헬라어 문장 검색 - Πλυταρ́ΔεΣτοιξ́13́

(플루타르코스, De Stoicorum repugnantiis, section 13)

καὶ τὸ δόγμα τοῦτο τοῖσ κυριωτάτοισ ἑπόμενὸν ἐστι, καὶ Χρύσιπποσ, εἰ καὶ πολλὰ πρὸσ τοὐναντίον γέγραφε, δῆλόσ ἐστι προστιθέμενοσ τῷ μήτε κακίαν κακίασ ἢ ἁμαρτίαν ἁμαρτίασ ὑπερέχουσαν εἶναι μήτ’ ἀρετὴν ἀρετῆσ ἢ κατόρθωσιν κατορθώσεωσ· "ὥσπερ τῷ Διὶ προσήκει σεμνύνεσθαι ἐπ’ αὑτῷ τε καὶ τῷ βίῳ καὶ μέγα φρονεῖν καί, εἰ δεῖ οὕτωσ εἰπεῖν, ὑψαυχενεῖν καὶ κομᾶν καὶ μεγαληγορεῖν, ἀξίωσ βιοῦντι μεγαληγορίασ·

"οὕτω τοῖσ ἀγαθοῖσ πᾶσι ταῦτα προσήκει, κατ’ οὐθὲν προεχομένοισ ὑπὸ τοῦ Διόσ. ἀλλ’ αὐτόσ γε πάλιν ἐν τῷ τρίτῳ περὶ Δικαιοσύνησ φησὶν ὅτι τὴν δικαιοσύνην ἀναιροῦσιν οἱ τέλοσ ὑποτιθέμενοι τὴν ἡδονήν, οἱ δὲ μόνον ἀγαθὸν εἶναι λέγοντεσ οὐκ ἀναιροῦσιν·

"τάχα γὰρ ἀγαθοῦ αὐτῆσ ἀπολειπομένησ τέλουσ δὲ μή, τῶν δὲ δι’ αὑτῶν αἱρετῶν ὄντοσ καὶ τοῦ καλοῦ, σῴζοιμεν ἂν τὴν δικαιοσύνην, μεῖζον ἀγαθὸν ἀπολιπόντεσ τὸ καλὸν καὶ τὸ δίκαιον τῆσ ἡδονῆσ. ἀλλ’ εἴπερ μόνον τὸ καλὸν ἀγαθόν ἐστιν, ἁμαρτάνει μὲν ὁ τὴν ἡδονὴν ἀγαθὸν ἀποφαίνων, ἧττον δ’ ἁμαρτάνει τοῦ καὶ τέλοσ αὐτὴν ποιοῦντοσ·

ἀναιρεῖ οὗτοσ τὴν δικαιοσύνην ἐκεῖνοσ δὲ σῴζει·

καὶ κατὰ τοῦτον ἡ κοινωνία φροῦδόσ ἐστι καὶ ἀπόλωλεν, ὁ δὲ χρηστότητι καὶ φιλανθρωπίᾳ χώραν δίδωσιν. ἀφίημι μὴ δόξω τῶν ὀνομάτων ἐπιλαμβάνεσθαι, καίτοι πικρῶσ ἐν τῷ γένει τούτῳ καὶ Πλάτωνα καὶ τοὺσ ἄλλουσ τοῦ Χρυσίππου δάκνοντοσ.

ἐπαινεῖν δὲ μὴ πᾶν τὸ πραττόμενον κατ’ ἀρετὴν κελεύων ἐμφαίνει τινὰ τῶν κατορθωμάτων διαφοράν·

"ἔργων γὰρ κατὰ τὰσ ἀρετὰσ ὄντων οἰκεῖον ἐστὶ τὰ προενεχθέντα καὶ τούτων, οἱο͂ν ἀνδρείωσ τὸν δάκτυλον ἐκτεῖναι καὶ ἐγκρατῶσ ἀποσχέσθαι δυσθανατώσησ γραὸσ καὶ ἀπροπτώτωσ ἀκοῦσαι τοῦ τὰ τρία τέσσαρα μὴ εἶναι τελέωσ τιν’ ἐμφαίνει ψυχρίαν ὁ διὰ τῶν τοιούτων ἐπαινεῖν τινασ ἐγχειρῶν καὶ ἐγκωμιάζειν" ὅμοια δ’ εἴρηται τούτοισ ἐν τῷ τρίτῳ περὶ Θεῶν·

"τοὺσ ἐπαίνουσ ἀλλοτριώσεσθαι κατὰ τὰ τοιαῦτα τῶν συμβαινόντων ἀπ’ ἀρετῆσ, οἱο͂ν δυσθανατώσησ γραὸσ ἀποσχέσθαι καὶ καρτερῶσ ὑπομεῖναι μυίασ δηγμόν" τίν’ οὖν οὗτοσ ἄλλον κατήγορον περιμένει τῶν αὑτοῦ δογμάτων;

εἰ γὰρ ψυχρόσ;

ἐστιν ὁ ταῦτ’ ἐπαινῶν, πολλῷ δήπου ψυχρότεροσ ὁ τούτων ἕκαστον κατόρθωμα καὶ μέγα καὶ μέγιστον εἶναι τιθέμενοσ· εἰ γὰρ ἴσον ἐστὶ τὸ ἀνδρείωσ δῆγμα μυίασ ἐνεγκεῖν καὶ τὸ σωφρόνωσ ἀποσχέσθαι τῆσ γραόσ, οὐδὲν οἶμαι διαφέρει τὸν σπουδαῖον ἀπὸ τούτων ἢ ἀπ’ ἐκείνων ἐπαινεῖσθαι.

"τοῖσ μὲν ἐπὶ πλεῖον τοῖσ δ’ ἐπ’ ἔλαττον συμβαλοῦμεν, ὥστε τοὺσ μὲν μᾶλλον τοὺσ δ’ ἧττον φίλουσ εἶναι·

"ἐπὶ πολὺ δὲ τῆσ τοιαύτησ παραλλαγῆσ γενομένησ, οἱ μὲν τοσαύτησ οἱ δὲ τοσαύτησ γίγνονται φιλίασ ἄξιοι· "καὶ οἱ μὲν ἐπὶ τοσοῦτον οἱ δὲ ἐπὶ τοσοῦτον πίστεωσ καὶ τῶν ὁμοίων καταξιωθήσονται. τί γὰρ ἄλλο πεποίηκεν ἐν τούτοισ ἢ καὶ τούτων μεγάλασ διαφορὰσ ἀπολέλοιπε;

"τἀγαθὸν αἱρετόν, τὸ δ’ αἱρετὸν ἀρεστόν, τὸ δ’ ἀρεστὸν ἐπαινετόν, τὸ δ’ ἐπαινετὸν καλόν·

οὗτοι δ’ οἱ λόγοι μάχονται πρὸσ ἐκεῖνον· εἴτε γὰρ πᾶν ἀγαθὸν ἐπαινετόν ἐστι, καὶ τὸ σωφρόνωσ; ἀποσχέσθαι τῆσ γραὸσ ἐπαινετὸν ἂν εἰή· ἢ πᾶν ἀγαθὸν οὔτε σεμνὸν οὔτε χαρτόν, ἀλλ’ οἴχεται ὁ λόγοσ.

πῶσ γὰρ οἱο͂́ν τε τὸ μὲν ἄλλουσ ἀπὸ τῶν τοιούτων ἐπαινεῖν ψυχρὸν εἶναι, τὸ δ’ αὐτὸν ἐπὶ τοῖσ τοιούτοισ χαίρειν καὶ σεμνύνεσθαι μὴ καταγέλαστον;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Stoicorum repugnantiis, section 13

(플루타르코스, De Stoicorum repugnantiis, section 13)

상위

목록

SEARCH

MENU NAVIGATION