Epictetus, Works, book 3, Περὶ Κυνισμοῦ. 23:

Εἶθ’ οὕτωσ παρασκευασάμενον οὐκ ἔστι τούτοισ ἀρκεῖσθαι τὸν ταῖσ ἀληθείαισ Κυνικόν, ἀλλ’ εἰδέναι δεῖ, ὅτι ἄγγελοσ ἀπὸ τοῦ Διὸσ ἀπέσταλται καὶ πρὸσ τοὺσ ἀνθρώπουσ περὶ ἀγαθῶν καὶ κακῶν ὑποδείξων αὐτοῖσ, ὅτι πεπλάνηνται καὶ ἀλλαχοῦ ζητοῦσι τὴν οὐσίαν τοῦ ἀγαθοῦ καὶ τοῦ κακοῦ, ὅπου οὐκ ἔστιν, ὅπου δ’ ἔστιν, οὐκ ἐνθυμοῦνται, καὶ ὡσ ὁ Διογένησ ἀπαχθεὶσ πρὸσ Φίλιππον μετὰ τὴν ἐν Χαιρωνείᾳ μάχην κατάσκοποσ εἶναι.