Plutarch, De Stoicorum repugnantiis, section 34

(플루타르코스, De Stoicorum repugnantiis, section 34)

οὐ μὴν ἀλλ’ αὐτό γε τοῦτο τὸ νῦν ἐπαινούμενον οὐχ ἅπαξ οὐδὲ δὶσ οὐδὲ τρὶσ ἀλλὰ μυριάκισ ἔσται πρὸσ Χρύσιππον εἰπεῖν τὸ ῥᾷστον εἶπασ, αἰτιάσασθαι θεούσ. πρῶτον γὰρ ἐν τῷ πρώτῳ περὶ Φύσεωσ τὸ ἀίδιον τῆσ κινήσεωσ κυκεῶνι παρεικάσασ, ἄλλα ἄλλωσ· καὶ ταράσσοντι τῶν γιγνομένων, ταῦτ’ εἴρηκεν·

"οὕτω δὲ τῆσ τῶν ὅλων οἰκονομίασ προαγούσησ, ἀναγκαῖον κατὰ ταύτην, ὡσ ἄν ποτ’ ἔχωμεν, ἔχειν ἡμᾶσ, εἴτε παρὰ φύσιν τὴν ἰδίαν νοσοῦντεσ εἴτε πεπηρωμένοι εἴτε γραμματικοὶ γεγονότεσ ἢ μουσικοί.

"κατὰ τοῦτον δὲ τὸν λόγον τὰ παραπλήσια ἐροῦμεν καὶ περὶ τῆσ ἀρετῆσ ἡμῶν καὶ περὶ τῆσ κακίασ καὶ τὸ ὅλον τῶν τεχνῶν καὶ τῶν ἀτεχνιῶν, ὡσ ἔφην. "οὐδὲν γὰρ ἔστιν ἄλλωσ τῶν κατά μέροσ γενέσθαι οὐδὲ τοὐλάχιστον ἢ κατὰ τὴν κοινὴν φύσιν καὶ κατὰ τὸν ἐκείνησ λόγον.

ὅτι δ’ ἡ κοινὴ φύσισ καὶ ὁ κοινὸσ τῆσ φύσεωσ λόγοσ εἱμαρμένη καὶ πρόνοια καὶ Ζεύσ ἐστιν, οὐδὲ τοὺσ ἀντίποδασ λέληθε·

πανταχοῦ γὰρ ταῦτα θρυλεῖται ὑπ’ αὐτῶν· τὸν Ὅμηρον εἰρηκέναι φησὶν ὀρθῶσ, ἐπὶ τὴν εἱμαρμένην ἀναφέροντα καὶ τὴν τῶν ὅλων φύσιν, καθ’ ἣν πάντα διοικεῖται. πῶσ οὖν ἅμα μὲν οὐδενὸσ αἰσχροῦ παραίτιοσ ὁ θεόσ, ἅμα δ’ οὐδὲ τοὐλάχιστον ἐνδέχεται γίγνεσθαι ἄλλωσ ἢ κατὰ τὴν κοινὴν φύσιν καὶ τὸν ἐκείνησ λόγον;

ἐν γὰρ πᾶσι τοῖσ γιγνομένοισ καὶ τὰ αἰσχρὰ δήπουθὲν ἐστιν.

καίτοι ὁ μὲν Ἐπίκουροσ ἁμωσγέπωσ στρέφεται καὶ φιλοτεχνεῖ, τῆσ ἀιδίου κινήσεωσ μηχανώμενοσ ἐλευθερῶσαι καὶ ἀπολῦσαι τὸ ἑκούσιον ὑπὲρ τοῦ μὴ καταλιπεῖν ἀνέγκλητον τὴν κακίαν·

ὁ δὲ Χρύσιπποσ ἀναπεπταμένην παρρησίαν αὐτῇ δίδωσιν, ὡσ οὐ μόνον ἐξ ἀνάγκησ οὐδὲ καθ’ εἱμαρμένην ἀλλὰ καὶ·

κατὰ λόγον θεοῦ καὶ κατὰ φύσιν πεποιημένῃ τὴν ἀρίστην. ἔτι δὲ καὶ ταῦθ’ ὁρᾶται κατὰ λέξιν οὕτωσ ἔχοντα· "τῆσ γὰρ κοινῆσ φύσεωσ εἰσ πάντα διατεινούσησ, δεήσει πᾶν τὸ ὁπωσοῦν γιγνόμενον ἐν τῷ ὅλῳ καὶ τῶν μορίων ὁτῳοῦν κατ’ ἐκείνην γενέσθαι καὶ τὸν ἐκείνησ λόγον κατὰ τὸ ἑξῆσ ἀκωλύτωσ· "διὰ τὸ μήτ’ ἔξωθεν εἶναι τὸ ἐνστησόμενον τῇ οἰκονομίᾳ μήτε τῶν μερῶν μηδὲν ἔχειν ὅπωσ κινηθήσεται ἢ σχήσει ἄλλωσ ἢ κατὰ τὴν κοινὴν φύσιν. τίνεσ οὖν αἱ τῶν μερῶν σχέσεισ εἰσὶ καὶ κινήσεισ;

δῆλον μὲν ὅτι σχέσεισ αἱ κακίαι καὶ τὰ νοσήματα, φιλαργυρίαι φιληδονίαι φιλοδοξίαι δειλίαι ἀδικίαι· κινήσεισ δὲ μοιχεῖαι κλοπαὶ προδοσίαι ἀνδροφονίαι πατροκτονίαι. τούτων οἰέται Χρύσιπποσ οὔτε μικρὸν οὔτε μέγα παρὰ τὸν τοῦ Διὸσ λόγον εἶναι καὶ νόμον καὶ δίκην καὶ πρόνοιαν·

παρὰ τὴν πρόνοιαν τὸ κακοποιεῖν.

일치하는 문장이 없습니다.

SEARCH

MENU NAVIGATION