Epictetus, Works, book 1, Περὶ προκοπῆσ. 1:

Ὁ προκόπτων μεμαθηκὼσ παρὰ τῶν φιλοσόφων ὅτι ἡ μὲν ὄρεξισ ἀγαθῶν ἐστιν, ἡ δ’ ἔκκλισισ πρὸσ κακά, μεμαθηκὼσ δὲ καὶ ὅτι οὐκ ἄλλωσ τὸ εὔρουν καὶ ἀπαθὲσ περιγίνεται τῷ ἀνθρώπῳ ἢ ἐν ὀρέξει μὲν μὴ ἀποτυγχάνοντι, ἐν ἐκκλίσει δὲ μὴ περιπίπτοντι, τὴν μὲν ὄρεξιν ἦρκεν ἐξ αὑτοῦ εἰσάπαν καὶ ὑπερτέθειται, τῇ ἐκκλίσει δὲ πρὸσ μόνα χρῆται τὰ προαιρετικά.