호흡부호 보기
강세부호 보기
장단부호 보기
작은 Iota 보기
모든 부호 보기
τούτοισ ἀπαντήσασ ὁ Μασσούριοσ ἔφη· "ὦ δαιμόνιε ἀνδρῶν, οὐκ οἶδασ ὅτι αἱ ἐν τῷ ἐγκεφάλῳ ἡμῶν αἰσθήσεισ ὀδμαῖσ ἡδείαισ παρηγοροῦνται προσέτι τε θεραπεύονται, καθὰ καὶ Ἄλεξίσ φησιν ἐν Πονήρᾳ οὕτωσ· "ὑγιείασ μέροσ μέγιστον ὀσμὰσ ἐγκεφάλῳ χρηστὰσ ποιεῖν. καὶ ὁ ἀνδρειότατοσ δέ, προσέτι δὲ καὶ πολεμικὸσ ποιητὴσ Ἀλκαῖοσ ἔφη· "κὰδ δὲ χευάτω μύρον ἁδὺ καττῶ στήθεοσ ἄμμι. "καὶ ὁ σοφὸσ δὲ Ἀνακρέων λέγει που· "τί μὴν πέτεαι συρίγγων κοιλώτερα στήθεα χρισάμενοσ μύρῳ; "τὰ στήθη παρακελευόμενοσ μυροῦν, ἐν οἷσ ἐστιν ἡ καρδία, ὡσ καὶ ταύτησ δηλονότι παρηγορουμένησ τοῖσ εὐώδεσι. "τοῦτο δ’ ἔπρασσον οὐ μόνον τῆσ εὐωδίασ ἀπὸ τοῦ στήθουσ κατὰ φύσιν ἀναφερομένησ ἐπὶ τὴν ὄσφρησιν, ἀλλὰ καὶ διὰ τὸ νομίζειν ἐν τῇ καρδίᾳ τὴν ψυχὴν καθιδρῦσθαι, ὡσ Πραξαγόρασ καὶ Φυλότιμοσ οἱ ἰατροὶ παραδεδώκασιν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기