Epictetus, Works, book 3, Περὶ τίνα ἀσκεῖσθαι δεῖ τὸν προκόψοντα καὶ ὅτι τῶν κυριωτάτων ἀμελοῦμεν. 4:

δεύτερόσ ἐστιν ὁ περὶ τὸ καθῆκον· οὐ δεῖ γάρ με εἶναι ἀπαθῆ ὡσ ἀνδριάντα, ἀλλὰ τὰσ σχέσεισ τηροῦντα τὰσ φυσικὰσ καὶ ἐπιθέτουσ ὡσ εὐσεβῆ, ὡσ υἱόν, ὡσ ἀδελφόν, ὡσ πατέρα, ὡσ πολίτην. Τρίτοσ ἐστὶν ὁ ἤδη τοῖσ προκόπτουσιν ἐπιβάλλων, ὁ περὶ τὴν αὐτῶν τούτων ἀσφάλειαν, ἵνα μηδ’ ἐν ὕπνοισ λάθῃ τισ ἀνεξέταστοσ παρελθοῦσα φαντασία μηδ’ ἐν οἰνώσει μηδὲ μελαγχολῶντοσ.