헬라어 문장 검색 - ΕπιξτέΩορκσ́05́17́

(에픽테토스, Works, book 3, Περὶ προνοίασ.)

Ὅταν τῇ προνοίᾳ ἐγκαλῇσ, ἐπιστράφηθι καὶ γνώσῃ, ὅτι κατὰ λόγον γέγονεν. "ναί, ἀλλ’ ὁ ἄδικοσ πλέον ἔχει.

" ἐν τίνι; ἐν ἀργυρίῳ· πρὸσ γὰρ τοῦτό σου κρείττων ἐστίν, ὅτι κολακεύει, ἀναισχυντεῖ, ἀγρυπνεῖ. τί θαυμαστόν; ἀλλ’ ἐκεῖνο βλέπε, εἰ ἐν τῷ πιστὸσ εἶναι πλέον σου ἔχει, εἰ ἐν τῷ αἰδήμων.

οὐ γὰρ εὑρήσεισ· ἀλλ’ ὅπου κρείττων, ἐκεῖ σαυτὸν εὑρήσεισ πλέον ἔχοντα. κἀγώ ποτ’ εἶπόν τινι ἀγανακτοῦντι, ὅτι Φιλόστοργοσ εὐτυχεῖ, Ἤθελεσ ἂν σὺ μετὰ Σούρα κοιμᾶσθαι;

‐ "Μὴ γένοιτο", φησίν, " 3ἐκείνη ἡ ἡμέρα. " ‐ Τί οὖν ἀγανακτεῖσ, εἰ λαμβάνει τι ἀνθ’ οὗ πωλεῖ;

ἢ πῶσ μακαρίζεισ τὸν διὰ τούτων, ἃ σὺ ἀπεύχῃ, κτώμενον ἐκεῖνα; ἢ τί κακὸν ποιεῖ ἡ πρόνοια, εἰ τοῖσ κρείττοσι τὰ κρείττω δίδωσιν; ἢ οὐκ ἔστι κρεῖττον αἰδήμονα εἶναι ἢ πλούσιον; Ὡμολόγει. Τί οὖν ἀγανακτεῖσ, ἄνθρωπε, ἔχων τὸ κρεῖττον; μέμνησθε οὖν ἀεὶ καὶ πρόχειρον ἔχετε, ὅτι νόμοσ οὗτοσ φυσικὸσ τὸν κρείττονα τοῦ χείρονοσ πλέον ἔχειν, ἐν ᾧ κρείττων ἐστίν, καὶ οὐδέποτ’ ἀγανακτήσετε.

"ἀλλ’ ἡ γυνή μοι κακῶσ χρῆται.

" καλῶσ. ἄν τίσ σου πυνθάνηται, τί ἐστι τοῦτο, λέγε "ἡ γυνή μοι κακῶσ χρῆται". "ἄλλο οὖν οὐδέν; " οὐδέν.

"ὁ πατήρ μοι οὐδὲν δίδωσιν. " ὅτι δὲ κακόν ἐστιν, τοῦτο ἔσωθεν αὐτῷ δεῖ προσθεῖναι καὶ προσκαταψεύσασθαι; διὰ τοῦτο οὐ δεῖ τὴν πενίαν ἐκβάλλειν, ἀλλὰ τὸ δόγμα τὸ περὶ αὐτῆσ, καὶ οὕτωσ εὐροήσομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Περὶ προνοίασ.

(에픽테토스, Works, book 3, Περὶ προνοίασ.)

상위

목록

SEARCH

MENU NAVIGATION