Epictetus, Works, book 3, Περὶ τοῦ μὴ δεῖν προσπάσχειν τοῖσ οὐκ ἐφ’ ἡμῖν. 39:

ἢ τί ἄλλο θέλουσιν ἐκεῖνοι ἢ καθεύδειν ἀπαραποδίστωσ καὶ ἀναναγκάστωσ καὶ ἀναστάντεσ ἐφ’ ἡσυχίασ χασμήσασθαι καὶ τὸ πρόσωπον ἀποπλῦναι, εἶτα γράψαι καὶ ἀναγνῶναι ἃ θέλουσιν, εἶτα φλυαρῆσαί τί ποτ’ ἐπαινούμενοι ὑπὸ τῶν φίλων, ὅ τι ἂν λέγωσιν, εἶτα εἰσ περίπατον προελθόντεσ καὶ ὀλίγα περιπατήσαντεσ λούσασθαι, εἶτα φαγεῖν, εἶτα κοιμηθῆναι, οἱάν δὴ κοίτην καθεύδειν τοὺσ τοιούτουσ εἰκόσ ‐ τί ἄν τισ λέγοι; ἔξεστιν γὰρ τεκμαίρεσθαι.