헬라어 문장 검색 - Πλυταρ́Πψρρηυσ́25́

(플루타르코스, chapter 25)

τῶν δὲ Σαυνιτῶν τά τε πράγματα διέφθαρτο, καὶ τοῦ φρονήματοσ ὑφεῖντο, κεκρατημένοι μάχαισ πολλαῖσ ὑπὸ τῶν Ῥωμαίων. ἐνῆν δέ τι καὶ πρὸσ τὸν Πύρρον ὀργῆσ διὰ τὸν εἰσ Σικελίαν πλοῦν· ὅθεν οὐ πολλοὶ τούτων αὐτῷ συνῆλθον. πάντασ δὲ νείμασ δίχα τοὺσ μὲν εἰσ τὴν Λευκανίαν ἔπεμψεν ἀντιληψομένουσ τοῦ ἑτέρου τῶν ὑπάτων, ὡσ μὴ βοηθοίη, τοὺσ δὲ ἦγεν αὐτὸσ ἐπὶ Μάνιον Κούριον περὶ πόλιν Βενεουεντὸν ἱδρυμένον ἐν ἀσφαλεῖ καὶ περιμένοντα τὴν ἐκ τῆσ Λευκανίασ βοήθειαν· ἔστι δ̓ ὅτε καὶ μάντεων αὐτὸν οἰωνοῖσ καὶ ἱεροῖσ ἀποτρεπόντων ἡσύχαζε, σπεύδων οὖν ὁ Πύρροσ ἐπιθέσθαι τούτοισ, πρὶν ἐκείνουσ ἐπελθεῖν, ἄνδρασ τε τοὺσ κρατίστουσ καὶ τῶν θηρίων τὰ μαχιμώτατα λαβὼν νυκτὸσ ὡρ́μησεν ἐπὶ τὸ στρατόπεδον.

περιιόντι δὲ αὐτῷ μακρὰν καὶ δασεῖαν ὕλαισ ὁδὸν οὐκ ἀντέσχε τὰ φῶτα, καὶ πλάναι τοῖσ στρατιώταισ συνέτυχον·

καὶ περὶ ταῦτα γινομένησ διατριβῆσ ἥ τε νὺξ ἐπέλιπε καὶ καταφανὴσ ἦν ἅμ’ ἡμέρᾳ τοῖσ πολεμίοισ ἐπερχόμενοσ ἀπὸ τῶν ἄκρων, ὥστε θόρυβον πολὺν καὶ κίνησιν παρασχεῖν. οὐ μὴν ἀλλὰ τῶν ἱερῶν τῷ Μανίῳ γενομένων, καὶ τοῦ καιροῦ βοηθεῖν ἀναγκάζοντοσ, ἐξελθὼν ἐνέβαλε τοῖσ πρώτοισ καὶ τρεψάμενοσ ἐφόβησε πάντασ, ὥστε καὶ πεσεῖν οὐκ ὀλίγουσ καὶ τῶν ἐλεφάντων τινὰσ ἁλῶναι καταλειφθέντασ. αὕτη τὸν Μάνιον ἡ νίκη κατήγαγε μαχούμενον εἰσ τὸ πεδίον·

καὶ συμβαλὼν ἐκ προδήλου τὸ μὲν ἐτρέψατο τῶν πολεμίων, ἔστι δ̓ ᾗ βιασθεὶσ ὑπὸ τῶν θηρίων καὶ συσταλεὶσ πρὸσ τὸ στρατόπεδον τοὺσ φύλακασ ἐκάλει συχνοὺσ ἐφεστῶτασ τῷ χάρακι μετὰ τῶν ὅπλων καὶ ἀκμῆτασ. οἱ δὲ ἐπιφανέντεσ ἐκ τόπων ὀχυρῶν καὶ τὰ θηρία βάλλοντεσ ἠνάγκασαν ἀποστρέφεσθαι καὶ φυγῇ χωροῦντα διὰ τῶν συμμάχων ὀπίσω ταραχὴν ἀπεργάσασθαι καὶ σύγχυσιν, ἣ τὸ νίκημα παρέδωκε τοῖσ Ῥωμαίοισ, ἅμα δὲ καὶ τὸ κράτοσ τῆσ ἡγεμονίασ, καὶ γάρ φρόνημα καὶ δύναμιν καὶ δόξαν ὡσ ἄμαχοι προσλαβόντεσ ἐκ τῆσ ἀρετῆσ ἐκείνησ καὶ τῶν ἀγώνων Ἰταλίαν μὲν εὐθύσ, ὀλίγῳ δὲ ὕστερον Σικελίαν κατέσχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 25

(플루타르코스, chapter 25)

상위

목록

SEARCH

MENU NAVIGATION