헬라어 문장 검색 - Πλυταρ́Πψρρηυσ́01́

(플루타르코스, chapter 1)

Θεσπρωτῶν καὶ Μολοσσῶν μετὰ τὸν κατακλυσμὸν ἱστοροῦσι Φαέθοντα βασιλεῦσαι πρῶτον, ἕνα τῶν μετὰ Πελασγοῦ παραγενομένων εἰσ τὴν Ἤπειρον ἔνιοι δὲ Δευκαλίωνα καὶ Πύρραν εἱσαμένουσ τὸ περὶ Δωδώνην ἱερὸν αὐτόθι κατοικεῖν ἐν Μολοσσοῖσ. χρόνῳ δὲ ὕστερον Νεοπτόλεμοσ ὁ Ἀχιλλέωσ λαὸν ἀγαγὼν αὐτόσ τε τὴν χώραν κατέσχε καὶ διαδοχὴν βασιλέων ἀφ’ αὑτοῦ κατέλιπε, Πυρρίδασ ἐπικαλουμένουσ·

καὶ γὰρ αὐτῷ Πύρροσ ἦν παιδικὸν ἐπωνύμιον. καὶ τῶν γνησίων παίδων ἐκ Λανάσσησ τῆσ Κλεοδαίου τοῦ Ὕλλου γενομένων ἕνα Πύρρον ὠνόμασεν. ἐκ τούτου δὲ καὶ Ἀχιλλεὺσ ἐν Ἠπείρῳ τιμὰσ ἰσοθέουσ ἔσχεν, Ἄσπετοσ ἐπιχωρίῳ φωνῇ προσαγορευόμενοσ. μετὰ δὲ τοὺσ πρώτουσ, τῶν διὰ μέσου βασιλέων ἐκβαρβαρωθέντων καὶ γενομένων τῇ τε δυνάμει καὶ τοῖσ βίοισ ἀμαυροτέρων, @Θαρρύπαν πρῶτον ἱστοροῦσιν Ἑλληνικοῖσ ἔθεσι καὶ γράμμασι καὶ νόμοισ φιλανθρώποισ διακοσμήσαντα τὰσ πόλεισ ὀνομαστὸν γενέσθαι, Θαρρύπου δὲ Ἀλκέτασ υἱὸσ ἦν, Ἀλκέτα δὲ Ἀρύβασ, Ἀρύβου δὲ καὶ Τρῳάδοσ Αἰακίδησ.

οὗτοσ ἔγημε τὴν Μένωνοσ τοῦ Θεσσαλοῦ θυγατέρα Φθίαν, ἀνδρὸσ εὐδοκίμου περὶ τὸν Λαμιακὸν πόλεμον γενομένου καὶ μέγιστον ἀξίωμα τῶν συμμάχων μετὰ Λεωσθένην λαβόντοσ.

ἐκ δὲ τῆσ Φθίασ τῷ Αἰακίδῃ γίνονται θυγατέρεσ Δηιδάμεια καὶ Τρῳάσ, υἱὸσ δὲ Πύρροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 1

(플루타르코스, chapter 1)

상위

목록

SEARCH

MENU NAVIGATION