헬라어 문장 검색 - ΕπιξτέΩορκσ́03́24́

(에픽테토스, Works, book 1, Πῶσ πρὸσ τὰσ περιστάσεισ ἀγωνιστέον.)

Αἱ περιστάσεισ εἰσὶν αἱ τοὺσ ἄνδρασ δεικνύουσαι. λοιπὸν ὅταν ἐμπέσῃ περίστασισ, μέμνησο ὅτι ὁ θεόσ σε ὡσ ἀλείπτησ τραχεῖ νεανίσκῳ συμβέβληκεν. ‐ Ἵνα τί;

φησίν. ‐ Ἵνα Ὀλυμπιονίκησ γένῃ· δίχα δ’ ἱδρῶτοσ οὐ γίγνεται. ἐμοὶ μὲν οὐδεὶσ δοκεῖ κρείσσονα ἐσχηκέναι περίστασιν ἧσ σὺ ἔσχηκασ, ἂν θέλῃσ ὡσ ἀθλητὴσ νεανίσκῳ χρῆσθαι. καὶ νῦν ἡμεῖσ γε εἰσ τὴν Ῥώμην κατάσκοπον πέμπομεν.

οὐδεὶσ δὲ δειλὸν κατάσκοπον πέμπει, ἵν’, ἂν μόνον ἀκούσῃ ψόφου καὶ σκιάν ποθεν ἴδῃ, τρέχων ἔλθῃ τεταραγμένοσ καὶ λέγων ἤδη παρεῖναι τοὺσ πολεμίουσ. οὕτωσ νῦν καὶ σὺ ἂν ἐλθὼν ἡμῖν εἴπῃσ "φοβερὰ τὰ ἐν Ῥώμῃ πράγματα, δεινόν ἐστι θάνατοσ, δεινόν ἐστι φυγή, δεινὸν λοιδορία, δεινὸν πενία·

φεύγετε ἄνδρεσ, πάρεισιν οἱ πολέμιοι" 3, ἐροῦμέν σοι "ἄπελθε, σεαυτῷ μαντεύου· ἡμεῖσ τοῦτο μόνον ἡμάρτομεν, ὅτι τοιοῦτον κατάσκοπον ἐπέμπομεν".

Πρὸ σοῦ κατάσκοποσ ἀποσταλεὶσ Διογένησ ἄλλα ἡμῖν ἀπήγγελκεν.

λέγει ὅτι ὁ θάνατοσ οὐκ ἔστι κακόν, οὐδὲ γὰρ αἰσχρόν· λέγει ὅτι ἀδοξία ψόφοσ ἐστὶ μαινομένων ἀνθρώπων. οἱᾶ δὲ περὶ πόνου, οἱᾶ δὲ περὶ ἡδονῆσ, οἱᾶ περὶ πενίασ εἴρηκεν οὗτοσ ὁ κατάσκοποσ.

τὸ δὲ γυμν[ασι]ὸν εἶναι λέγει ὅτι κρεῖσσόν ἐστι πάσησ περιπορφύρου· τὸ δ’ ἐπ’ ἀστρώτῳ πέδῳ καθεύδειν λέγει ὅτι μαλακωτάτη κοίτη ἐστίν. καὶ ἀπόδειξιν φέρει περὶ ἑκάστου τὸ θάρσοσ τὸ αὑτοῦ, τὴν ἀταραξίαν, τὴν ἐλευθερίαν, εἶτα καὶ τὸ σωμάτιον στίλβον καὶ συνεστραμμένον.

"οὐδείσ", φησίν, "πολέμιοσ ἐγγύσ ἐστιν·

πάντα εἰρήνησ γέμει. " πῶσ, ὦ Διόγενεσ; "ἰδού", φησίν, "μή τι βέβλημαι, μή τι τέτρωμαι, μή τινα πέφευγα; " τοῦτ’ ἔστιν οἱο͂σ δεῖ κατάσκοποσ, σὺ δ’ ἡμῖν ἐλθὼν ἄλλα ἐξ ἄλλων λέγεισ.

οὐκ ἀπελεύσῃ πάλιν καὶ ὄψει ἀκριβέστερον δίχα τῆσ δειλίασ; Τί οὖν ποιήσω; ‐ Τί ποιεῖσ, ἐκ πλοίου ὅταν ἐξίῃσ;

μή τι τὸ πηδάλιον αἴρεισ, μή τι τὰσ κώπασ; τί οὖν αἴρεισ; τὰ σά, τὴν λήκυθον, τὴν πήραν. καὶ νῦν ἂν ᾖσ μεμνημένοσ τῶν σῶν, οὐδέποτε τῶν ἀλλοτρίων ἀντιποιήσῃ. λέγει σοι "θὲσ τὴν πλατύσημον"·

ἰδοὺ στενόσημοσ. "θὲσ καὶ ταύτην· ἰδοὺ ἱμάτιον μόνον. "θὲσ τὸ ἱμάτιον· 3 ἰδοὺ γυμνόσ.

"ἀλλὰ φθόνον μοι κινεῖσ. " λάβε τοίνυν ὅλον τὸ σωμάτιον. ᾧ δύναμαι ῥῖψαι τὸ σωμάτιον, ἔτι τοῦτο ν φοβοῦμαι; ἀλλὰ κληρονόμον μ’ οὐκ ἀπολείψει.

τί οὖν; ἐπελαθόμην ὅτι τούτων οὐδὲν ἐμὸν ἦν; πῶσ οὖν ἐμὰ αὐτὰ λέγομεν; ὡσ τὸν κράβαττον ἐν τῷ πανδοκείῳ. ἂν οὖν ὁ πανδοκεὺσ ἀποθανὼν ἀπολίπῃ σοι τοὺσ κραβάττουσ· ἂν δ’ ἄλλῳ, ἐκεῖνοσ ἕξει, σὺ δ’ ἄλλον ζητήσεισ· ἂν οὖν μὴ εὑρ́ῃσ, χαμαὶ κοιμήσῃ μόνον θαρρῶν καὶ ῥέγκων καὶ μεμνημένοσ ὅτι ἐν τοῖσ πλουσίοισ καὶ βασιλεῦσι καὶ τυράννοισ αἱ τραγῳδίαι τόπον ἔχουσιν, οὐδεὶσ δὲ πένησ τραγῳδίαν συμπληροῖ εἰ μὴ ὡσ χορευτήσ.

οἱ δὲ βασιλεῖσ ἄρχονται μὲν ἀπ’ ἀγαθῶν·

στέψατε δώματα· εἶτα περὶ τρίτον ἢ τέταρτον μέροσ· ἰὼ Κιθαιρών, τί μ’ ἐδέχου; ἀνδράποδον, ποῦ οἱ στέφανοι, ποῦ τὸ διάδημα; οὐδέν σε ὠφελοῦσιν οἱ δορυφόροι;

ὅταν οὖν ἐκείνων τινὶ προσίῃσ, τούτων μέμνησο, ὅτι τραγῳδῷ προσέρχῃ, οὐ τῷ ὑποκριτῇ, ἀλλ’ αὐτῷ τῷ Οἰδίποδι.

"ἀλλὰ μακάριοσ ὁ δεῖνα·

μετὰ πολλῶν γὰρ περιπατεῖ. " κἀγὼ συγκατατάττω ἐμαυτὸν σὺν τοῖσ πολλοῖσ καὶ μετὰ πολλῶν περιπατῶ. τὸ δὲ κεφάλαιον·

μέμνησο ὅτι ἡ θύρα ἤνοικται. μὴ γίνου τῶν παιδίων δειλότεροσ, ἀλλ’ ὡσ ἐκεῖνα, ὅταν αὐτοῖσ μὴ ἀρέσκῃ τὸ πρᾶγμα, λέγει "οὐκέτι παίξω", καὶ σύ, ὅταν σοι φαίνηταί τινα εἶναι τοιαῦτα, εἰπὼν "οὐκέτι παίξω" ἀπαλλάσσου, μένων δὲ μὴ θρήνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Πῶσ πρὸσ τὰσ περιστάσεισ ἀγωνιστέον.

(에픽테토스, Works, book 1, Πῶσ πρὸσ τὰσ περιστάσεισ ἀγωνιστέον.)

상위

목록

SEARCH

MENU NAVIGATION