헬라어 문장 검색 - ΕπιξτέΩορκσ́03́04́

(에픽테토스, Works, book 1, Περὶ προκοπῆσ.)

Ὁ προκόπτων μεμαθηκὼσ παρὰ τῶν φιλοσόφων ὅτι ἡ μὲν ὄρεξισ ἀγαθῶν ἐστιν, ἡ δ’ ἔκκλισισ πρὸσ κακά, μεμαθηκὼσ δὲ καὶ ὅτι οὐκ ἄλλωσ τὸ εὔρουν καὶ ἀπαθὲσ περιγίνεται τῷ ἀνθρώπῳ ἢ ἐν ὀρέξει μὲν μὴ ἀποτυγχάνοντι, ἐν ἐκκλίσει δὲ μὴ περιπίπτοντι, τὴν μὲν ὄρεξιν ἦρκεν ἐξ αὑτοῦ εἰσάπαν καὶ ὑπερτέθειται, τῇ ἐκκλίσει δὲ πρὸσ μόνα χρῆται τὰ προαιρετικά. τῶν γὰρ ἀπροαιρέτων ἄν τι ἐκκλίνῃ, οἶδεν ὅτι περιπεσεῖταί ποτέ τινι παρὰ τὴν ἔκκλισιν τὴν αὑτοῦ καὶ δυστυχήσει.

εἰ δ’ ἡ ἀρετὴ ταύτην ἔχει τὴν ἐπαγγελίαν εὐδαιμονίαν ποιῆσαι καὶ ἀπάθειαν καὶ εὔροιαν, πάντωσ καὶ ἡ προκοπὴ ἡ πρὸσ αὐτὴν πρὸσ ἕκαστον τούτων ἐστὶ προκοπή.

ἀεὶ γὰρ πρὸσ ὃ ἂν ἡ τελειότησ τινὸσ καθάπαξ ἄγῃ, πρὸσ αὐτὸ ἡ προκοπὴ συνεγγισμόσ ἐστιν.

Πῶσ οὖν τὴν μὲν ἀρετὴν τοιοῦτόν τι ὁμολογοῦμεν, τὴν προκοπὴν δ’ ἐν ἄλλοισ ζητοῦμεν καὶ ἐπιδείκνυμεν; τί ἔργον ἀρετῆσ;

εὔροια.

τίσ οὖν προκόπτει; ὁ πολλὰσ Χρυσίππου συντάξεισ ἀνεγνωκώσ; μὴ γὰρ ἡ ἀρετὴ τοῦτ’ ἔστι Χρύσιππον νενοηκέναι;

εἰ γὰρ τοῦτ’ ἔστιν, ὁμολογουμένωσ ἡ προκοπὴ οὐδὲν ἄλλο ἐστὶν ἢ τὸ πολλὰ τῶν Χρυσίππου νοεῖν. νῦν δ’ ἄλλο μέν τι τὴν ἀρετὴν ἐπιφέρειν ὁμολογοῦμεν, ἄλλο[ν] δὲ τὸν συνεγγισμόν, τὴν προκοπὴν ἀποφαίνομεν.

"οὗτοσ", φησίν, "ἤδη καὶ δι’ αὑτοῦ δύναται Χρύσιππον ἀναγιγνώσκειν".

εὖ, νὴ τοὺσ θεούσ, προκόπτεισ, ἄνθρωπε· ποίαν προκοπήν. "τί ἐμπαίζεισ αὐτῷ;

τί δ’ ἀπάγεισ αὐτὸν τῆσ συναισθήσεωσ τῶν αὑτοῦ κακῶν; οὐ θέλεισ δεῖξαι αὐτῷ τὸ ἔργον τῆσ ἀρετῆσ, ἵνα μάθῃ ποῦ τὴν προκοπὴν ζητῇ; ἐκεῖ ζήτησον αὐτήν, ταλαίπωρε, ὅπου σου τὸ ἔργον.

ποῦ δέ σου τὸ ἔργον; ἐν ὀρέξει καὶ ἐκκλίσει, ἵν’ ἀναπότευκτοσ ᾖσ καὶ ἀπερίπτωτοσ, ἐν ὁρμαῖσ καὶ ἀφορμαῖσ, ἵν’ ἀναμάρτητοσ, ἐν προσθέσει καὶ ἐποχῇ, ἵν’ ἀνεξαπάτητοσ. πρῶτοι δ’ εἰσὶν οἱ πρῶτοι τόποι καὶ ἀναγκαιότατοι.

ἂν δὲ τρέμων καὶ πενθῶν ζητῇσ ἀπερίπτωτοσ εἶναι, ἄρα πῶσ προκόπτεισ; Σὺ οὖν ἐνταῦθά μοι δεῖξόν σου τὴν προκοπήν. καθάπερ εἰ ἀθλητῇ διελεγόμην "δεῖξόν μοι τοὺσ ὤμουσ", εἶτα ἔλεγεν ἐκεῖνοσ "ἴδε μου τοὺσ ἁλτῆρασ".

ὄψει σὺ καὶ οἱ ἁλτῆρεσ, ἐγὼ τὸ ἀποτέλεσμα τῶν ἁλτήρων ἰδεῖν βούλομαι. "λάβε τὴν περὶ ὁρμῆσ σύνταξιν καὶ γνῶθι πῶσ αὐτὴν ἀνέγνωκα.

" ἀνδράποδον, οὐ τοῦτο ζητῶ, ἀλλὰ πῶσ ὁρμᾷσ καὶ ἀφορμᾷσ, πῶσ ὀρέγῃ καὶ ἐκκλίνεισ, πῶσ ἐπιβάλλῃ καὶ προ[σ]τίθεσαι καὶ παρασκευάζῃ, πότερα συμφώνωσ τῇ φύσει ἢ ἀσυμφώνωσ. εἰ γὰρ συμφώνωσ, τοῦτό μοι δείκνυε καὶ ἐρῶ σοι ὅτι προκόπτεισ·

εἰ δ’ ἀσυμφώνωσ, ἄπελθε καὶ μὴ μόνον ἐξηγοῦ τὰ βιβλία, ἀλλὰ καὶ γράφε αὐτὸσ τοιαῦτα. καὶ τί σοι ὄφελοσ;

οὐκ οἶδασ ὅτι ὅλον τὸ βιβλίον πέντε δηναρίων ἐστίν; ὁ οὖν ἐξηγούμενοσ αὐτὸ δοκεῖ ὅτι πλείονοσ ἄξιόσ ἐστιν ἢ πέντε δηναρίων; μηδέποτε οὖν ἀλλαχοῦ τὸ ἔργον ζητεῖτε, ἀλλαχοῦ τὴν προκοπήν.

Ποῦ οὖν προκοπή; εἴ τισ ὑμῶν ἀποστὰσ τῶν ἐκτὸσ ἐπὶ τὴν προαίρεσιν ἐπέστραπται τὴν αὑτοῦ, ταύτην ἐξεργάζεσθαι καὶ ἐκπονεῖν, ὥστε σύμφωνον ἀποτελέσαι τῇ φύσει, ὑψηλὴν ἐλευθέραν ἀκώλυτον ἀνεμπόδιστον πιστὴν αἰδήμονα·

μεμάθηκέν τε, ὅτι ὁ τὰ μὴ ἐφ’ αὑτῷ ποθῶν ἢ φεύγων οὔτε πιστὸσ εἶναι δύναται οὔτ’ ἐλεύθεροσ, ἀλλ’ ἀνάγκη μεταπίπτειν καὶ μεταρριπίζεσθαι ἅμα ἐκείνοισ καὶ αὐτόν, ἀνάγκη δὲ καὶ ὑποτεταχέναι ἄλλοισ ἑαυτόν, τοῖσ ἐκεῖνα περιποιεῖν ἢ κωλύειν δυναμένοισ·

καὶ λοιπὸν ἑώθεν ἀνιστάμενοσ ταῦτα τηρεῖ καὶ φυλάσσει, λούεται ὡσ πιστόσ, ὡσ αἰδήμων ἐσθίει, ὡσαύτωσ ἐπὶ τῆσ ἀεὶ παραπιπτούσησ ὕλησ τὰ προηγούμενα ἐκπονῶν, ὡσ ὁ δρομεὺσ δρομικῶσ καὶ ὁ φώνασκοσ φωνασκικῶσ·

οὗτόσ ἐστιν ὁ προκόπτων ταῖσ ἀληθείαισ καὶ ὁ μὴ εἰκῇ ἀποδεδημηκὼσ οὗτόσ ἐστιν.

εἰ δ’ ἐπὶ τὴν ἐν τοῖσ βιβλίοισ ἕξιν τέταται καὶ ταύτην ἐκπονεῖ καὶ ἐπὶ τοῦτο ἐκδεδήμηκε, λέγω αὐτῷ αὐτόθεν πορεύεσθαι εἰσ οἶκον καὶ μὴ ἀμελεῖν τῶν ἐκεῖ·

τοῦτο γὰρ ἐφ’ ὃ ἀποδεδήμηκεν οὐδέν ἐστιν·

τί ἐστι θάνατοσ, τί φυγή, τί δεσμωτήριον, τί [νοσ]κώνειον, ἵνα δύνηται λέγειν ἐν τῇ φυλακῇ "ὦ φίλε Κρίτων, εἰ ταύτῃ τοῖσ θεοῖσ φίλον, ταύτῃ γινέσθω" καὶ μὴ ἐκεῖνα "τάλασ ἐγώ, γέρων ἄνθρωποσ, ἐπὶ ταῦτά μου τὰσ πολιὰσ ἐτήρησα" 3.

τίσ λέγει ταῦτα; δοκεῖτε ὅτι ὑμῖν ἄδοξόν τινα ἐρῶ καὶ ταπεινόν;

Πρίαμοσ αὐτὰ οὐ λέγει; Οἰδίπουσ οὐ λέγει; ἀλλ’ ὁπόσοι βασιλεῖσ λέγουσιν; τί γάρ εἰσιν ἄλλο τραγῳδίαι ἢ ἀνθρώπων πάθη τεθαυμακότων τὰ ἐκτὸσ διὰ μέτρου τοιοῦδ’ ἐπιδεικνύμενα;

εἰ γὰρ ἐξαπατηθέντα τινὰ ἔδει μαθεῖν, ὅτι τῶν ἐκτὸσ καὶ ἀπροαιρέτων οὐδέν ἐστι πρὸσ ἡμᾶσ, ἐγὼ μὲν ἤθελον τὴν ἀπάτην ταύτην, ἐξ ἧσ ἤμελλον εὐρόωσ καὶ ἀταράχωσ βιώσεσθαι, ὑμεῖσ δ’ ὄψεσθ’ αὐτοὶ τί θέλετε.

Τί οὖν ἡμῖν παρέχει Χρύσιπποσ; ἵνα γνῷσ, φησίν, ὅτι οὐ ψευδῆ ταῦτά ἐστιν, ἐξ ὧν ἡ εὔροιά ἐστι καὶ ἀπάθεια ἀπαντᾷ, λάβε μου τὰ βιβλία καὶ γνώσῃ ὡσ τε καὶ σύμφωνά ἐστι τῇ φύσει τὰ ἀπαθῆ με ποιοῦντα.

ὦ μεγάλησ εὐτυχίασ, ὦ μεγάλου εὐεργέτου τοῦ δεικνύοντοσ τὴν ὁδόν.

ὅτι τὰσ ἡμέρουσ τροφὰσ ἡμῖν ἔδωκεν, τῷ δὲ τὴν ἀλήθειαν εὑρόντι καὶ φωτίσαντι καὶ εἰσ πάντασ ἀνθρώπουσ ἐξενεγκόντι, οὐ τὴν περὶ τὸ ζῆν, ἀλλὰ τὴν πρὸσ τὸ εὖ ζῆν, τίσ ὑμῶν ἐπὶ τούτῳ βωμὸν ἱδρύσατο ἢ ναὸν ἢ ἄγαλμα ἀνέθηκεν ἢ τὸν θεὸν ἐπὶ τούτῳ προσκυνεῖ;

ἀλλ’ ὅτι μὲν ἄμπελον ἔδωκαν ἢ πυρούσ, ἐπιθύομεν τούτου ἕνεκα, ὅτι δὲ τοιοῦτον ἐξήνεγκαν καρπὸν ἐν ἀνθρωπίνῃ διανοίᾳ, δι’ οὗ τὴν ἀλήθειαν τὴν περὶ εὐδαιμονίασ δείξειν ἡμῖν ἤμελλον, τούτου δ’ ἕνεκα οὐκ εὐχαριστήσωμεν τῷ θεῷ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Περὶ προκοπῆσ.

(에픽테토스, Works, book 1, Περὶ προκοπῆσ.)

상위

목록

SEARCH

MENU NAVIGATION