Epictetus, Works, book 1, Πῶσ ἀπὸ τοῦ συγγενεῖσ ἡμᾶσ εἶναι τῷ θεῷ ἐπέλθοι ἄν τισ ἐπὶ τὰ ἑξῆσ. 11:

ἀλλὰ μή τινεσ ἐμπίπτωσιν τοιοῦτοι νέοι, οἳ ἐπιγνόντεσ τὴν πρὸσ τοὺσ θεοὺσ συγγένειαν καὶ ὅτι δεσμά τινα ταῦτα προσηρτήμεθα τὸ σῶμα καὶ τὴν κτῆσιν αὐτοῦ καὶ ὅσα τούτων ἕνεκα ἀναγκαῖα ἡμῖν γίνεται εἰσ οἰκονομίαν καὶ ἀναστροφὴν τὴν ἐν τῷ βίῳ, ὡσ βάρη τινὰ καὶ ἀνιαρὰ καὶ ἄχρηστα ἀπορρῖψαι θέλωσιν καὶ ἀπελθεῖν πρὸσ τοὺσ συγγενεῖσ.