헬라어 문장 검색 - ΕπιξτέΩορκσ́05́18́

(에픽테토스, Works, book 3, Ὅτι οὐ δεῖ πρὸσ τὰσ ἀγγελίασ ταράσσεσθαι.)

Ὅταν σοί τι προσαγγελθῇ ταρακτικόν, ἐκεῖνο ἔχε πρόχειρον, ὅτι ἀγγελία περὶ οὐδενὸσ προαιρετικοῦ γίνεται. μή τι γὰρ δύναταί σοί τισ ἀγγεῖλαι, ὅτι κακῶσ ὑπέλαβεσ ἢ κακῶσ ὠρέχθησ; ‐ Οὐδαμῶσ.

‐ Ἀλλ’ ὅτι ἀπέθανέν τισ· τί οὖν πρὸσ σέ; ὅτι σε κακῶσ τισ λέγει· τί οὖν πρὸσ σέ; ὅτι ὁ πατὴρ τάδε τινὰ ἑτοιμάζεται·

ἐπὶ τίνα; μή τι ἐπὶ τὴν προαίρεσιν; πόθεν δύναται; ἀλλ’ ἐπὶ τὸ σωμάτιον, ἐπὶ τὸ κτησείδιον· ἐσώθησ, οὐκ ἐπὶ σέ. [οὐκοῦν] ἀλλ’ ὁ κριτὴσ ἀποφαίνεται ὅτι ἠσέβησασ.

περὶ Σωκράτουσ δ’ οὐκ ἀπεφήναντο οἱ δικασταί; μή τι σὸν ἔργον ἐστὶ τὸ ἐκεῖνον ἀποφήνασθαι; ‐ Οὔ. ‐ Τί οὖν ἔτι σοι μέλει; ἔστι τι τοῦ πατρόσ σου ἔργον, ὃ ἂν μὴ ἐκπληρώσῃ, ἀπώλεσεν τὸν πατέρα, τὸν φιλόστοργον, τὸν ἥμερον.

ἄλλο δὲ μηδὲν ζήτει τούτου ἕνεκα αὐτὸν ἀπολέσ[θ]αι. οὐδέποτε γὰρ ἐν ἄλλῳ μέν τισ ἁμαρτάνει, εἰσ ἄλλο δὲ βλάπτεται. πάλιν σὸν ἔργον τὸ ἀπολογηθῆναι εὐσταθῶσ, αἰδημόνωσ, ἀοργήτωσ.

εἰ δὲ μή, ἀπώλεσασ καὶ σὺ τὸν υἱόν, τὸν αἰδήμονα, τὸν γενναῖον. τί οὖν;

ὁ κριτὴσ ἀκίνδυνόσ ἐστιν; οὔ· ἀλλὰ κἀκείνῳ τὰ ἴσα κινδυνεύεται. τί οὖν ἔτι φοβῇ, τί ἐκεῖνοσ κρινεῖ; τί σοὶ καὶ τῷ ἀλλοτρίῳ κακῷ; σὸν κακόν ἐστι τὸ κακῶσ ἀπολογηθῆναι·

τοῦτο φυλάσσου μόνον· κριθῆναι δ’ ἢ μὴ κριθῆναι ὥσπερ ἄλλου ἐστὶν ἔργον, οὕτωσ κακὸν ἄλλου ἐστίν. " 3ἀπειλεῖ σοι ὁ δεῖνα. " ἐμοί;

οὔ. "ψέγει σε. " αὐτὸσ ὄψεται, πῶσ ποιεῖ τὸ ἴδιον ἔργον. "μέλλει σε κατακρινεῖν ἀδίκωσ. " ἄθλιοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Ὅτι οὐ δεῖ πρὸσ τὰσ ἀγγελίασ ταράσσεσθαι.

(에픽테토스, Works, book 3, Ὅτι οὐ δεῖ πρὸσ τὰσ ἀγγελίασ ταράσσεσθαι.)

상위

목록

SEARCH

MENU NAVIGATION