Epictetus, Works, book 1, Τί ἐπαγγέλλεται φιλοσοφία.

(에픽테토스, Works, book 1, Τί ἐπαγγέλλεται φιλοσοφία.)

Συμβουλευομένου τινόσ, πῶσ τὸν ἀδελφὸν πείσῃ μηκέτι χαλεπῶσ αὐτῷ ἔχειν, Οὐκ ἐπαγγέλλεται, ἔφη, φιλοσοφία τῶν ἐκτόσ τι περιποιήσειν τῷ ἀνθρώπῳ· εἰ δὲ μή, ἔξω τι τῆσ ἰδίασ ὕλησ ἀναδέξεται.

ὡσ γὰρ τέκτονοσ ὕλη τὰ ξύλα, ἀνδριαντοποιοῦ ὁ χαλκόσ, οὕτωσ τῆσ περὶ βίον τέχνησ ὕλη ὁ βίοσ αὐτοῦ ἑκάστου. ‐ Τί οὖν ὁ τοῦ ἀδελφοῦ;

‐ Πάλιν τῆσ αὐτοῦ ἐκείνου τέχνησ ἐστίν, πρὸσ δὲ τὴν σὴν τῶν ἐκτόσ ἐστιν, ὅμοιον ἀγρῷ, ὅμοιον ὑγείᾳ, ὅμοιον εὐδοξίᾳ. τούτων δ’ οὐδὲν ἐπαγγέλλεται· φιλοσοφία. "ἐν πάσῃ περιστάσει τηρήσω τὸ ἡγεμονικὸν κατὰ φύσιν ἔχον.

" ‐ Τὸ τίνοσ; ‐ "Τὸ ἐκείνου, ἐν ᾧ εἰμί. " ‐ Πῶσ οὖν ἐκεῖνόσ μοι μὴ ὀργίζηται;

‐ "Φέρε μοι ἐκεῖνον κἀκείνῳ ἐρῶ, σοὶ δὲ περὶ τῆσ ἐκείνου ὀργῆσ οὐδὲν ἔχω λέγειν. πῶσ ἂν ἐκείνου καὶ μὴ διαλλασσομένου κατὰ φύσιν ἔχοιμι, Οὐδέν, ἔφη, τῶν μεγάλων ἄφνω γίνεται, ὅπου γε οὐδ’ ὁ βότρυσ οὐδὲ σῦκον.

ἄν μοι νῦν λέγῃσ ὅτι "θέλω σῦκον", ἀποκρινοῦμαί σοι ὅτι "χρόνου δεῖ".

ἄφεσ ἀνθήσῃ πρῶτον, εἶτα προβάλῃ τὸν καρπόν, εἶτα πεπανθῇ. εἶτα συκῆσ μὲν καρπὸσ ἄφνω καὶ μιᾷ ὡρ́ᾳ οὐ τελειοῦται, γνώμησ δ’ ἀνθρώπου καρπὸν θέλεισ οὕτωσ δι’ ὀλίγου καὶ εὐκόλωσ κτήσασθαι;

μηδ’ ἂν ἐγώ σοι λέγω, προσδόκα.

상위

Works

목록

일치하는 문장이 없습니다.

SEARCH

MENU NAVIGATION