헬라어 문장 검색 - Πλυταρ́ΔεΣτοιξ́41́

(플루타르코스, De Stoicorum repugnantiis, section 41)

"τὸ βρέφοσ ἐν τῇ γαστρὶ φύσει τρέφεσθαι νομίζει καθάπερ φυτόν· "ὅταν δὲ τεχθῇ, ψυχόμενον ὑπὸ τοῦ ἀέροσ καὶ στομούμενον τὸ πνεῦμα μεταβάλλειν καὶ γίγνεσθαι ζῷον· καὶ λεπτομερέστερον ἡγεῖται μαχόμενοσ ἑαυτῷ.

πῶσ γὰρ οἱο͂́ν τε λεπτομερὲσ ἐκ παχυμεροῦσ καὶ ἀραιὸν γενέσθαι κατὰ περίψυξιν καὶ πύκνωσιν;

ὃ δὲ μεῖζόν ἐστι, πῶσ περιψύξει γίγνεσθαι τὸ ἔμψυχον ἀποφαινόμενοσ ἔμψυχον ἡγεῖται τὸν ἥλιον, πύρινον ὄντα καὶ γεγενημένον ἐκ τῆσ ἀναθυμιάσεωσ εἰσ πῦρ μεταβαλούσησ; "ἡ δὲ πυρὸσ μεταβολή ἐστι τοιαύτη· "δι’ ἀέροσ εἰσ ὕδωρ τρέπεται· "κἀκ τούτου, γῆσ ὑφισταμένησ, ἀὴρ ἀναθυμιᾶται· τί οὖν ἀνάψει περιψύξεωσ ἐναντιώτερον ἢ διαχύσει πυκνώσεωσ;

τὰ μὲν ὕδωρ καὶ γῆν ἐκ πυρὸσ καὶ ἀέροσ ποιεῖ, τὰ δ’ εἰσ πῦρ καὶ ἀέρα τρέπει τὸ ὑγρὸν καὶ γεῶδεσ.

ἀλλ’ ὅμωσ ὅπου μὲν τὴν ἄναψιν ὅπου δὲ τὴν περίψυξιν ἀρχὴν ἐμψυχίασ ποιεῖ. καὶ μὴν ὅταν ἐκπύρωσισ γένηται, διόλου ζῆν καὶ ζῷον τὸν κόσμον εἶναί φησι σβεννύμενον δ’ αὖθισ καὶ παχυνόμενον εἰσ ὕδωρ καὶ γῆν καὶ τὸ σωματοειδὲσ τρέπεσθαι. "διόλου μὲν γὰρ ὢν ὁ κόσμοσ πυρώδησ εὐθὺσ καὶ ψυχή ἐστιν ἑαυτοῦ καὶ ἡγεμονικόν ὅτε δὲ μεταβαλὼν εἴσ τὸ ὑγρὸν καὶ τὴν ἐναπολειφθεῖσαν ψυχὴν τρόπον τινὰ εἰσ σῶμα καὶ ψυχὴν μετέβαλεν ὥστε συνεστάναι ἐκ τούτων, ἄλλον τινὰ ἔσχε λόγον" ἐνταῦθα δήπου σαφῶσ τῇ μὲν ἐκπυρώσει καὶ τὰ ἄψυχα τοῦ κόσμου φησὶν εἰσ τὸ ἔμψυχον τρέπεσθαι·

τῇ δὲ σβέσει πάλιν καὶ τὴν ψυχὴν ἀνίεσθαι καὶ ἀνυγραίνεσθαι, μεταβάλλουσαν εἰσ τὸ σωματοειδέσ.

ἄτοποσ οὖν φαίνεται τῇ περιψύξει νῦν μὲν ἐξ ἀναισθήτων ποιῶν ἔμψυχα, νῦν δ’ εἰσ ἀναίσθητα καὶ ἄψυχα μεταβάλλων τὸ πλεῖστον μέροσ τῆσ τοῦ κόσμου ψυχῆσ. ἄνευ δὲ τούτων ὁ περὶ ψυχῆσ γενέσεωσ αὐτῷ λόγοσ μαχομένην ἔχει πρὸσ τὸ δόγμα τὴν ἀπόδειξιν. "γίγνεσθαι μὲν γάρ φησι τὴν ψυχήν, ὅταν τὸ βρέφοσ ἀποτεχθῇ, καθάπερ στομώσει τῇ περιψύξει τοῦ πνεύματοσ μεταβαλόντοσ·

"τοῦ γεγονέναι τὴν ψυχὴν καὶ μεταγενεστέραν εἶναι μάλιστα τῷ καὶ τὸν τρόπον καὶ τὸ ἦθοσ ἐξομοιοῦσθαι τὰ τέκνα τοῖσ γονεῦσι.

βλέπεται δ’ ἡ τούτων ἐναντίωσισ·

οὐ γὰρ οἱο͂́ν τε τὴν ψυχὴν πρὸ τῆσ ἀποκυήσεωσ ἠθοποιεῖσθαι, γιγνομένην μετὰ τὴν ἀποκύησιν ἢ συμβήσεται, πρὶν ἢ γενέσθαι ψυχήν, ὁμοίαν εἶναι ψυχῇ, τουτέστι καὶ εἶναι τῇ ὁμοιότητι καὶ μὴ εἶναι διὰ τὸ μήπω γεγονέναι. εἰ δὲ φήσει τισ ὅτι, ταῖσ κράσεσι τῶν σωμάτων ἐγγιγνομένησ τῆσ ὁμοιότητοσ, αἱ ψυχαὶ γενόμεναι μεταβάλλουσι, διαφθείρει τὸ τεκμήριον τοῦ γεγονέναι τὴν ψυχήν·

ὁμοιότητοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Stoicorum repugnantiis, section 41

(플루타르코스, De Stoicorum repugnantiis, section 41)

상위

목록

SEARCH

MENU NAVIGATION