헬라어 문장 검색 - ΕπιξτέΩορκσ́03́19́

(에픽테토스, Works, book 1, Πῶσ ἔχειν δεῖ πρὸσ τοὺσ τυράννουσ.)

Ὅτι ἄν τινι προσῇ τι πλεονέκτημα ἢ δοκῇ γε προσεῖναι μὴ προσόν, τοῦτον πᾶσα ἀνάγκη, ἐὰν ἀπαίδευτοσ ᾖ, πεφυσῆσθαι δι’ αὐτό. εὐθὺσ ὁ τύραννοσ λέγει "ἐγώ εἰμι ὁ πάντων κράτιστοσ.

" καὶ τί μοι δύνασαι παρασχεῖν; ὄρεξίν μοι δύνασαι περιποιῆσαι ἀκώλυτον; πόθεν σοι; σὺ γὰρ ἔχεισ; ἔκκλισιν ἀπερίπτωτον; σὺ γὰρ ἔχεισ; ὁρμὴν ἀναμάρτητον; καὶ ποῦ σοι μέτεστιν;

ἄγε, ἐν νηὶ δὲ σαυτῷ θαρρεῖσ ἢ τῷ εἰδότι; ἐπὶ δ’ ἁρ́ματοσ τίνι ἢ τῷ εἰδότι; τί δ’ ἐν ταῖσ ἄλλαισ τέχναισ;

ὡσαύτωσ. τί οὖν δύνασαι; "πάντεσ με θεραπεύουσιν. " καὶ γὰρ ἐγὼ τὸ πινάκιον θεραπεύω καὶ πλύνω αὐτὸ καὶ ἐκμάσσω καὶ τῆσ ληκύθου ἕνεκα πάσσαλον πήσσω. τί οὖν; ταῦτά μου κρείττονά ἐστιν; οὔ· ἀλλὰ χρείαν μοι παρέχει τινά. ταύτησ οὖν ἕνεκα θεραπεύω αὐτά. τί δέ; τὸν ὄνον οὐ θεραπεύω; οὐ νίπτω αὐτοῦ τοὺσ πόδασ;

οὐ περικαθαίρω; οὐκ οἶδασ ὅτι πᾶσ ἄνθρωποσ ἑαυτὸν θεραπεύει, σὲ δ’ οὕτωσ ὡσ τὸν ὄνον; ἐπεὶ τίσ σε θεραπεύει ὡσ ἄνθρωπον; δείκνυε. τίσ σοι θέλει ὅμοιοσ γενέσθαι, τίσ σου ζηλωτὴσ γίνεται ὡσ Σωκράτουσ;

"ἀλλὰ δύναμαί σε τραχηλοκοπῆσαι. " καλῶσ λέγεισ. ἐξελαθόμην ὅτι σε δεῖ θεραπεύειν καὶ ὡσ πυρετὸν καὶ ὡσ χολέραν καὶ βωμὸν στῆσαι, ὡσ ἐν Ῥώμῃ Πυρετοῦ βωμόσ ἐστιν. Τί οὖν ἐστι τὸ ταράσσον καὶ καταπλῆττον τοὺσ πολλούσ;

ὁ τύραννοσ καὶ οἱ δορυφόροι; πόθεν; μὴ γένοιτο· οὐκ ἐνδέχεται τὸ φύσει ἐλεύθερον ὑπ’ ἄλλου τινὸσ ταραχθῆναι ἢ κωλυθῆναι πλὴν ὑφ’ ἑαυτοῦ. ἀλλὰ τὰ δόγματα αὐτὸν ταράσσει.

ὅταν γὰρ ὁ τύραννοσ εἴπῃ τινὶ "δήσω σου τὸ σκέλοσ", ὁ μὲν τὸ σκέλοσ τετιμηκὼσ λέγει "μή· ἐλέησον", ὁ δὲ τὴν προαίρεσιν τὴν ἑαυτοῦ λέγει "εἴ σοι λυσιτελέστερον φαίνεται, δῆσον". "οὐκ ἐπιστρέφῃ; " "οὐκ ἐπιστρέφομαι.

" "ἐγώ σοι δείξω ὅτι κύριόσ εἰμι. " "πόθεν σύ; ἐμὲ ὁ Ζεὺσ ἐλεύθερον ἀφῆκεν. ἢ δοκεῖσ ὅτι ἔμελλεν τὸν ἴδιον υἱὸν ἐᾶν καταδουλοῦσθαι; τοῦ νεκροῦ δέ μου κύριοσ εἶ, λάβε αὐτόν. " "ὥσθ’ ὅταν μοι προσίῃσ, ἐμὲ οὐ θεραπεύεισ;

"οὐ· ἀλλ’ ἐμαυτόν. εἰ δὲ θέλεισ με λέγειν ὅτι καὶ σέ, λέγω σοι οὕτωσ ὡσ τὴν χύτραν. " Τοῦτο οὐκ ἔστιν φίλαυτον· γέγονε γὰρ οὕτωσ τὸ ζῷον·

αὑτοῦ ἕνεκα πάντα ποιεῖ. καὶ γὰρ ὁ ἥλιοσ αὑτοῦ ἕνεκα πάντα ποιεῖ καὶ τὸ λοιπὸν αὐτὸσ ὁ Ζεύσ. ἀλλ’ ὅταν θέλῃ εἶναι Υἕτιοσ καὶ Ἐπικάρπιοσ καὶ πατὴρ ἀνδρῶν τε θεῶν τε, ὁρᾷσ ὅτι τούτων τῶν ἔργων καὶ τῶν προσηγοριῶν οὐ δύναται τυχεῖν, ἂν μὴ εἰσ τὸ κοινὸν ὠφέλιμοσ ᾖ.

καθόλου τε τοιαύτην τὴν φύσιν τοῦ λογικοῦ ζῴου κατεσκεύασεν, ἵνα μηδενὸσ τῶν ἰδίων ἀγαθῶν δύνηται τυγχάνειν, ἂν μή τι εἰσ τὸ κοινὸν ὠφέλιμον προσφέρηται.

οὕτωσ οὐκέτι ἀκοινώνητον γίνεται τὸ πάντα αὑτοῦ ἕνεκα ποιεῖν.

ἐπεὶ τί ἐκδέχῃ;

ἵνα τισ ἀποστῇ αὑτοῦ καὶ τοῦ ἰδίου συμφέροντοσ; καὶ πῶσ ἔτι μία καὶ ἡ αὐτὴ ἀρχὴ πᾶσιν ἔσται ἡ πρὸσ αὐτὰ οἰκείωσισ; Τί οὖν; ὅταν ὑπῇ δόγματα ἀλλόκοτα περὶ τῶν ἀπροαιρέτων [π]ὡσ ὄντων ἀγαθῶν καὶ κακῶν, πᾶσα ἀνάγκη θεραπεύει ν τοὺσ τυράννουσ.

ὤφελον γὰρ τοὺσ τυράννουσ μόνον, τοὺσ κοιτωνίτασ δ’ οὔ.

πῶσ δὲ καὶ φρόνιμοσ γίνεται ἐξαίφνησ ὁ ἄνθρωποσ, ὅταν Καῖσαρ αὐτὸν ἐπὶ τοῦ λασάνου ποιήσῃ· 3.

ἤθελον αὐτὸν ἀποβληθῆναι τοῦ κοπρῶνοσ, ἵνα πάλιν ἄφρων σοι δοκῇ. εἶχέν τινα Ἐπαφρόδιτοσ σκυτέα, ὃν διὰ τὸ ἄχρηστον εἶναι ἐπώλησεν.

εἶτα ἐκεῖνοσ κατά τινα δαίμονα ἀγορασθεὶσ ὑπό τινοσ τῶν Καισαριανῶν τοῦ Καίσαροσ σκυτεὺσ ἐγένετο. εἶδεσ ἂν πῶσ αὐτὸν ἐτίμα ὁ Ἐπαφρόδιτοσ· 3τί πράσσει Φηλικίων ὁ ἀγαθόσ;

φιλῶ σε.

" εἶτα εἴ τισ ἡμῶν ἐπύθετο "τί ποιεῖ αὐτόσ; ἐλέγετο ὅτι "μετὰ Φηλικίωνοσ βουλεύεται περί τινοσ" 3. οὐχὶ γὰρ πεπράκει αὐτὸν ὡσ ἄχρηστον; τίσ οὖν αὐτὸν ἄφνω φρόνιμον ἐποίησεν;

τοῦτ’ ἔστι τὸ τιμᾶν ἄλλο τι ἢ τὰ προαιρετικά.

" 3Ἠξίωται δημαρχίασ. " πάντεσ οἱ ἀπαντῶντεσ συνήδονται·

ἄλλοσ τοὺσ ὀφθαλμοὺσ καταφιλεῖ, ἄλλοσ τὸν τράχηλον, οἱ δοῦλοι τὰσ χεῖρασ. ἔρχεται εἰσ οἶκον, εὑρίσκει λύχνουσ ἁπτομένουσ. ἀναβαίνει εἰσ τὸ Καπιτώλιον, ἐπιθύει. τίσ οὖν πώποτε ὑπὲρ τοῦ ὀρεχθῆναι καλῶσ ἔθυσεν;

ὑπὲρ τοῦ ὁρμῆσαι κατὰ φύσιν; ἐκεῖ γὰρ καὶ θεοῖσ εὐχαριστοῦμεν, ὅπου τὸ ἀγαθὸν τιθέμεθα. Σήμερόν τισ ὑπὲρ ἱερωσύνησ ἐλάλει μοι τοῦ Αὐγούστου.

λέγω αὐτῷ "ἄνθρωπε, ἄφεσ τὸ πρᾶγμα· δαπανήσεισ πολλὰ εἰσ οὐδέν. " ‐ "Ἀλλ’ οἱ τὰσ [φ]ὠνάσ", φησί, "γράφοντεσ γράψουσι τὸ ἐμὸν ὄνομα.

" ‐ "Μή τι οὖν σὺ τοῖσ ἀναγιγνώσκουσι λέγεισ παρών· ἐμὲ γεγράφασιν; εἰ δὲ καὶ νῦν δύνασαι παρεῖναι πᾶσιν, ἐὰν ἀποθάνῃσ, τί ποιήσεισ;

‐ "Μενεῖ μου τὸ ὄνομα. " ‐ "Γράψον αὐτὸ εἰσ λίθον καὶ μενεῖ. ἄγε ἔξω δὲ Νικοπόλεωσ τίσ σου μνεία; " ‐ "Ἀλλὰ χρυσοῦν στέφανον φορήσω.

" ‐ "Εἰ ἅπαξ ἐπιθυμεῖσ στεφάνου, ῥόδινον λαβὼν περίθου· ὄψει γὰρ κομψότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Πῶσ ἔχειν δεῖ πρὸσ τοὺσ τυράννουσ.

(에픽테토스, Works, book 1, Πῶσ ἔχειν δεῖ πρὸσ τοὺσ τυράννουσ.)

상위

목록

SEARCH

MENU NAVIGATION