헬라어 문장 검색 - ΕπιξτέΩορκσ́03́16́

(에픽테토스, Works, book 1, Περὶ προνοίασ.)

Μὴ θαυμάζετ’ εἰ τοῖσ μὲν ἄλλοισ ζῴοισ τὰ πρὸσ τὸ σῶμα ἕτοιμα γέγονεν, οὐ μόνον τροφαὶ καὶ πόμα, ἀλλὰ καὶ κοίτη καὶ τὸ μὴ δεῖσθαι ὑποδημάτων, μὴ ὑποστρωμάτων, μὴ ἐσθῆτοσ, ἡμεῖσ δὲ πάντων τούτων προσδεόμεθα. τὰ γὰρ οὐκ αὐτῶν ἕνεκα, ἀλλὰ πρὸσ ὑπηρεσίαν γεγονότα οὐκ ἐλυσιτέλει προσδεόμενα ἄλλων πεποιηκέναι.

ἐπεὶ ὁρ́α οἱο͂ν ἦν ἡμᾶσ φροντίζειν μὴ περὶ αὑτῶν μόνον ἀλλὰ καὶ περὶ τῶν προβάτων καὶ τῶν ὄνων, πῶσ ἐνδύσηται καὶ πῶσ ὑποδήσηται, πῶσ φάγῃ, πῶσ πίῃ.

ἀλλ’ ὥσπερ οἱ στρατιῶται ἕτοιμοί εἰσι τῷ στρατηγῷ ὑποδεδεμένοι ἐνδεδυμένοι ὡπλισμένοι, εἰ δ’ ἔδει περιερχόμενον τὸν χιλίαρχον ὑποδεῖν ἢ ἐνδύειν τοὺσ χιλίουσ, δεινὸν ἂν ἦν, οὕτω καὶ ἡ φύσισ πεποίηκε τὰ πρὸσ ὑπηρεσίαν γεγονότα ἕτοιμα παρεσκευασμένα μηδεμιᾶσ ἐπιμελείασ ἔτι προσδεόμενα.

οὕτωσ ἓν παιδίον μικρὸν καὶ ῥάβδῳ ἐλαύνει τὰ πρόβατα.

νῦν δ’ ἡμεῖσ ἀφέντεσ ἐπὶ τούτοισ εὐχαριστεῖν, ὅτι μὴ καὶ αὐτῶν τὴν ἴσην ἐπιμέλειαν ἐπιμελούμεθα, ἐφ’ αὑτοῖσ ἐγκαλοῦμεν τῷ θεῷ.

καίτοι νὴ τὸν Δία καὶ τοὺσ θεοὺσ ἓν τῶν γεγονότων ἀπήρκει πρὸσ τὸ αἰσθέσθαι τῆσ προνοίασ τῷ γε αἰδήμονι καὶ εὐχαρίστῳ.

καὶ μή μοι νῦν τὰ μεγάλα·

αὐτὸ τοῦτο τὸ ἐκ π[τ]όασ γάλα γεννᾶσθαι καὶ ἐκ γάλακτοσ τυρὸν καὶ ἐκ δέρματοσ ἔρια τίσ ἐστιν ὁ πεποιηκὼσ ταῦτα ἢ ἐπινενοηκώσ; "οὐδὲ εἷσ" φησίν. ὦ μεγάλησ ἀναισθησίασ καὶ ἀναισχυντίασ. τὰ πάρεργα αὐτῆσ θεασώμεθα.

μή τι ἀχρηστότερον τριχῶν τῶν ἐπὶ γενείου;

τί οὖν; οὐ συνεχρήσατο καὶ ταύταισ ὡσ μάλιστα πρεπόντωσ ἐδύνατο; οὐ διέκρινεν δι’ αὐτῶν τὸ ἄρρεν καὶ τὸ θῆλυ; οὐκ εὐθὺσ μακρόθεν κέκραγεν ἡμῶν ἑκάστου ἡ φύσισ "ἀνήρ εἰμι·

οὕτω μοι προσέρχου, οὕτω μοι λάλει, ἄλλο μηδὲν ζήτει· ἰδοὺ τὰ σύμβολα" 3; πάλιν ἐπὶ τῶν γυναικῶν ὥσπερ ἐν φωνῇ τι ἐγκατέμιξεν ἁπαλώτερον, οὕτωσ καὶ τὰσ τρίχασ ἀφεῖλεν.

οὔ· 3ἀνήρ εἰμι".

πῶσ δὲ καλὸν τὸ σύμβολον καὶ εὐπρεπὲσ καὶ σεμνόν, πόσῳ κάλλιον τοῦ τῶν ἀλεκτρυόνων λόφου, πόσῳ μεγαλοπρεπέστερον τῆσ χαίτησ τῶν λεόντων. διὰ τοῦτο ἔδει σῴζειν τὰ σύμβολα τοῦ θεοῦ, ἔδει αὐτὰ μὴ καταπροίεσθαι, μὴ συγχεῖν ὅσον ἐφ’ ἑαυτοῖσ τὰ γένη τὰ διῃρημένα.

Ταῦτα μόνα ἐστὶν ἔργα ἐφ’ ἡμῶν τῆσ προνοίασ; καὶ τίσ ἐξαρκεῖ λόγοσ ὁμοίωσ αὐτὰ ἐπαινέσαι ἢ παραστῆσαι;

εἰ γὰρ νοῦν εἴχομεν, ἄλλο τι ἔδει ἡμᾶσ ποιεῖν καὶ κοινῇ καὶ ἰδίᾳ ἢ ὑμνεῖν τὸ θεῖον καὶ εὐφημεῖν καὶ ἐπεξέρχεσθαι τὰσ χάριτασ; οὐκ ἔδει καὶ σκάπτοντασ καὶ ἀροῦντασ καὶ ἐσθίοντασ ᾄδειν τὸν ὕμνον τὸν εἰσ τὸν θεόν;

"μέγασ ὁ θεὸσ, ὅτι ἡμῖν παρέσχεν ὄργανα ταῦτα δι’ ὧν τὴν γῆν ἐργασόμεθα· μέγασ ὁ θεόσ, ὅτι χεῖρασ δέδωκεν, ὅτι κατάποσιν, ὅτι κοιλίαν, ὅτι αὔξεσθαι λεληθότωσ, ὅτι καθεύδοντασ ἀναπνεῖν.

" ταῦτα ἐφ’ ἑκάστου ἐφυμνεῖν ἔδει καὶ τὸν μέγιστον καὶ θειότατον ὕμνον ἐφυμνεῖν, ὅτι τὴν δύναμιν ἔδωκεν τὴν παρακολουθητικὴν τούτοισ καὶ ὁδῷ χρηστικήν.

τί οὖν;

ἐπεὶ οἱ πολλοὶ ἀποτετύφλωσθε, οὐκ ἔδει τινὰ εἶναι τὸν ταύτην ἐκπληροῦντα τὴν χώραν καὶ ὑπὲρ πάντων ᾄδοντα τὸν ὕμνον τὸν εἰσ τὸν θεόν; τί γὰρ ἄλλο δύναμαι γέρων χωλὸσ εἰ μὴ ὑμνεῖν τὸν θεόν;

εἰ γοῦν ἀηδὼν ἤμην, ἐποίουν τὰ τῆσ ἀηδόνοσ, εἰ κύκνοσ, τὰ τοῦ κύκνου. νῦν δὲ λογικόσ εἰμι·

ὑμνεῖν με δεῖ τὸν θεόν. τοῦτό μου τὸ ἔργον ἐστίν, ποιῶ αὐτὸ οὐδ’ ἐγκαταλείψω τὴν τάξιν ταύτην, ἐφ’ ὅσον ἂν διδῶται, καὶ ὑμᾶσ ἐπὶ τὴν αὐτὴν ταύτην ᾠδὴν παρακαλῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Περὶ προνοίασ.

(에픽테토스, Works, book 1, Περὶ προνοίασ.)

상위

목록

SEARCH

MENU NAVIGATION