Epictetus, Works, book 3, Περὶ καλλωπισμοῦ. 37:

ἄγε οὖν τῷ θεῷ πεισθῶμεν, ἵνα μὴ θεοχόλωτοι ὦμεν". οὔ· ἀλλ’ ἂν μὲν κόραξ κραυγάζων σημαίνῃ σοί τι, οὐχ ὁ κόραξ ἐστὶν ὁ σημαίνων, ἀλλ’ ὁ θεὸσ δι’ αὐτοῦ· ἂν δὲ δι’ ἀνθρωπίνησ φωνῆσ σημαίνῃ τι, τὸν ἄνθρωπον ποιήσει λέγειν σοι ταῦτα, ἵν’ ἀγνοῇσ τὴν δύναμιν τοῦ δαιμονίου, ὅτι τοῖσ μὲν οὕτωσ, τοῖσ δ’ ἐκείνωσ σημαίνει, περὶ δὲ τῶν μεγίστων καὶ κυριωτάτων διὰ καλλίστου ἀγγέλου σημαίνει;