헬라어 문장 검색 - ΕπιξτέΩορκσ́03́27́

(에픽테토스, Works, book 1, Ποσαχῶσ αἱ φαντασίαι γίνονται καὶ τίνα πρόχειρα πρὸσ αὐτὰσ βοηθήματα παρασκευαστέον.)

Τετραχῶσ αἱ φαντασίαι γίνονται ἡμῖν· ἢ γὰρ ἔστι τινὰ καὶ οὕτωσ φαίνεται ἢ οὐκ ὄντα οὐδὲ φαίνεται ὅτι ἔστιν ἢ ἔστι καὶ οὐ φαίνεται ἢ οὐκ ἔστι καὶ φαίνεται. λοιπὸν ἐν πᾶσι τούτοισ εὐστοχεῖν ἔργον ἐστὶ τοῦ πεπαιδευμένου.

ὅ τι δ’ ἂν ᾖ τὸ θλῖβον, ἐκείνῳ δεῖ προσάγειν τὴν βοήθειαν. εἰ σοφίσματα ἡμᾶσ Πυρρώνεια καὶ Ἀκαδημαικὰ τὰ θλίβοντά ἐστιν, ἐκείνοισ προσάγωμεν τὴν βοήθειαν· εἰ αἱ τῶν πραγμάτων πιθανότητεσ, καθ’ ἃσ φαίνεταί τινα ἀγαθὰ οὐκ ὄντα, ἐκεῖ τὴν βοήθειαν ζητῶμεν·

εἰ ἔθοσ ἐστὶ τὸ θλῖβον, πρὸσ ἐκεῖνο τὴν βοήθειαν ἀνευρίσκειν πειρατέον. τί οὖν πρὸσ ἔθοσ ἔστιν εὑρίσκειν βοήθημα;

τὸ ἐναντίον ἔθοσ.

ἀκούεισ τῶν ἰδιωτῶν λεγόντων "τάλασ ἐκεῖνοσ, ἀπέθανεν· ἀπώλετο ὁ πατὴρ αὐτοῦ, ἡ μήτηρ· ἐξεκόπη, ἀλλὰ καὶ ἀώροσ καὶ ἐπὶ ξένησ" 3. ἄκουσον τῶν ἐναντίων λόγων, ἀπόσπασον σεαυτὸν τούτων τῶν φωνῶν, ἀντίθεσ τῷ ἔθει τὸ ἐναντίον ἔθοσ. πρὸσ τοὺσ σοφιστικοὺσ λόγουσ τὰ λογικὰ καὶ τὴν ἐν τούτοισ γυμνασίαν καὶ τριβήν, πρὸσ τὰσ τῶν πραγμάτων πιθανότητασ τὰσ προλήψεισ ἐναργεῖσ ἐσμηγμένασ καὶ προχείρουσ ἔχειν δεῖ.

Ὅταν θάνατοσ φαίνηται κακόν, πρόχειρον ἔχειν ὅτι τὰ κακὰ ἐκκλίνειν καθήκει καὶ ἀναγκαῖον ὁ θάνατοσ. τί γὰρ ποιήσω;

ποῦ γὰρ αὐτὸν φύγω;

ἔστω ἐμὲ εἶναι Σαρπηδόνα τὸν τοῦ Διόσ, ἵν’ οὕτωσ γενναίωσ εἴπω "ἀπελθὼν ἢ αὐτὸσ ἀριστεῦσαι θέλω ἢ ἄλλῳ παρασχεῖν ἀφορμὴν τοῦ ἀριστεῦσαι· εἰ μὴ δύναμαι κατορθῶσαί τι αὐτόσ, οὐ φθονήσω ἄλλῳ τοῦ ποιῆσαί τι γενναῖον"· ἔστω ταῦτα ὑπὲρ ἡμᾶσ, ἐκεῖνο οὐ πίπτει εἰσ ἡμᾶσ; καὶ ποῦ φύγω τὸν θάνατον;

μηνύσατέ μοι τὴν χώραν, μηνύσατε ἀνθρώπουσ, εἰσ οὓσ ἀπέλθω, εἰσ οὓσ οὐ παραβάλλει, μηνύσατε ἐπαοιδήν· εἰ μὴ ἔχω, τί με θέλετε ποιεῖν; οὐ δύναμαι τὸν θάνατον ἀποφυγεῖν·

τὸ φοβεῖσθαι αὐτὸν μὴ ἀποφύγω, ἀλλ’ ἀποθάνω πενθῶν καὶ τρέμων; αὕτη γὰρ γένεσισ πάθουσ θέλειν τι καὶ μὴ γίνεσθαι. ἔνθεν ἂν μὲν δύνωμαι τὰ ἐκτὸσ μετατιθέναι πρὸσ τὴν βούλησιν τὴν ἐμαυτοῦ, μετατίθημι·

εἰ δὲ μή, τὸν ἐμποδίζοντα ἐκτυφλῶσαι θέλω. πέφυκε γὰρ ὁ ἄνθρωποσ μὴ ὑπομένειν ἀφαιρεῖσθαι τοῦ ἀγαθοῦ, μὴ ὑπομένειν περιπίπτειν τῷ κακῷ.

εἶτα τὸ τελευταῖον, ὅταν μήτε τὰ πράγματα μεταθεῖναι δυνηθῶ μήτε τὸν ἐμποδίζοντα ἐκτυφλῶσαι, κάθημαι καὶ στένω καὶ ὃν δύναμαι λοιδορῶ, τὸν Δία καὶ τοὺσ θεοὺσ τοὺσ ἄλλουσ·

εἰ γὰρ μὴ ἐπιστρέφονταί μου, τί ἐμοὶ καὶ αὐτοῖσ; "ναί·

ἀλλ’ ἀσεβὴσ ἔσῃ". τί οὖν μοι χεῖρον ἔσται, ὧν ἔστι μοι νῦν; τὸ σύνολον ἐκείνου μεμνῆσθαι, ὅτι, ἐὰν μὴ ἐν τῷ αὐτῷ ᾖ τὸ εὐσεβὲσ καὶ συμφέρον, οὐ δύναται σωθῆναι τὸ εὐσεβὲσ ἔν τινι. ταῦτα οὐ δοκεῖ ἐπείγοντα; Ἐρχέσθω καὶ ἀπαντάτω Πυρρώνειοσ καὶ Ἀκαδημαικόσ.

ἐγὼ μὲν γὰρ τὸ ἐμὸν μέροσ οὐκ ἄγω σχολὴν πρὸσ ταῦτα οὐδὲ δύναμαι συνηγορῆσαι τῇ συνηθείᾳ. εἰ καὶ περὶ ἀγριδίου πραγμάτιον εἶχον, ἄλλον ἂν παρεκάλεσα τὸν συνηγορήσοντα·

τίνι οὖν ἀρκοῦμαι κατὰ τὸν τόπον; πῶσ μὲν αἴσθησισ γίνεται, π[ρ]ότερον δι’ ὅλων ἢ ἀπὸ μέρουσ, ἴσωσ οὐκ οἶδα ἀπολογίσασθαι, ταράσσει δέ με ἀμφότερα. ὅτι δ’ ἐγὼ καὶ σὺ οὐκ ἐσμὲν οἱ αὐτοί, λίαν ἀκριβῶσ οἶδα.

πόθεν τοῦτο;

οὐδέποτε καταπίνειν τι θέλων ἐκεῖ φέρω τὸν ψωμόν, ἀλλ’ ὧδε· οὐδέποτ’ ἄρτον θέλων λαβεῖν τὸ σάρον ἔλαβον, ἀλλ’ ἀεὶ ἐπὶ τὸν ἄρτον ἔρχομαι ὡσ πρὸσ σκοπόν. ὑμεῖσ δ’ αὐτοὶ οἱ τὰσ αἰσθήσεισ ἀναιροῦντεσ ἄλλο τι ποιεῖτε;

τίσ ὑμῶν εἰσ βαλανεῖον ἀπελθεῖν θέλων εἰσ μυλῶνα ἀπῆλθεν; ‐ Τί οὖν;

οὐ δεῖ κατὰ δύναμιν καὶ τούτων ἀντέχεσθαι, τοῦ τηρῆσαι τὴν συνήθειαν, τοῦ πεφράχθαι πρὸσ τὰ κατ’ αὐτῆσ; ‐ Καὶ τίσ ἀντιλέγει;

ἀλλὰ τὸν δυνάμενον, τὸν σχολάζοντα· τὸν δὲ τρέμοντα καὶ ταρασσόμενον καὶ ῥηγνύμενον ἔσωθεν τὴν καρδίαν ἄλλῳ τινὶ δεῖ προσευκαιρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Ποσαχῶσ αἱ φαντασίαι γίνονται καὶ τίνα πρόχειρα πρὸσ αὐτὰσ βοηθήματα παρασκευαστέον.

(에픽테토스, Works, book 1, Ποσαχῶσ αἱ φαντασίαι γίνονται καὶ τίνα πρόχειρα πρὸσ αὐτὰσ βοηθήματα παρασκευαστέον.)

상위

목록

SEARCH

MENU NAVIGATION