헬라어 문장 검색 - Πλυταρ́Πψρρηυσ́27́

(플루타르코스, chapter 27)

ἐκ τούτου κατέβαινεν ἐπὶ τὴν Λακεδαίμονα· καὶ τοῦ Κλεωνύμου κελεύοντοσ ἕξ ἐφόδου προσβαλεῖν φοβηθεὶσ ὁ Πύρροσ, ὡσ λέγεται, μὴ διαρπάσωσιν οἱ στρατιῶται τὴν πόλιν ἐν νυκτὶ προσπεσόντεσ, ἐπέσχεν, εἰπὼν ὅτι ταὐτὸ ποιήσουσι μεθ’ ἡμέραν. αὐτοί τε γάρ ἦσαν ὀλίγοι καὶ ἀπαράσκευοι διὰ τὸ αἰφνίδιον, ὅ τε Ἄρευσ οὐκ ἐτύγχανε παρών, ἀλλ’ ἐν Κρήτῃ Γορτυνίοισ πολεμουμένοισ βοηθῶν· καὶ τοῦτο δὴ μάλιστα τὴν πόλιν ἔσωσε δι’ ἐρημίαν καὶ ἀσθένειαν καταφρονηθεῖσαν. ὁ μὲν γάρ Πύρροσ οὐδένα μαχεῖσθαι νομίζων κατηυλίσατο, τοῦ δὲ Κλεωνύμου τὴν οἰκίαν οἵ τε φίλοι καὶ εἵλωτεσ οὕτωσ ἐκόσμησαν καὶ παρεσκεύασαν ὡσ δειπνήσοντοσ τοῦ Πύρρου παρ’ αὐτῷ.

γενομένησ δὲ νυκτὸσ οἱ Λακεδαιμόνιοι πρῶτον μὲν ἐβουλεύσαντο τὰσ γυναῖκασ εἰσ Κρήτην ἀποστέλλειν, αἱ δὲ ἀντέστησαν. Ἀρχιδαμία δὲ καὶ ξίφοσ ἔχουσα πρὸσ τὴν γερουσίαν ἦλθεν ἐγκαλοῦσα τοῖσ ἀνδράσιν ὑπὲρ τῶν γυναικῶν, εἰ ζῆν αὑτὰσ ἀξιοῦσι τῆσ Σπάρτησ ἀπολομένησ. ἔπειτα τῷ στρατοπέδῳ τῶν πολεμίων παράλληλον ἔγνωσαν ἐμβαλόντεσ τάφρον ἔνθεν καὶ ἔνθεν αὐτῆσ στῆσαι τὰσ ἁμάξασ, μέχρι τοῦ μέσου τῶν τροχῶν καταχώσαντεσ, ὅπωσ ἕδραν ἔχουσαι δυσεκβίαστον ἐμποδὼν ὦσι τοῖσ θηρίοισ.

ἀρχομένοισ δὲ ταῦτα πράττειν ἧκον αὐτοῖσ τῶν παρθένων καὶ γυναικῶν αἱ μὲν ἐν ἱματίοισ, καταζωσάμεναι τοὺσ χιτωνίσκουσ, αἱ δὲ μονοχίτωνεσ, συνεργασόμεναι τοῖσ πρεσβυτέροισ. τοὺσ δὲ μάχεσθαι μέλλοντασ ἐκέλευον ἡσυχάζειν, καὶ λαβοῦσαι μέτρον αὐταὶ καθ’ αὑτὰσ ἐξειργάσαντο τῆσ τάφρου τὸ τρίτον μέροσ, ἦν δὲ τὸ μὲν πλάτοσ αὐτῆσ πήχεων ἕξ, τὸ δὲ βάθοσ τεττάρων, τὸ δὲ μῆκοσ ὀκτάπλεθρον, ὡσ ἱστορεῖ Φύλαρχοσ, ὡσ δ̓ Ιἑρώνυμοσ, ἔλαττον.

ἅμα δ̓ ἡμέρᾳ κινουμένων τῶν πολεμίων τὰ ὅπλα τοῖσ νέοισ ὀρέγουσαι καὶ παραδιδοῦσαι τὴν τάφρον ἀμύνειν καὶ φυλάττειν ἐκέλευον, ὡσ ἡδὺ μὲν νικᾶν ἐν ὀφθαλμοῖσ τῆσ πατρίδοσ, εὐκλεὲσ δὲ θνῄσκειν ἐν χερσὶ μητέρων καὶ γυναικῶν ἀξίωσ τῆσ Σπάρτησ πεσόντασ.

ἡ δὲ Χιλωνίσ, ἐκποδὼν οὖσα καθ’ ἑαυτὴν, βρόχον εἶχεν ἐνημμένον, ὅπωσ ἐπὶ τῷ Κλεωνύμῳ μὴ γένοιτο τῆσ πόλεωσ ἁλούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 27

(플루타르코스, chapter 27)

상위

목록

SEARCH

MENU NAVIGATION