Athenaeus, The Deipnosophists, Book 15, book 15, chapter 51

(아테나이오스, The Deipnosophists, Book 15, book 15, chapter 51)

τούτων λεχθέντων ὁ Δημόκριτοσ ἔφη· "ἀλλὰ μὴν καὶ τὸ ὑπ’ τοῦ πολυμαθεστάτου γραφὲν Ἀριστοτέλουσ εἰσ Ἑρμείαν τὸν Ἀταρνέα οὐ παιάν ἐστιν, ὡσ ὁ τὴν τῆσ ἀσεβείασ κατὰ τοῦ φιλοσόφου γραφὴν ἀπενεγκάμενοσ Δημόφιλοσ εἰσέδωκε,7 παρασκευασθεὶσ ὑπ’ Εὐρυμέδοντοσ, ὡσ ἀσεβοῦντοσ καὶ ᾄδοντοσ ἐν τοῖσ συσσιτίοισ ὁσημέραι εἰσ τὸν Ἑρμείαν παιᾶνα, ὅτι δὲ παιᾶνοσ οὐδεμίαν ἔμφασιν παρέχει τὸ ἆσμα, ἀλλὰ τῶν σκολίων ἕν τι καὶ αὐτὸ εἶδόσ ἐστιν ἐξ αὐτῆσ τῆσ λέξεωσ φανερὸν ὑμῖν ποιήσω· "ἀρετὰ πολύμοχθε γένει βροτείῳ, θήραμα κάλλιστον βίῳ, σᾶσ πέρι,1 παρθένε, μορφᾶσ καὶ θανεῖν ζηλωτὸσ ἐν Ἑλλάδι πότμοσ καὶ πόνουσ τλῆναι μαλεροὺσ ἀκάμαντασ, τοῖον ἐπὶ φρένα βάλλεισ καρπὸν ἰσαθάνατον χρυσοῦ τε κρείσσω καὶ γονέων μαλακαυγήτοιὸ θ’ ὕπνου σεῦ δ’ ἕνεχ’ οἱ Διὸσ Ἡρακλέησ Λήδασ τε κοῦροι πόλλ’ ἀνέτλασαν ἔργοισ σὰν ἀγρεύοντεσ δύναμιν. "σοῖσ δὲ πόθοισ Ἀχιλεὺσ Αἰάσ τ’ Αἴδα δόμον ἦλθον. "σᾶσ δ’ ἕνεκεν φιλίου μορφᾶσ καὶ Ἀταρνέοσ ἔντροφοσ ἠελίου χήρωσεν αὐγάσ. τοιγὰρ ἀοίδιμον ἔργοισ ἀθάνατὸν τέ μιν αὐξήσουσι Μοῦσαι, Μνημοσύνησ θύγατρεσ,21 Διὸσ ξενίου σέβασ αὔξουσαι φιλίασ τε γέρασ βεβαίου. "ἐγὼ μὲν οὐκ οἶδα εἴ τίσ τι κατιδεῖν ἐν τούτοισ δύναται παιανικὸν ἰδίωμα, σαφῶσ ὁμολογοῦντοσ τοῦ γεγραφότοσ τετελευτηκέναι τὸν Ἑρμείαν δι’ ὧν εἴρηκεν σᾶσ γὰρ φιλίου μορφᾶσ Ἀταρνέοσ ἔντροφοσ ἠελίου χήρωσεν αὐγάσ. οὐκ ἔχει δ’ οὐδὲ τὸ παιανικὸν ἐπίρρημα, καθάπερ ὁ εἰσ Λύσανδρον τὸν Σπαρτιάτην γραφεὶσ ὄντωσ παιάν, ὅν φησι Δοῦρισ ἐν τοῖσ Σαμίων ἐπιγραφομένοισ ̔̀ Ὥροισ ᾄδεσθαι ἐν Σάμῳ. παιὰν δ’ ἐστὶν καὶ ὁ εἰσ Κρατερὸν τὸν Μακεδόνα γραφείσ, ὃν ἐτεκτήνατο Ἀλεξῖνοσ ὁ διαλεκτικόσ, φησὶν Ἕρμιπποσ ὁ Καλλιμάχειοσ ἐν τῷ πρώτῳ περὶ Ἀριστοτέλουσ, ᾄδεται δὲ καὶ οὗτοσ ἐν Δελφοῖσ, λυρίζοντὸσ γέ τινοσ παιδόσ. καὶ ὁ εἰσ Ἀγήμονα δὲ τὸν Κορίνθιον Ἀλκυόνησ πατέρα, ὃν ᾄδουσιν Κορίνθιοι, ἔχει τὸ παιανικὸν ἐπίφθεγμα. "παρέθετο δ’ αὐτὸν Πολέμων ὁ περιηγητὴσ ἐν τῇ πρὸσ Ἀράνθιον Ἐπιστολῇ. καὶ ὁ εἰσ Πτολεμαῖον δὲ τὸν πρῶτον Αἰγύπτου βασιλεύσαντα παιάν ἐστιν, ὃν ᾄδουσιν Ῥόδιοι· "ἔχει γὰρ τὸ ἰὴ παιὰν ἐπίφθεγμα, ὥσ φησιν Γόργων ἐν τῷ Περὶ τῶν ἐν Ῥόδῳ θυσιῶν, ἐπ’ Ἀντιγόνῳ δὲ καὶ Δημητρίῳ φησὶν Φιλόχοροσ Ἀθηναίουσ ᾄδειν παιᾶνασ τοὺσ πεποιημένουσ ὑπὸ Ἑρμοκλέουσ τοῦ Κυζικηνοῦ, ἐφαμίλλων γενομένων τῶν παιᾶνασ ποιησάντων πάντων καὶ τοῦ Ἑρμοκλέουσ προκριθέντοσ, ἀλλὰ μὴν καὶ αὐτὸσ Ἀριστοτέλησ ἐν τῇ Ἀπολογίᾳ τῆσ ἀσεβείασ, εἰ μὴ κατέψευσται ὁ λόγοσ, φησίν οὐ γὰρ ἄν ποτε Ἑρμείᾳ θύειν ὡσ ἀθανάτῳ προαιρούμενοσ ὡσ θνητῷ μνῆμα κατεσκεύαζον καὶ ἀθανατίζειν τὴν φύσιν βουλόμενοσ ἐπιταφίοισ ἂν τιμαῖσ ἐκόσμησα τὸ σῶμα. "τοιαῦτα λέγοντοσ τοῦ Δημοκρίτου ὁ Κύνουλκοσ ἔφη· "τί μ’ ἀνέμνασασ κείνων κυκλικῶν; "κατὰ τὸν σὸν Φίλωνα, δέον μηδένα τῶν σπουδῆσ ἀξίων λέγειν τι τοῦ γάστρωνοσ παρόντοσ Οὐλπιανοῦ. οὗτοσ γὰρ τὰσ καπυρωτέρασ ᾠδὰσ ἀσπάζεται μᾶλλον τῶν ἐσπουδασμένων οἱαῖ̀ εἰσιν αἱ Λοκρικαὶ καλούμεναι,4 μοιχικαί τινεσ τὴν φύσιν ὑπάρχουσαι, ὡσ καὶ ἥδε· "ὦ τί πάσχεισ; "μὴ προδῷσ ἄμμ’, ἱκετεύω. πρὶν μολεῖν καὶ κεῖνον, ἀνστῶ,6 μὴ κακὸν σὲ μέγα ποιήσῃ κἀμὲ τήνδε δειλάκραν, ἁμέρα καὶ δή10, τὸ φῶσ διὰ τᾶσ θυρίδοσ οὐκ εἰσορῇσ; "τοιούτων γὰρ ᾀσμάτων αὐτοῦ πᾶσα πλήρησ ἡ Φοινίκη, ἐν ᾗ καὶ αὐτὸσ περιῄει καλαμίζων μετὰ τῶν τοὺσ κολάβρουσ καλουμένουσ συντιθέντων. "εἴρηται γάρ, ὦ καλὲ Οὐλπιανέ, τοὔνομα. "καὶ ὅ γε Σκήψιοσ Δημήτριοσ ἐν τῷ δεκάτῳ τοῦ Τρωικοῦ Διακόσμου φησὶν οὕτωσ· "Κτησιφῶν ὁ Ἀθηναῖοσ ποιητὴσ τῶν καλουμένων κολάβρων, ὃν καὶ ὁ πρῶτοσ μετὰ Φιλέταιρον ἄρξασ Περγάμου Ἄτταλοσ δικαστὴν καθεστάκει βασιλικῶν τῶν περὶ τὴν Αἰολίδα. "ὁ δ’ αὐτὸσ οὗτοσ συγγραφεὺσ κἀν τῷ ἐννεακαιδεκάτῳ τῆσ αὐτῆσ πραγματείασ Μνησιπτολέμου φησί ποτε τοῦ ἱστοριογράφου τοῦ παρὰ Ἀντιόχῳ τῷ προσαγορευθέντι Μεγάλῳ πλεῖστον ἰσχύσαντοσ υἱὸν γενέσθαι Σέλευκον τὸν τῶν ἱλαρῶν ᾀσμάτων ποιητήν. οὗπερ συνεχῶσ ᾄδειν εἰώθασιν κἀγὼ παιδοφιλήσω πολύ μοι κάλλιον ἢ γαμεῖν·

일치하는 문장이 없습니다.

SEARCH

MENU NAVIGATION