호흡부호 보기
강세부호 보기
장단부호 보기
작은 Iota 보기
모든 부호 보기
σπάροσ δὲ δριμύσ, ἁπαλόσαρκοσ, ἄβρωμοσ, εὐστόμαχοσ, οὐρητικόσ, ἑφθὸσ μὲν οὐκ ἄπεπτοσ, ταγηνιστὸσ δὲ δύσπεπτοσ. τρίγλη εὐστόμαχοσ, παραστύφουσα, σκληρόσαρκοσ, δύσφθαρτοσ, ἐφεκτικὴ κοιλίασ καὶ μάλιστα ἡ ἐξ ἀνθράκων ἡ δὲ ἀπὸ τηγάνου βαρεῖα καὶ δύσπεπτοσ, κοινῶσ δὲ πᾶσα αἵματοσ ἐκκριτική. συνόδουσ καὶ χάραξ τοῦ μὲν αὐτοῦ γένουσ εἰσί, διαφέρει δ’ ὁ χάραξ. φάγροσ γίνεται μὲν καὶ ποτάμιοσ, καλλίων δ’ ἐστὶν ὁ θαλάττιοσ. καπρίσκοσ καλεῖται μὲν καὶ μῦσ, βρωμώδησ δ’ ἐστὶ καὶ σκληρόσ, κιθάρου δ’ ἐστὶ δυσπεπτότεροσ· δέρμα δ’ ἔχει εὔστομον. ῥαφὶσ ἢ βελόνη καλεῖται δὲ καὶ ἀβλεννήσ δύσπεπτοσ, ὑγρόσ, εὐκοίλιοσ. θρίσσα καὶ τὰ ὁμογενῆ, χαλκὶσ καὶ ἐρίτιμοσ, εὐανάδοτα. κεστρεὺσ δὲ γίνεται μὲν καὶ θαλάσσιοσ καὶ λιμναῖοσ καὶ ποτάμιοσ, οὗτοσ δέ, φησί, καλεῖται καὶ ὀξύρυγχοσ , κορακῖνοσ δ’ ὁ ἐκ τοῦ Νείλου· ἥττων δ’ ὁ μέλασ τοῦ λευκοῦ καὶ ὁ ἑφθὸσ τοῦ ὀπτοῦ·
οὗτοσ γὰρ καὶ εὐστόμαχοσ καὶ εὐκοίλιοσ. σάλπη σκληρά, ἄστομοσ· κρείσσων δ’ ἡ ἐν Ἀλεξανδρείᾳ καὶ ἡ τῷ φθινοπώρῳ γινομένη ι ὑγρόν τι γὰρ καὶ λευκόν, ἔτι δὲ καὶ ἄβρωμον ἀνίησιν. ὁ γρύλλοσ ὅμοιοσ μὲν ἐστιν ἐγχέλει, ἄστομοσ δέ. ὁ δ’ ἱέραξ σκληροσαρκότεροσ μὲν κόκκυγοσ, τοῖσ δ’ ἄλλοισ ὅμοιοσ· καὶ ὁ κόραξ ἱέρακοσ σκληρότεροσ, οὐρανοσκόποσ δὲ καὶ ὁ ἁγνὸσ καλούμενοσ ἢ καὶ καλλιώνυμοσ βαρεῖσ, βῶξ δὲ ἑφθὸσ εὔπεπτοσ, εὐανάδοτοσ, ὑγρὸν ἀνιείσ, εὐκοίλιοσ· ὁ δ’ ἀπ’ ἀνθράκων γλυκύτεροσ καὶ ἁπαλώτεροσ.
βάκχοσ εὔχυλοσ, πολύχυλοσ, εὔτροφοσ, τράγοσ οὐκ εὔχυλοσ, ἄπεπτοσ, βρωμώδησ. ψῆττα, βούγλωσσοι εὔτροφοι καὶ ἡδεῖαι. τούτοισ ἀναλογεῖ καὶ ὁ ῥόμβοσ. λευκίσκοι, κέφαλοι, κεστρεῖσ, μυξῖνοι, χελλῶνεσ ὅμοιοί εἰσι κατὰ τὴν προσφοράν, τοῦ δὲ κεφάλου καταδεέστερόσ ἐστιν ὁ κεστρεύσ, ἥσσων δὲ ὁ μυξῖνοσ, τελευταῖοσ ὁ χελλών.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기