헬라어 문장 검색 - ΕπιξτέΩορκσ́03́26́

(에픽테토스, Works, book 1, Τίσ ὁ βιωτικὸσ νόμοσ.)

Ἀναγιγνώσκοντοσ δὲ τοὺσ ὑποθετικοὺσ ἔφη Νόμοσ ὑποθετικόσ ἐστι καὶ οὗτοσ τὸ ἀκόλουθον τῇ ὑποθέσει παραδέχεσθαι. πολὺ πρότερον δὲ νόμοσ βιωτικόσ ἐστιν οὗτοσ τὸ ἀκόλουθον τῇ φύσει πράττειν. εἰ γὰρ ἐπὶ πάσησ ὕλησ καὶ περιστάσεωσ βουλόμεθα τηρῆσαι τὸ κατὰ φύσιν, δῆλον ὅτι ἐν παντὶ στοχαστέον τοῦ μήτε τὸ ἀκόλουθον ἡμᾶσ ἐκφυγεῖν μήτε παραδέξασθαι τὸ μαχόμενον.

πρῶτον οὖν ἐπὶ τῆσ θεωρίασ γυμνάζουσιν ἡμᾶσ οἱ φιλόσοφοι ὅπου ῥᾷον, εἶτα οὕτωσ ἐπὶ τὰ χαλεπώτερα ἄγουσιν·

ἐνταῦθα γὰρ οὐδέν ἐστι τὸ ἀνθέλκον ὡσ πρὸσ τὸ ἀκολουθῆσαι τοῖσ διδασκομένοισ, ἐπὶ δὲ τῶν βιωτικῶν πολλὰ τὰ περισπῶντα. γελοῖοσ οὖν ὁ λέγων πρῶτον βούλεσθαι ἐπ’ ἐκείνων· οὐ γὰρ ῥᾴδιον ἄρχεσθαι ἀπὸ τῶν χαλεπωτέρων.

καὶ τοῦτον ἀπολογισμὸν ἔδει φέρειν πρὸσ τοὺσ γονεῖσ τοὺσ ἀγανακτοῦντασ ἐπὶ τῷ φιλοσοφεῖν τὰ τέκνα.

"οὐκοῦν ἁμαρτάνω, πάτερ, καὶ οὐκ οἶδα τὸ ἐπιβάλλον ἐμαυτῷ καὶ προσῆκον· εἰ μὲν οὐδὲ μαθητόν ἐστιν οὐδὲ διδακτόν, τί μοι ἐγκαλεῖσ; εἰ δὲ διδακτόν, δίδασκε· εἰ δὲ σὺ μὴ δύνασαι, ἄφεσ με μαθεῖν παρὰ τῶν λεγόντων εἰδέναι. ἐπεὶ τί δοκεῖσ;

ὅτι θέλων περιπίπτω κακῷ καὶ ἀποτυγχάνω τοῦ ἀγαθοῦ; μὴ γένοιτο. τί οὖν ἐστι τὸ αἴτιον τοῦ ἁμαρτάνειν με; ἡ ἄγνοια.

οὐ θέλεισ οὖν ἀποθῶμαι τὴν ἄγνοιαν; τίνα πώποτε ὀργὴ[ν] ἐδίδαξε τὰ κυβερνητικά, τὰ μουσικά; τὰ βιωτικὰ οὖν διὰ τὴν ὀργήν σου δοκεῖσ ὅτι μαθήσομαι; Ταῦτα ἐκείνῳ μόνῳ λέγειν ἔξεστι τῷ τοιαύτην ἐπιβολὴν ἐνηνοχότι.

εἰ δέ τισ μόνον ἐπιδείκνυσθαι θέλων ἐν συμποσίῳ ὅτι οἶδεν τοὺσ ὑποθετικοὺσ ἀναγιγνώσκει ταῦτα καὶ προσέρχεται τοῖσ φιλοσόφοισ, οὗτοσ ἄλλο τι πράσσει ἵνα αὐτὸν συγκλητικὸσ παρακατακείμενοσ θαυμάσει;

ἐκεῖ γὰρ τῷ ὄντι αἱ μεγάλαι ὗλαί εἰσι καὶ οἱ ἐνθάδε πλοῦτοι ἐκεῖ παίγνια δοκοῦσιν.

διὰ τοῦτο ἐκεῖ δύσκολον κρατῆσαι τῶν αὑτοῦ φαντασιῶν, ὅπου τὰ ἐκ σείοντα μεγάλα. ἐγώ τινα οἶδα κλαίοντα Ἐπαφροδίτου τῶν γονάτων ἁπτόμενον καὶ λέγοντα ταλαιπωρεῖν·

ἀπολελεῖφθαι γὰρ αὐτῷ μηδέν, εἰ μὴ ἑκατὸν πεντήκοντα μυριάδασ. τί οὖν ὁ Ἐπαφρόδιτοσ;

κατεγέλασεν ὡσ ὑμεῖσ; οὔ· ἀλλ’ ἐπιθαυμάσασ λέγει "τάλασ, πῶσ οὖν ἐσιώπασ, πῶσ ἐκαρτέρεισ; Ταράξασ δὲ τὸν ἀναγιγνώσκοντα τοὺσ ὑποθετικοὺσ καὶ γελάσαντοσ τοῦ ὑποθεμένου αὐτῷ τὴν ἀνάγνωσιν Σεαυτοῦ, ἔφη, καταγελᾷσ·

οὐ προεγύμνασασ τὸν νεανίσκον οὐδ’ ἔγνωσ εἰ δύναται τούτοισ παρακολουθεῖν, ἀλλ’ ὡσ ἀναγνώστῃ αὐτῷ χρῇ. τί οὖν, ἔφη, μὴ δυναμένῃ διανοίᾳ συμπεπλεγμένου ἐπικρίσει παρακολουθεῖν ἔπαινον πιστεύομεν, ψόγον πιστεύομεν, ἐπίκρισιν περὶ τῶν καλῶσ ἢ κακῶσ γινομένων;

κἄν τινα κακῶσ λέγῃ, οὗτοσ ἐπιστρέφεται, κἂν ἐπαινῇ τινα, ἐπαίρεται; ἐν τοῖσ οὕτωσ μικροῖσ μὴ εὑρίσκων τὸ ἑξῆσ; αὕτη οὖν ἀρχὴ τοῦ φιλοσοφεῖν, αἴσθησισ τοῦ ἰδίου ἡγεμονικοῦ πῶσ ἔχει·

μετὰ γὰρ τὸ γνῶναι ὅτι ἀσθενῶσ οὐκ ἔτι θελήσει χρῆσθαι αὐτῷ πρὸσ τὰ μεγάλα. νῦν δὲ μὴ δυνάμενοί τινεσ τὸν ψωμὸν καταπίνειν σύνταξιν ἀγοράσαντεσ ἐπιβάλλονται ἐσθίειν.

διὰ τοῦτο ἐμοῦσιν ἢ ἀπεπτοῦσιν· εἶτα στρόφοι καὶ κατάρροιαι καὶ πυρετοί. ἔδει δ’ ἐφιστάνειν, εἰ δύνανται. ἀλλ’ ἐν μὲν θεωρίᾳ ῥᾴδιον ἐξελέγξαι τὸν οὐκ εἰδότα, ἐν δὲ τοῖσ κατὰ τὸν βίον οὔτε παρέχει ἑαυτόν τισ ἐλέγχῳ τόν τ’ ἐξελέγξαντα μισοῦμεν.

ὁ δὲ Σωκράτησ ἔλεγεν ἀνεξέταστον βίον μὴ ζῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Τίσ ὁ βιωτικὸσ νόμοσ.

(에픽테토스, Works, book 1, Τίσ ὁ βιωτικὸσ νόμοσ.)

상위

목록

SEARCH

MENU NAVIGATION