헬라어 문장 검색 - ΕπιξτέΩορκσ́03́05́

(에픽테토스, Works, book 1, Πρὸσ τοὺσ Ἀκαδημαικούσ.)

Ἄν τισ, φησίν, ἐνίστηται πρὸσ τὰ ἄγαν ἐκφανῆ, πρὸσ τοῦτον οὐ ῥᾴδιόν ἐστιν εὑρεῖν λόγον, δι’ οὗ μεταπείσει τισ αὐτόν. τοῦτο δ’ οὔτε παρὰ τὴν ἐκείνου γίνεται δύναμιν οὔτε παρὰ τὴν τοῦ διδάσκοντοσ ἀσθένειαν, ἀλλ’ ὅταν ἀπαχθεὶσ ἀπολιθωθῇ, πῶσ ἔτι χρήσηταί τισ αὐτῷ διὰ λόγου;

Ἀπολιθώσεισ δ’ εἰσὶ διτταί· ἡ μὲν τοῦ νοητικοῦ ἀπολίθωσισ, ἡ δὲ τοῦ ἐντρεπτικοῦ, ὅταν τισ παρατεταγμένοσ ᾖ μὴ ἐπινεύειν τοῖσ ἐναργέσι μηδ’ ἀπὸ τῶν μαχομένων ἀφίστασθαι.

οἱ δὲ πολλοὶ τὴν μὲν σωματικὴν ἀπονέκρωσιν φοβούμεθα καὶ πάντ’ ἂν μηχανησαίμεθα ὑπὲρ τοῦ μὴ περιπεσεῖν τοιούτῳ τινί, τῆσ ψυχῆσ δ’ ἀπονεκρουμένησ οὐδὲν ἡμῖν μέλει.

καὶ νὴ Δία ἐπὶ αὐτῆσ τῆσ ψυχῆσ ἂν μὲν ᾖ οὕτωσ διακείμενοσ, ὥστε μηδενὶ παρακολουθεῖν μηδὲ συνιέναι μηδέν, καὶ τοῦτον κακῶσ ἔχειν οἰόμεθα·

ἂν δέ τινοσ τὸ ἐντρεπτικὸν καὶ αἰδῆμον ἀπονεκρωθῇ, τοῦτο ἔτι καὶ δύναμιν καλοῦμεν. Καταλαμβάνεισ ὅτι ἐγρήγορασ; "οὔ", φησίν·

"οὐδὲ γάρ, ὅταν ἐν τοῖσ ὕπνοισ φαντάζωμαι, ὅτι ἐγρήγορα". οὐδὲν οὖν διαφέρει αὕτη ἡ φαντασία ἐκείνησ; "οὐδέν". ἔτι τούτῳ διαλέγομαι; καὶ ποῖον αὐτῷ πῦρ ἢ ποῖον σίδηρον προσαγάγω, ἵν’ αἴσθηται ὅτι νενέκρωται;

αἰσθανόμενοσ οὐ προσποιεῖται· ἔτι χείρων ἐστὶ τοῦ νεκροῦ. μάχην οὗτοσ οὐ συνορᾷ· κακῶσ ἔχει. συνορῶν οὗτοσ οὐ κινεῖται οὐδὲ προκόπτει·

ἔτι ἀθλιώτερον ἔχει. ἐκτέτμηται τὸ αἰδῆμον αὐτοῦ καὶ ἐντρεπτικὸν καὶ τὸ λογικὸν οὐκ ἀποτέτμηται, ἀλλ’ ἀποτεθηρίωται.

ταύτην ἐγὼ δύναμιν εἴπω;

μὴ γένοιτο, εἰ μὴ καὶ τὴν τῶν κιναίδων, καθ’ ἣν πᾶν τὸ ἐπελθὸν ἐν μέσῳ καὶ ποιοῦσι καὶ λέγουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Πρὸσ τοὺσ Ἀκαδημαικούσ.

(에픽테토스, Works, book 1, Πρὸσ τοὺσ Ἀκαδημαικούσ.)

상위

목록

SEARCH

MENU NAVIGATION