόντεσ καὶ περισχόντεσ εἰσῆγον, ἡ δὲ βουλὴ σιωπὴν αἰδουμένη τὸν ἄνδρα μετὰ τιμῆσ ἔσχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 18

(플루타르코스, chapter 18)

상위

목록

SEARCH

MENU NAVIGATION