헬라어 문장 검색 - Πλυταρ́Πψρρηυσ́13́

(플루타르코스, chapter 13)

τότε δ̓ οὖν εἷσ Ἤπειρον ἐκπεσόντι τῷ Πύρρῳ καὶ προεμένῳ Μακεδονίαν ἡ μὲν τύχη παρεῖχε χρῆσθαι τοῖσ παροῦσιν ἀπραγμόνωσ καὶ ζῆν ἐν εἰρήνῃ βασιλεύοντα τῶν οἰκείων· ὁ δὲ τὸ μὴ παρέχειν ἑτέροισ κακὰ μηδὲ ἔχειν ὑφ’ ἑτέρων ἄλυν τινὰ ναυτιώδη νομίζων, ὥσπερ ὁ Ἀχιλλεὺσ οὐκ ἔφερε τὴν σχολήν, ἀλλὰ φθινύθεσκε φίλον κῆρ αὖθι μένων, ποθέεσκε δ̓ ἀυτήν τε πτόλεμόν τε. δεόμενοσ δ̓ οὖν ἔλαβε πραγμάτων καινῶν τοιαύτην ὑπόθεσιν. Ῥωμαῖοι Ταραντίνοισ ἐπολέμουν·

οἱ δὲ μήτε φέρειν τὸν πόλεμον δυνάμενοι μήτε θέσθαι θρασύτητι καὶ μοχθηρίᾳ δημαγωγῶν, ἐβουλεύοντο ποιεῖσθαι Πύρρον ἡγεμόνα καὶ καλεῖν ἐπὶ τὸν πόλεμον ὡσ σχολὴν ἄγοντα πλείστην τῶν βασιλέων καὶ στρατηγὸν ὄντα δεινότατον. τῶν δὲ πρεσβυτέρων καὶ νοῦν ἐχόντων πολιτῶν οἱ μὲν ἄντικρυσ ἐνιστάμενοι πρὸσ τὴν γνώμην ἐξέπιπτον ὑπὸ κραυγῆσ καὶ βίασ τῶν πολεμοποιῶν, οἱ δὲ ταῦτα ὁρῶντεσ ἀπέλειπον τὰσ ἐκκλησίασ. εἷσ δέ τισ ἀνήρ ἐπιεικὴσ, Μέτων ὄνομα, τῆσ ἡμέρασ ἐκείνησ ἐν ᾗ τὸ δόγμα κυροῦν ἔμελλον ἐνστάσησ καὶ τοῦ δήμου καθεζομένου, λαβὼν στέφανον τῶν ἑώλων καὶ λαμπάδιον, ὥσπερ οἱ μεθύοντεσ, αὐλητρίδοσ ὑφηγουμένησ αὐτῷ πρὸσ τὴν ἐκκλησίαν ἐκώμαζεν.

οἱᾶ δὲ ἐν ὄχλῳ δημοκρατίασ κόσμον οὐκ ἐχούσησ οἱ μὲν ἐκρότουν ἰδόντεσ, οἱ δὲ ἐγέλων, ἐκώλυε δὲ οὐδείσ, ἀλλὰ καὶ τὸ γύναιον αὐλεῖν κἀκεῖνον ᾅδειν ἐκέλευον εἷσ μέσον προελθόντα· καὶ τοῦτο ποιήσων ἐπίδοξοσ ἦν. "Ταραντῖνοι, καλῶσ ποιεῖτε παίζειν καὶ κωμάζειν, ἑώσ ἔξεστι, τοῖσ βουλομένοισ μὴ φθονοῦντεσ.

"ἐὰν δὲ σωφρονῆτε, καὶ πάντεσ ἀπολαύσετε ἔτι τῆσ ἐλευθερίασ, ὡσ ἕτερα πράγματα καὶ βίον καὶ δίαιταν ἕξοντεσ ὅταν Πύρροσ εἷσ τὴν πόλιν παραγένηται. ταῦτα ῥηθέντα τοὺσ πολλοὺσ ἔπεισε τῶν Ταραντίνων, καὶ θροῦσ διέδραμε τῆσ ἐκκλησίασ ὡσ εὖ λεγομένων, οἱ δὲ τοὺσ Ῥωμαίουσ δεδιότεσ, μὴ γενομένησ εἰρήνησ ἐκδοθῶσι, τόν τε δῆμον ἐλοιδόρουν εἰ φέρει πράωσ ἐπικωμαζόμενοσ οὕτωσ ἀσελγῶσ καὶ παροινούμένοσ, τόν τε Μέτωνα συστραφέντεσ ἐξέβαλον. οὕτω δὲ τοῦ δόγματοσ κυρίου γενομένου πρέσβεισ ἔπεμψαν εἷσ Ἤπειρον, οὐχ αὑτῶν μόνον, ἀλλὰ καὶ τῶν Ἰταλιωτῶν, δῶρα τῷ Πύρρῳ κομίζοντασ καὶ λέγοντασ ὡσ ἡγεμόνοσ ἔμφρονοσ δέονται καὶ δόξαν ἔχοντοσ, δυνάμεισ δὲ αὐτόθεν ὑπάρξουσι μεγάλαι παρά τε Λευκανῶν καὶ Μεσσαπίων καὶ Σαυνιτῶν καὶ Ταραντίνων εἷσ δισμυρίουσ ἱππεῖσ, πεζῶν δὲ ὁμοῦ πέντε καὶ τριάκοντα μυριάδασ.

ταῦτα οὐ μόνον αὐτὸν ἐπῆρε τὸν Πύρρον, ἀλλὰ καὶ τοῖσ Ἠπειρώταισ προθυμίαν ἐνέβαλε καὶ ὁρμὴν τῆσ στρατείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 13

(플루타르코스, chapter 13)

상위

목록

SEARCH

MENU NAVIGATION