헬라어 문장 검색 - Πλυταρ́Πψρρηυσ́24́

(플루타르코스, chapter 24)

τῶν δὲ βαρβάρων συστάντων ἐπ’ αὐτὸν ἀποπλέοντα, Καρχηδονίοισ μὲν ἐν τῷ πορθμῷ ναυμαχήσασ ἀπέβαλε τῶν νεῶν πολλάσ, ταῖσ δ̓ ἄλλαισ κατέφυγε πρὸσ τὴν Ἰταλίαν, Μαμερτῖνοι δὲ μυρίων οὐκ ἐλάττουσ προδιαβάντεσ ἀντιτάξασθαι μὲν ἐφοβήθησαν, ἐν δὲ ταῖσ δυσχωρίαισ ἐπιτιθέμενοι καὶ προσπίπτοντεσ ἅπαν τὸ στράτευμα συνετάραξαν. ἔπεσε δὲ δύο θηρία καὶ συχνοὶ τῶν ὀπισθοφυλακούντων ἀπέθνῃσκον. αὐτὸσ οὖν ἀπὸ τοῦ στόματοσ παρελάσασ ἠμύνετο καὶ διεκινδύνευε πρὸσ ἄνδρασ ἠσκημένουσ μάχεσθαι καὶ θυμοειδεῖσ.

πληγεὶσ δὲ τὴν κεφαλὴν ξίφει καὶ μικρὸν ἐκ τῶν μαχομένων ἀποστὰσ ἔτι μᾶλλον ἐπῆρε τοὺσ πολεμίουσ. εἷσ δὲ καὶ πολὺ πρὸ τῶν ἄλλων ἐπιδραμών, ἀνήρ τῷ τε σώματι μέγασ καὶ τοῖσ ὅπλοισ λαμπρόσ, ἐχρῆτο τῇ φωνῇ θρασυτέρᾳ καὶ προελθεῖν ἐκέλευεν αὐτόν, εἰ ζῇ. παροξυνθεὶσ δὲ ὁ Πύρροσ ἐπέστρεψε βίᾳ τῶν ὑπασπιστῶν, καὶ μετ’ ὀργῆσ αἵματι πεφυρμένοσ καὶ δεινὸσ ὀφθῆναι τὸ πρόσωπον ὠσάμενοσ δι’ αὐτῶν καὶ φθάσασ τὸν βάρβαρον ἔπληξε κατὰ τῆσ κεφαλῆσ τῷ ξίφει πληγὴν ῥώμῃ τε τῆσ χειρὸσ ἅμα καὶ βαφῆσ ἀρετῇ τοῦ σιδήρου μέχρι τῶν κάτω διαδραμοῦσαν, ὥστε ἑνὶ χρόνῳ περιπεσεῖν ἑκατέρωσε τὰ μέρη τοῦ σώματοσ διχοτομηθέντοσ.

τοῦτο τοὺσ βαρβάρουσ ἐπέσχε τοῦ πρόσω χωρεῖν, ὥσ τινα τῶν κρειττόνων θαυμάσαντασ καὶ καταπλαγέντασ τὸν Πύρρον.

ὁ δὲ τὴν ἄλλην ὁδὸν ἀδεῶσ διεξελθὼν ἧκεν εἷσ Τάραντα, δισμυρίουσ πεζοὺσ καὶ τρισχιλίουσ ἱππεῖσ κομίζων. ἀναλαβὼν δὲ τῶν Ταραντίνων τοὺσ κρατίστουσ, εὐθὺσ ἐπὶ Ῥωμαίουσ ἦγεν ἐν τῇ Σαυνίτιδι στρατοπεδεύοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 24

(플루타르코스, chapter 24)

상위

목록

SEARCH

MENU NAVIGATION